➡️Unicode
ဆရာမက စုရီရီရဲ့ခေါင်းမှာသွေးထွက်နေတာကိုမြင်တဲ့အခါမှာ မျက်မှောင်ကြုတ်ပြီးမေးလိုက်တယ်
"စုရီရီ ညည်းကိုဘယ်သူတွန်းလိုက်တာလဲ"
စုရီရီက ရှီရှန်းကိုမလုံမလဲတစ်ချက်ကြည့်ပြီး သူမခေါင်းကို သနားစဖွယ်ယမ်းလိုက်တယ်
"ဘယ်သူမှမတွန်းဘူး ဆရာမ သမီးဘာသာသမီး ချော်လဲတာပါ"
ဒီလိုမျိုးသိသာတဲ့ 'ဖုံးကွယ်ပေးမှုကြီး'ကို ဆရာမက အလျင်အမြန်ကို ရိပ်မိသွားတယ်
"မလိမ်နဲ့ သူကနင့်ကိုတွန်းလိုက်တာမလား"
ဆရာမကရှီရှန်းကိုညွှန်ပြပြီးမေးတယ်
စုရီရီရဲ့ဇာတ်လိုက်မပါ၀ါကြောင့် ဆရာမက သူမအပေါ်ကိုကောင်းမွန်တဲ့အမြင်သာရှိပြီးပြစ်မှုကျူးလွန်ခဲ့ပုံပေါ်တဲ့ တခြားမိန်းကလေးကတော့ ဆက်ဆံရခက်မယ့်ပုံပေါ်တယ်
"ဒါ့အပြင် အဲ့ဒီကောင်မလေးက ဇိမ်ခံကားတွေနဲ့ ခနခနပါပါသွားပြီး ပြန်လာတဲ့အခါမှာ သူမ၀တ်လာတဲ့အ၀တ်အစားတွေက ပြောင်းသွားလေ့ရှိတယ် ဒီလိုကျောင်းသူမျိုးတွေကိုကြုံရပေါင်းများနေပြီ"
"မဟုတ် ...အဲ့လိုမဟုတ်ပါဘူး"
စုရီရီက ဟန်ဆောင်ကာရှင်းပြဖို့လုပ်တယ်
"ရီရီ နင်ဘာလို့သူ့ကိုကာကွယ်ပေးနေတာလဲ ဆရာမ ရီရီကိုတွန်းလိုက်တာသူပဲ ရှနဥ်နဲ့သမီးတို့က သက်သေလုပ်ပေးနိုင်တယ်"
ရှနဥ်က နဲနဲလောက်တုံ့ဆိုင်းသွားပေမယ့် ရှီရှန်းရဲ့ဂရုမစိုက်တဲ့ပုံစံကိုမြင်တဲ့အခါမှာတော့ သူမလည်းခေါင်းငြိမ့်ပြီးထောက်ခံလိုက်တော့တယ်
"နင့်နာမည်ကဘာလဲ"
ဆရာမကရှီရှန်းကိုစိုက်ကြည့်ပြီးမေးလိုက်တယ် ဆရာမရဲ့အပြုအမူတွေက အားနန်နဲ့စုရီရီဘက်ကိုအပြည့်အ၀ယုံကြည်ကြောင်းဖော်ပြနေတယ်
"ရွှီချန်ယွဲ့ "ရှီရှန်းကစုရီရီရဲ့မျက်လုံးကိုစိုက်ကြည့်ပြီး သူမရဲ့နာမည်ကို ခပ်ပြုံးပြုံးပဲဖြေလိုက်တယ်.အဲ့ဒီအကြည့်ကြောင့်စုရီရီကိုမသက်မသာခံစားရစေတယ်.
ဒါပေမယ့် ရွှီချန်ယွဲ့ဘက်ကလိုက်ပြောပေးမယ့်သူမရှိတဲ့အကြောင်းကိုစဥ်းစားပြီးတဲ့နောက်မှာ အေးအေးဆေးဆေးပြန်ဖြစ်သွားတယ်
ESTÁS LEYENDO
Final Boss Is No Joke
Fantasíaသည်းထိတ်ရင်ဖိုဇာတ်လမ်းတွေကိုနှစ်သက်တဲ့စာရေးဆရာမရှီရှန်းက ရေးလက်စစာအုပ်များစွာကိုရပ် တန့်ခဲ့တယ် မြောက်များစွာသော အဓိကဇာတ်ဆောင်တွေကို ဝမ်းနည်းစရာအဆုံးသတ်တွေပေးခဲ့တဲ့ မိထွေးလိုမျိုး စာရေးဆရာမတစ်ယောက်လည်းဖြစ်တယ် ဒီနေ့လိုလှပတဲ့နေ့မျိုးမှာ နောက်ဆုံးတော့...
