Final Boss Is No Joke

Arc-3.13

°°°Unicode°°°

စိတ်ပျက်လက်ပျက် အမူအယာနဲ့ ဂူထဲကထွက်လာတဲ့ ယဲ့ချင်ချိုးက အပြင်မှာရပ်​နေတဲ့၂​ယောက်ကို သတိမပြုမိဘူး

သူမက ဒီမိစ္ဆာနဲ့ လွန်ခဲ့တဲ့ ၅နှစ်ကစပြီး  အချိတ်အဆက် ရှိ​နေခဲ့တာဖြစ်တယ်.

အဲ့ဒီအချိန်တုန်းက သူမဟာ လူအချို့ကို အပြစ်ပြုမိကာ ထွက်​ပြေးတိမ်း​ရှောင်​နေရင်း ချောက်ကမ်းပါး တစ်ခုဆီ​ ရောက်လာခဲ့ပြီး
​ရွေးချယ်စရာ အခြားနည်းလမ်းမရှိခဲ့တဲ့အတွက် ခုန်ချခဲ့ရတယ်.

ယဲ့ချင်ချိုး သတိမမူမိခင်မှာပဲ ဒီမိစ္ဆာက သူမနဲ့ ​​သွေးစာချုပ်တစ်ခုကို ချုပ်ပြီးသွားခဲ့ပြီ

သူမကသာ​ သွေးစာချုပ်ကို ဖျက်ပစ်ချင်တယ်ဆိုရင် ဒီမိစ္ဆာအတွက် ခန္ဓာကိုယ်အသစ်တစ်ခုကို ရှာ​ပေးရလိမ့်မယ်

ဒါ​ပေမယ့် အဲ့လိုလုပ်ဖို့ဆိုရင် ​သန့်စင်ရေ၀ိညာဥ်​သွေး​ကြောရှိတဲ့ အမျိုးသမီးကျင့်ကြံသူ​ကို လိုအပ်တယ်.

ယဲ့ချင်ချိုးက ​ရေ၀ိညာဥ်​သွေး​ကြောပိုင်ရှင်ဖြစ်​ပေမယ့်လည်း ဒီကိစ္စကို လုံး၀ မကိုင်တွယ်ချင်ဘူး

အဲ့ဒါ​​ကြောင့်သူမက တခြား​ရေ၀ိညာဥ်​သွေး​ကြောပိုင်ရှင်ကိုသာ ရှာရ​တော့တယ်

မူလဇာတ်​ကြောင်းမှာတုန်းက ဂိုဏ်းချုပ်ရဲ့ကာကွယ်မှုကို ရရှိထားတဲ့အတွက် ယဲ့ချင်ချိုးက ​ချောက်ထဲကိုလည်း ခုန်မဆင်းခဲ့ရသလို ဒီမိစ္ဆာနဲ့လည်းမ​တွေ့ခဲ့ရဘူး.

အဲ့ဒါ​ကြောင့်ရှီရှန်းကလည်း အခုကိစ္စနဲ့ပတ်သတ်ပြီး ဘာမှ​သေချာမသိဘူး

သူမသိတယ်ဆိုရင်​တောင်မှ  ကံကြမ္မာရဲ့ဘက်လိုက်မှုကို အပြစ်တင်ရုံပဲ တတ်နိုင်မယ်.

မိစ္ဆာ​တွေနဲ့ပတ်သတ်ပြီး ရှန်းရှူခံစားခဲ့ရတာ​တွေက ဆိုး၀ါးလွန်းသ​လောက် ယဲ့ချင်ချိုးကြုံ​တွေ့ရသမျှက​တော့ အမြည်းသ​ဘော​လောက်​တောင် မရှိဘူး​.

နောက်​နေ့မနက် ရှီရှန်း ပြိုင်ပွဲကွင်းထဲ​ရောက်တဲ့အခါမှာ တခြားသူ​တွေကသူမကို အရင်​လောက် မ​ကြောက်ရွံ့​တော့ပဲ အတင့်ရဲ​နေကြတာကို​ တွေ့လိုက်ရတယ်.