စောင့်စားနေရသည့် ရက်အနည်းငယ်သည် လျင်မြန်စွာ ရောက်ရှိလာခဲ့သည်။ ခွန်သူရသိန်းမြင့်နှင့် ဟီမာရီတို့သည် တရားရုံး၌ လက်ထပ်ထိမ်းမြားခြင်း မှတ်ပုံတင်ပြုလုပ်ခဲ့ကြပြီး ရိုးရာဓလေ့ထုံးထမ်းများနှင့်အညီ လက်ထပ်ကြသည်။ ဟီမာရီ၏ မိဘဘိုးဘွားများအား ကန်တော့ကြပြီးနောက် လက်ထပ်ထိမ်းမြားခြင်းအထမြောက်ခဲ့သည်။ မိုင်သည် ခွန်သူရသိန်းမြင့်၏ လက်ထပ်ထိမ်းမြားခြင်းအတွက် ဂုဏ်ယူမဆုံးဖြစ်နေခဲ့ရသည်။ လက်ထပ်ထိမ်းမြားခြင်း ကိစ္စအဝဝပြီးဆုံးချိန်၌ ခွန်သူရသိန်းမြင့်နှင့် ဟီမာရီတို့သည် သူတို့၏ နေအိမ်ကို ပြန်လာကြသည်။ ဟီမာရီသည် မိုင်တို့အတွက် အရသာရှိသော ဟင်းလျာများကို ချက်ပြုတ်ပေးသည်။
မိသားစုလေးယောက်စုပေါင်းကာ ညစာစားကြသည်။ မိုင်သည် သူ၏ မရီးဖြစ်သူအား စကားပြောဆို၍ မဆုံးဖြစ်နေခဲ့ပေမဲ့ ခွန်သူရသိန်းမြင့်၏ မည်းမှောင်နေသော မျက်နှာကြောင့် အိမ်ထဲကနေ အပြင်ထွက်လာခဲ့ရသည်။ သူလည်း ပူပူနွေးနွေးလက်ထပ်ထားသော ဇနီးသည်လေးနဲ့အတူ နေချင်ရှာမှာပဲကိုလေ။
မိုင်နှင့် ချွမ်ဟွားသည် သူတို့ နှစ်ယောက်နေရမည့် ဧည့်သည်ဆောင်သို့ ပြန်လာခဲ့သည်။ သူတို့နေရမည့် ဧည့်ဆောင်၏ ဘေးတွင် လှပသော ဝါးပင်သေးသေးလေးတွေ ရှိပြီး တခြားသော ပန်းပင်များလည်း ရှိသည်။ မိုင်သည် နေရောင်ဖြင့် ခံယူရရှိနိုင်စေရန် ပြတင်းပေါက်ကြီးနှင့် ဧည့်ခန်းသို့ သွားကာ တံခါးကို ဖွင့်လိုက်သည်။ ညနေခင်းသာ ရှိသေးတာကြောင့် လေပြေလေးက အခန်းအတွင်းသို့ ဖြတ်သန်းကျဆင်းနေသည်။ ထိုအပြင်ဖက်တွင် လူလုပ်ရေချိုးကန်တစ်ခုနှင့် ရေပူရေအေးရေပန်းတစ်ခုရှိသည်။မိုင်သည် ရေပန်းခလုတ်များကို စပ်စုနေစဉ် ချွမ်ဟွားသည် မိုင်ကို အနောက်ဖက်က လာဖက်လေသည်။
"ရေချိုးမလို့လား "
" မဟုတ်ပါဘူး။ ဒီတိုင်း စမ်းကြည့်တာ၊ အပြင်ဖက်မှာ ရေချိုးကန်လုပ်ထားတော့ နည်းနည်းလေး စပ်စုချင်စိတ်ပေါက်နေလို့ "
" ရေချိုးကြရအောင်နော် "
" တော်စမ်းပါ ၊ ငါ ရေမချိုးချင်ဘူး "
YOU ARE READING
Tudo Passa
FantasyChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
