"Last Christmas...I gave you my heart.."
တီဗီမှပျံ့လွင့်လာသောသီချင်းသံကိုရှောင်းကျန့်ခပ်တိုးတိုးလိုက်ငြီးနေသည်။ အိမ်ဝရန်တာနားတွင် လက်ဆောင်ဘူးသေးသေးလေးများ၊ ရောင်စုံဘောလုံးလေးများ၊ ခြေအိတ်အစိမ်းရောင်နှင့်အနီရောင်လေးများ ချိတ်ဆွဲထားသောခရစ်စမတ်ထင်းရှုးပင်လေး။ သစ်ပင်အောက်ခြေမှာတော့ မီးကြိုးများနှင့်ရှုပ်ပွနေသည်။
ရှောင်းကျန့်ကနဂိုကတည်းကဒီဇိုင်းသမား၊ အလှအပအမြင်ရှိသူမို့ သူ့စိတ်ကြိုက်မရမချင်းမနက်မိုးလင်းကတည်းကသစ်ပင်ကိုဟိုနေရာချ ဒီနေရာချလုပ်နေသည်မှာတစ်အိမ်လုံးလည်းပေပွနေပြီ။ နောက်ဆုံးကျမှ နေရောင်ကောင်းကောင်းရသည့်အိမ်ဝရန်တာနားတွင်ထားသည်ကပိုအသင့်တော်ဆုံးဟုဆုံးဖြတ်လိုက်သည်။ ညဘက်ဆိုရင်လည်း မီးရောင်များတလက်လက်ဖြစ်နေသည့်သစ်ပင်လေးနားတွင်ထိုင်ကာဝိုင်တစ်ခွက်သောက်ရင်းအိမ်ပြင်ကိုငေးလို့ရသည်လေ။
ထင်းရှုးပင်ကိုပတ်ဖို့မီးကြိုးကိုအစရှာနေတုန်း နှာခေါင်းထဲတူးနံ့ဝင်လာမှမီးဖိုကမိုက်ခရိုဝေ့အိုဗင်ထဲထည့်ထားသည့် ကွတ်ကီးလေးများကိုသတိရသည်။ မီးကြိုးလေးများကိုချပြီးမီးဖိုထဲပြေးဝင်တော့ ရှုပ်ထွေးနေသောမီးကြိုးတစ်စကခြေထောက်မှာလာပတ်နေသည်မို့ မှောက်ရက်လဲကျသွားသည်။
"အ!"
ရှောင်းကျန့်ခဏမှောက်ရက်လဲနေပြီးမှ အားယူထလိုက်ကာခြေထောက်မှာပတ်နေတဲ့မီးကြိုးကိုဆွဲဖယ်လိုက်သည်။ ကြမ်းပြင်မှာသားမွှေးနုနုကော်ဇောခင်းထားတာမို့သိပ်နာနာကျင်ကျင်ဖြစ်သွားတာမျိုးမရှိ။ အကယ်၍ရီပေါ်သာရှိနေလျှင် ကောကိုချော်လဲစေတဲ့မီးကြိုးဆိုကာဆွဲဖြတ်လေမလားမပြောတတ်ပေ။ ထို့ကြောင့်သူမှောက်ရက်လဲသည့်ကိစ္စကိုလျှို့ဝှက်ထားရန်ရှောင်းကျန့်ဆုံးဖြတ်လိုက်သည်။ သူအပင်တပန်းပြင်ဆင်ထားတဲ့ခရစ်စမတ်သစ်ပင်လေးပျက်စီးသွားမှာတော့မခံနိုင်ပါ။
တွေးနေရင်းပိုစူးလာသည့်ခါးသက်သက်တူးနံ့ကြောင့်ရှောင်းကျန့်ပြန်ထကာမီးဖိုထဲဝင်သွားသည်။ သူရောက်သွားချိန်မှာတော့ အိုဗင်ထဲကကွတ်ကီးလေးတွေမှာကပ္ပလီမျက်နှာဖြစ်နေပေပြီ။
