°°°Unicode °°°
ဖုန်းစီနိုးလာတဲ့အချိန်မှာ ရှီရှန်းက ၀င်ပေါက်ရဲ့အပြင်ဘက်မှာရပ်နေပြီး အပေါ်ကိုမော့ကြည့်နေတယ်
"ရှောင်ရှူ.."
သူမကိုမြင်တဲ့အခါမှာ ဖုန်းစီက မြေကြီးပေါ်ကနေထလာပြီး လျှပ်စီးလိုအမြန်နှုန်းနဲ့ ရှီရှန်းကိုနောက်ကျောကနေပြေးဖက်လိုက်တယ်
"တော်သေးတာပေါ့ မင်းဘာမှမဖြစ်လို့ "
ရုတ်တရပ် မပြင်ဆင်ထားမှုကြောင့် ရှီရှန်းက ပြင်းပြင်းထန်ထန် ချောင်းဆိုးလိုက်ပြီး လေထုထဲမှာ ဖျော့တော့တဲ့ သွေးနံ့တစ်ချက် ပျံ့နှံ့သွားတယ်
"ဘာဖြစ်တာလဲ"
ဖုန်းစီက ရှီရှန်းကို့ သူ့ဘက်ဆွဲလှည့်လိုက်တယ်
"မင်းမျက်နှာက ဘာလို့အရမ်းဖျော့တော့နေရတာလဲ မင်းရဲ့ကျင့်ကြံဆင့်တွေ.ဘယ်ရောက်ကုန်တာလဲ အဲ့ဒီ့လူတွေကြောင့်လား...မကြောက်နဲ့ ရှောင်ရှူ ..ကိုယ်မင်းအတွက် သူတို့ကိုလက်စားချေပေးမယ်..မင်း သူတို့ကို ဘယ်လိုနည်းနဲ့သေစေချင်လဲ..ကိုယ့်ကိုပြော..ကိုယ်မင်းဖြစ်စေချင်တဲ့အတိုင်း လုပ်ပေးမယ် "
ရှီရှန်းက ပင့်သက်ရှိုက်ပြီး ဖုန်းစီကိုမော့ကြည့်လိုက်တယ်
သူမက စကားမပြောနိုင်သေးတာကြောင့် အပေါ်ဘက်ကိုသာ လက်ညွှန်ပြလိုက်တယ်.
ဖုန်းစီရဲ့ နီညိုရောင်မျက်လုံးတွေက စိုးရိမ်ပူပန်မှုတွေနဲ့ အပြည့်ဖြစ်နေပြီး ရှီရှန်းကို နားမလည်စွာ ကြည့်နေတယ်.
ရုတ်တရပ် ရှီရှန်းရဲ့ ခန္ဓာကိုယ်ကတုန်ရီသွားပြီး ဖုန်းစီကို ဘေးဘက်တွန်းလိုက်တယ်.
လေးလံတဲ့အရာ၀တ္ထုတစ်ခုက သူမတို့ခုနကမြေပြင်ပေါ်ပြုတ်ကျလာတဲ့အသံကို ကြားလိုက်ရတယ်
ရှီရှန်းရဲ့နောက်ကျောက မြေကြီးမှာကပ်နေပြီး ဖုန်းစီရဲ့ခန္ဓာကိုယ်ကသူမကို ဖိမိထားတယ်
သူ့ရဲ့အေးစက်နေတဲ့နှုတ်ခမ်းက ရှီရှန်းရဲ့နှုတ်ခမ်းဖျားကိုထိမိနေတယ် ..
ŞİMDİ OKUDUĞUN
Final Boss Is No Joke
Fantastikသည်းထိတ်ရင်ဖိုဇာတ်လမ်းတွေကိုနှစ်သက်တဲ့စာရေးဆရာမရှီရှန်းက ရေးလက်စစာအုပ်များစွာကိုရပ် တန့်ခဲ့တယ် မြောက်များစွာသော အဓိကဇာတ်ဆောင်တွေကို ဝမ်းနည်းစရာအဆုံးသတ်တွေပေးခဲ့တဲ့ မိထွေးလိုမျိုး စာရေးဆရာမတစ်ယောက်လည်းဖြစ်တယ် ဒီနေ့လိုလှပတဲ့နေ့မျိုးမှာ နောက်ဆုံးတော့...
