➡️Unicode
"ကျွန်..ကျွန်တော်အဲလိုမျိုး ဆိုလိုတာမဟုတ်ပါဘူး,အကြီးဆုံးသခင်လေး" လို့ လုတာ့ဖုန်းက ခပ်မြန်မြန်ပြန်ဖြေလိုက်တယ်။
"သခင်လေးသာ ကြိုတင်အကြောင်းကြားထားမယ်ဆိုရင် ကျွန်တော်ကကြိုဆိုပွဲလေးဖြစ်ဖြစ် စီစဥ်ထားနိုင်လောက်မှာပါ"
လုတာ့ဖုန်းကစိုးရိမ်ထိတ်လန့်နေရတယ်
~ဒီမကောင်းဆိုးဝါး ပြည်ပမှာရှိနေတုန်းကအရာအားလုံးက ငြိမ်းငြိမ်းချမ်းချမ်းဖြစ်နေတာကိုvသူဘာလို့ပြန်လာတာလဲ~
ဒီလုမိသားစု အသိုင်းအဝိုင်း တည်ရှိနေတာကရာစုနှစ်တစ်ခုကျော်ပြီ။ ဒီအသိုင်းအဝိုင်းရဲ့ရာထူးနဲ့ပတ်သက်တဲ့ စည်းကမ်းတွေကအရမ်းတင်းကြပ်တယ်.
လုချင်းယွင်က သူ့ကိုဒုတိယဦးလေးလို့ခေါ်တယ်ဆိုပေမယ့် သူကမျိုးနွယ်စုခွဲထဲက ဖြစ်ပြီး လုချင်းယွင်က ပင်မမိသားစုအသိုင်းအဝိုင်းက လာတာဖြစ်တယ်။
ဒီနှစ်တွေ အတောအတွင်းမှာ ပင်မမျိုးနွယ်စုက ပြည်ပကိုထွက်သွားကြတာမို့ လုတာ့ဖုန်းက သူဘာလို့ပြန်လာတာမှန်းမသိခဲ့ဘူး။
"အဲလိုမျိုးတွေလုပ်ဖို့မလိုအပ်ပါဘူး" လို့
လုချင်းယွင်က ရှီရှန်းကိုကြည့်ပြီး ပြောလိုက်တယ်။
လင်ရှန်းရှန်းကbရုတ်တရပ် ကြောင်အသွားတယ်။ ပုံမှန်အားဖြင့် လုတာ့ဖုန်းထက်ပိုပြီးကောင်းတဲ့လူကိုbဒီအသိုင်းအဝိုင်းမှာရှာလို့မရနိုင်တော့ဘူး။ ပြီးတော့လုတာ့ဖုန်းက သူ့ကိုအဲလောက် ကျိုးကျိုးနွံနွံဆက်ဆံနေပုံထောက်ရင် သူ့အသိုင်းအဝိုင်းက ပိုပြီးမြင့်လောက်တယ်။ အကယ်လို့သူမသာ ဒီလူကိုဆွဲဆောင်နိုင်ရင်......
ဒီအချက်ကိုတွေးမိပြီးပြီးချင်းပဲ ခေါင်းထဲကပြန်ထုတ်ပစ်လိုက်တယ်။ ဒီလူကိုကြည့်ရတာချဥ်းကပ်ဖို့ မလွယ်လောက်ဘူး။ ပြီးတော့သူက လုတာ့ဖုန်းလေးစားနေတဲ့သူ ဖြစ်ပုံထောက်ရင် သူမ ရန်စနိုင်မဲ့သူမဟုတ်ဘူး။
သူမလုတာ့ဖုန်းကိုပဲ ရအောင် ကပ်ထားသင့်တယ်။ ဘာတစ်ခုမှ အမြတ်မရရင်တောင်အရင်းရှုံးလို့မဖြစ်ဘူး။
YOU ARE READING
Final Boss Is No Joke
Fantasyသည်းထိတ်ရင်ဖိုဇာတ်လမ်းတွေကိုနှစ်သက်တဲ့စာရေးဆရာမရှီရှန်းက ရေးလက်စစာအုပ်များစွာကိုရပ် တန့်ခဲ့တယ် မြောက်များစွာသော အဓိကဇာတ်ဆောင်တွေကို ဝမ်းနည်းစရာအဆုံးသတ်တွေပေးခဲ့တဲ့ မိထွေးလိုမျိုး စာရေးဆရာမတစ်ယောက်လည်းဖြစ်တယ် ဒီနေ့လိုလှပတဲ့နေ့မျိုးမှာ နောက်ဆုံးတော့...
