"ခွေးပေါက်လေးပို့လိုက်တဲ့ဆပ်ပြာပူဖောင်းကအရမ်းဆော့လို့ကောင်းတယ်ရော်"
ပင်လယ်ကမ်းစပ်တွင် ဆပ်ပြာပူဖောင်းတုတ်လေးကိုင်ကာပျော်နေသောယုန်ညိုလေးကိုကြည့်ပြီးရီပေါ်ပြုံးနေသည်။ ခုတလောရီပေါ်အလုပ်တွေလက်ခံတာတအားများနေ၍ကျန့်ကောနားတွင်ကြာကြာမနေပေးနိုင်ပေ။ သို့သော် မျက်နှာတစ်ချက်မပျက်ဘဲခွေးပေါက်လေးအလုပ်ကိုပဲဦးစားပေးဟုပဲပြောနေသော ချစ်ရသူစိတ်မကောင်းဖြစ်နေတာကိုတော့ ဟောဒီကကောင်ကသိတာပဲလေ။ အရင်ကလိုလေယာဥ်လက်မှတ်ခိုး၀ယ်ပြီးပြန်ပြန်လစ်လို့လည်းမရတာမို့သာသည်းခံနေရသည်။ ဒီအချစ်တုံးကြီးကိုထွေးဖက်ချင်နေတာတော့တစ်ပိုင်းကိုသေနေပြီ။
အခုလည်း အွန်လိုင်းပေါ်တွင်ခေတ်စားနေသောဆပ်ပြာပူဖောင်းဘူးလေးများကို၀ယ်ယူပြီး ကျန့်ကောဆီသို့ပို့ပေးလိုက်သည်။ သေချာပေါက်ကိုအတွဲတွေအတွက်ထုတ်ထားတဲ့အထူးပစ္စည်းပဲပေါ့။
"ကျန့်ကောပျော်ရင်ပြီးရော"
"အင်း ဒီလိုဆိုတော့ကောတို့အတူတူရှိနေသလိုပဲခံစားရတယ်"
ဖုန်းစခရင်မ်ပေါ်မှာပေါ်နေတဲ့မျက်နှာလေးကိုဖွဖွလေးပွတ်သပ်လိုက်ရင်းရှောင်းကျန့်ဆိုလိုက်သည်။ ဖုန်းမျက်နှာပြင်တစ်ဖက်ကကောင်လေးကလည်း ရိုက်ကွင်းအနီးနားရှိမြစ်ကမ်းစပ်တွင်ဆပ်ပြာပူဖောင်းလေးများမှုတ်နေသည်။
"ကော ကောင်းကင်ကိုကြည့်လိုက်"
"အင်း"
ရှောင်းကျန့် ရီပေါ်စကားအတိုင်းကောင်းကင်ကိုကြည့်လိုက်တော့လမင်းကြီးကထိန်ထိန်သာလို့။
"ကျွန်တော်နဲ့ကောနဲ့တစ်မိုးအောက်ထဲမှာရှိနေတာသိလား"
"အင်း..."
တိမ်ကင်းစင်နေသောကောင်းကင်ကိုမော့ကြည့်ရင်းရှောင်းကျန့်က ခပ်ပြုံးပြုံးဆိုသည်။
"ကျွန်တော်ကဟိုး...ကကြယ်လေး...ကောကိုကြည့်နေတယ်"
"ကောက အဲ့ကြယ်လေးဘေးနားကကြယ်လေး"
ယုန်သွားလေးများပေါ်အောင်ပြုံးပြနေရင်းပြန်လည်ပြောဆိုလာသောရှောင်းကျန့်ကိုကြည့်ပြီးရီပေါ်အူယားမိသည်။