Tudo passa

Episode 6

     《 မိတ်ဆွေဟောင်းနဲ့ ပြန်တွေ့ခြင်း 》

   ဂျက် မိုင်၏ အိမ်တွင် အနားယူနေရင်း အိမ်ပေါ်က စိတ်ဝင်စားစရာ တစ်ခုတွေ့လိုက်သည်။ ထိုအရာက မိုင်၏ အိမ်က ကွန်ပြူတာဖြစ်သည်။ မိုင်က တစ်ကိုယ်သုံး Laptop ကို သွားလေရာ သယ်သွားတတ်ပေမဲ့ ကွန်ပြူတာလို ပစ္စည်းကိရိယာကိုတော့ ကြောင်တောင်တောင်နဲ့တော့ မသယ်သွားပါဘူး။ သူတစ်ပါးပိုင်ပစ္စည်းကို မထိသင့်ဘူးဆိုပေမဲ့ ဂျက် ပျင်းနေတာကြောင့် ကွန်ပြူတာကို ဖွင့်လိုက်သည်။ password တွေ ခံထားပေမဲ့ ဂျက်ကတော့ ဒါကို ကျွမ်းကျင်နေတာကြောင့် အလွယ်တကူပဲ ပွင့်သွားသည်။ များသောအားဖြင့် အလုပ်နဲ့ဆိုင်တဲ့ ဖိုင်တွေ ၊ သူလေ့လာနေတဲ့ website တွေသာ ရှိတာကြောင့် ဂျက် နည်းနည်းပါးပါးသာ ကြည့်လိုက်သည်။

   ထိုစဥ် ဂျက် photo gallery ကို ဖွင့်ကြည့်လိုက်သည်။ ဂျက် နှူတ်ခမ်းစွန်းလေး ကွေးအောင် ပြုံးလိုက်သည်။ ထိုအထဲမှာ မိုင်နဲ့ ကောင်လေးတစ်ယောက်၏ ပုံတွေ အများကြီး ရှိနေသည်။ ထိုကောင်လေးကလည်း အခုနာမည်ကြီးနေသည့် လီယွီကျိုးဆိုတဲ့ ကောင်လေး ဖြစ်သည်။ messenger မှာ အပြန်အလှန်ပြောထားတာတွေနဲ့ VC ခေါ်ထားတာတွေ အများကြီး ရှိနေသည်။ ဂျက် Tagging app တစ်ခုကို မိုင်၏ ကွန်ပြူတာထဲ ထည့်လိုက်သည်။ ဂျက် မိုင်၏ Schedule တွေကို သူ့ဖုန်းထဲကို ကူးထည့်လိုက်သည်။ ယနေ့သွားခဲ့တဲ့ အချိန်စာရင်းတွေ သူသိထားရသည်။ ဂျက် ဟိုဟိုသည်သည် လျှောက်ကြည့်နေရင်း မိုင် lock ချထားတဲ့ gallery တစ်ခုကို တွေ့လိုက်သည်။

    ဂျက် ဝင်ကြည့်ချင်လာတာကြောင့် ဖွင့်ကြည့်လိုက်သည်။ ဓာတ်ပုံတွေ ၁၀ ပုံလောက်ရှိသည်။ မိုင်နဲ့ အမျိုးသမီး တစ်ယောက်ကို တွေ့တော့ မိုင်ရဲ့ အရင်မိန်းမဖြစ်ပုံရသည်။ ဂျက် ကျော်လိုက်သည်။ ထို့နောက် မိုင် တက္ကသိုလ်တက်တုန်းက ပုံတွေ ဖြစ်သည်။ မိုင်နဲ့ သူသူငယ်ချင်းပုံတွေ ဖြစ်ပုံရသည်။ဂျက် သူတို့ကို သိနေသလိုဖြစ်နေတာကြောင့် ဂျက် ရှာကြည့်လိုက်ပြီးနောက် အနည်းငယ် အံ့သြသွားသည်။ မိုင်နဲ့အတူ ရိုက်ထားတဲ့  ၄ ယောက်က တစ်ယောက်က Polo blue ရေမွှေးကုမ္ပဏီပိုင်ရှင်၏ မြေးဖြစ်သူ Exxon Lawren ဖြစ်သည်။ နောက်တစ်ယောက်က အခုလက်ရှိ Hollywood တွင် အောင်မြင်နေသော မင်းသားတစ်ယောက်ဖြစ်သည်။ ကျန် ၂ယောက်ထဲက တစ်ယောက်ကို  ဂျက်မမြင်ဖူးပေမဲ့ နောက်တစ်ယောက်တော့ ဂျက်ကောင်းကောင်သိသည်။ သူက ဂျက်လိုပဲ မြေအောက်လောကမှာ ဘုရင်တစ်ပါးလို့ ပြောရမည်။ ဂျက်နဲ့ ထိပ်တိုက်မတွေ့ဖူးပေမဲ့ သူကလည်း အကောင်ကြီးကြီးဖြစ်သည်။