Daemon's Academy ⅠⅠ. (Trapped In Hell)

Chapter 21

Awake

~~~🌸~~~

Crizel's Point Of View

Pinagmasdan ko ang resulta ng ginawa namin. Hinawakan ko ang pang-ibabang labi ko habang sapo naman ng isa kong kamay ang aking siko habang iniisip kung saang angulo pa ba ang kulang. Nang mapansin kong siguro okay na ito ay saka ako tumingin sa oras.

Halos sampung minuto rin pala ang itinagal namin dito. Sigurado naman naipaalam na nina Abbygail at Veronica ang nangyayari rito. Sapat na oras na iyon.

At base from my calculations, "Paparating na sila!"

Nangingiti kong sabi 'tsaka ko tiningnan ang tatlo. Si Jhorie na mukhang satisfied na sa mga nagawa niya habang si Erin naman na tumitingin pa kung saan ang kulang at kailangan pa ng konting dagdag.

"What do you think?" Si Jhorie na nagtatanong pa sa mga pwedeng idagdag sa kaniyang ginawa. Pinagmasdan ko naman ito.

"Hmm, I think that's fine." Sagot ko.

"Looks good." Dagdag ko pa habang nangingiti.

Iba't-ibang klase ng magagandang kotse ang natatapos pa lang naming mapaglaruan sa ngayon. Medyo nakakapagod but still worth it. Lalo na at nabago namin ang mga itsura nito sa loob lamang ng nasa sampung minuto. That's a record breaker, you know.

Magaganda sana ang mga sasakyan nila, mukhang mamahalin at talagang mga bagong modelo. Sayang lamang at ang nagmamay-ari ng mga sasakyang ito ay ang mga lalaking kinamumuhian namin nang husto, nang sobra-sobra.

Mukhang nasiyahan namang mabuti si Amber dahil kahit natapos na ako at si Jhorie, tuwang-tuwa pa rin ito sa kaniyang ginagawa.

Well, sino ba namang hindi? Sa pamamagitan lang naman nito naipamalas namin ang aming galing sa arts and designs. And I am proud of myself.

"Mula sa second floor ng Silver Building papunta rito at lalakarin mo aabot ka ata ng labinglima hanggang dalawampung minuto." Pagbibigay ko ng kalkulasyon habang nakatingin sa wristwatch.

"But when you run at kung talagang magmamadali ka, siguro kaya nitong makalahati ang dalawampung minuto." Tumingin ako sa kanila at doon ko naabutan si Jhorie na nangingiti.