Final Boss Is No Joke

Arc- 3.22

°°°Unicode °°°

"ကိုယ်တို့က ဘာလို့ဒီကို​ရောက်​နေတာလဲ..ဒီမှာအရမ်းညစ်ပတ်တာပဲ..ကိုယ်မင်းကိုချီထားမယ် "

ရှီရှန်းရဲ့ တုန့်ပြန်မှုကိုမ​စောင့်​နေဘဲ သူက သူမကို ချီမလိုက်​တယ်

ရှီရှန်းက သက်ပြင်းချကာ သူ့လည်ပင်းကိုလှမ်းဖက်ထားလိုက်ပြီးဘယ်ကိုသွားရမယ်ဆိုတာ လမ်းညွှန်လိုက်တယ်

ဒါက ခရမ်း​၀ါး​တောင်ကုန်းရဲ့အပြင်က သစ်​တောအုပ်ငယ်​လေးဖြစ်ပြီး ကူးစက်​ရောဂါ​တွေနဲ့ အဆိပ်ဓါတ်​ငွေ့​တွေအများကြီးရှိတဲ့​နေရာလည်းဖြစ်တယ်​.

မြေပြင်က သစ်ရွက်​ကြွေ​တွေနဲ့ဖုံးအုပ်​နေပြီး စိတ်မချမ်း​​မြေ့စရာ ပုပ်အက်အက် အနံ့ကလည်း ​လေထုထဲမှာဖုံးလွှမ်း​နေတယ်

ရှီရှန်း ဒီကို​ရောက်​နေတာက ဇာတ်လိုက်မကို ရှာဖို့ပဲဖြစ်တယ်

ယဲ့ချင်ချိုးက ဒီ​နေရာမှာ ဖုန်းစီကို​နောက်ပိုင်းမှာ ရင်ဆိုင်နိုင်မယ့် စွမ်းအားအရမ်းကြီးမားတဲ့ ​မှော်စွမ်းအားကို လက်ခံရရှိခဲ့တာဖြစ်တယ်

ဗီလိန်တစ်​ယောက်ဖြစ်တာနဲ့အညီ ရှီရှန်းကလည်း ဇာတ်လိုက်မ ဒီစွမ်းအားကို မရနိုင်​အောင်လုပ်ရလိမ့်မယ်

ရှီရှန်းက အဲ့ဒီ​နေရာအတိအကျကို.မသိတာ​ကြောင့် ယဲ့ချင်ချိုးကိုသာ ရှာ​နေလိုက်တယ်

"​ရှေ့မှာတစ်​ယောက်​ယောက်ရှိ​နေတယ်"

ဖုန်းစီက ရှီရှန်းကို သတိ​ပေးလိုက်တယ်​.

အ​ရှေ့မှာ ​မြေသား​တွေစုပုံ​နေတဲ့ ကုန်းမို့ငယ်​လေးရှိ​နေပြီး ​ရေညှိတချို့​ပေါက်​နေကြတယ်

ဖုန်းစီက ရှီရှန်းကို ချီထားရင်းနဲ့ အဲ့ဒီအ​ပေါ်တက်လိုက်တယ်

သူတို့က ​အောက်မှာဖြစ်​နေတဲ့အရာအားလုံးကို အ​ပေါ်စီးက​နေမြင်​နေရတယ် ဒါ​ပေမယ့် စက္ကန့်အနည်းငယ်အတွင်းမှာပဲ ရှီရှန်းရဲ့မျက်လုံးကို ဖုန်းစီက လက်နဲ့အုပ်လိုက်ပြီးသူမရဲ့​ခေါင်းကို သူ့ရင်ခွင်ထဲထည့်ထားလိုက်တယ်​ အောက်ကမြင်ကွင်းက အရမ်းကို..... ညစ်ညမ်း​နေတယ်