《 ဖခင်မေတ္တာ 》
ချွမ်ဟွားသည် သူကတိပေးထားသည့်အတိုင်း မိုင်၏အလုပ်ကိစ္စတွင် ကူညီသဖြင့် ချော့မွေ့စွာ ကျော်ဖြတ်နိုင်ခဲ့သည်။ချွမ်ဟွားသည် ဒေဝါလီခံရကာ ငွေဆုံးရှုံးသွားသော ကုမ္ပဏီငယ်များကို ပြန်လည်ငွေချေပေးပြီးနောက် ကိစ္စအားလုံးသည် ချောမွေ့စွာ ပြီးဆုံးသွားသည်။သို့သော်ငြားလည်း မိုင်သည် ပေကျင်းရှိ SHINNIA ကုမ္ပဏီခွဲသို့ သွားနေရဆဲ ဖြစ်သည်။ သူ၏ လုပ်ငန်းဆောင်တာများက ပိုမိုလွယ်ကူချောမွေ့လာခဲ့သည်။ လက်ရှိရုံးနေရာကို လေလံတင်ရောင်းချမယ့် ပွဲတစ်ခုပြီးသောအခါ မိုင်သည် အတော်လေးကို ပြုံးရွှင်နေသည်။ အမြတ်များများနှင့် ရောင်းချနိုင်ခဲ့သည့်အပြင် လက်ရှိဝန်ထမ်းများများအား အလုပ်အကိုင်နေရာများကို အောင်မြင်စွာ ပြောင်းနိုင်ခဲ့သည်။
အခုလက်ရှိ ပေကျင်းမှ ရုံးခွဲအား ဟန်ကျိုးတွင်ပြောင်းရွှေ့ထားကာ သူဌေးယွဲ့၏ အစ်မဖြစ်သူက ပြည်ထဲရေး အလုပ်အလုံးကို လွှဲပြောင်းယူလိုက်သည်။ မိုင်အတွက်ကမူ ဆိုးလ်ကို သွားမလား သို့မဟုတ် တခြားသော နိုင်ငံခြားရုံးခွဲများသို့ ပြောင်းရွှေ့ချင်လား စိတ်ကြိုက်ရွေးချယ်ခွင့်ရှိသည်။ အစောင်ရေ တစ်ရာထက်မနည်းသော စာရွက်များ၌ လက်မှတ်ထိုးပြီးနောက် မိုင်သည် ဝန်ထမ်းတစ်ဦးအားကော်ဖီတစ်ခွက်ယူလာရန် အကူအညီတောင်းလိုက်သည်။
ဒေါက် ဒေါက် " မန်နေဂျာမိုင် ဝင်ခွင့်ပြုပါ၊ ချန်ချန်ပါ "
တံခါးခေါက်သံနဲ့အတူ ချန်ချန်၏ အသံကလေး ထွက်လာခဲ့သည်။
"ဝင်လာခဲ့ ၊တံခါးဖွင့်ထားတယ် "
ချန်ချန်သည် ကော်ဖီခွက်နဲ့အတူ မိုင်၏ ရုံးခန်းထဲ ဝင်လာခဲ့သည်။မိုင်နဲ့ စတွေ့စဉ်က ၁၇ နှစ်အရွယ်ကလေးလေးသည် အခုဆိုလျှင် ၂၀ ကျော်ကာ ပုံစံသွင်ပြင်အရ ကောင်းမွန်စွာ အရွယ်ရောက်နေပြီ ဖြစ်သည်။ ချန်ချန်သည် မိုင်၏ ကော်ဖီခွက်အား စားပွဲပေါ် သေချာလေး တင်ကာ ထိုင်ခုံတွင် ဝင်ထိုင်သည်။
"ကဲ ဆိုပါဦး၊ ဘာကိစ္စများလဲ "
"နောက်အပတ်ကျရင် ကျွန်တော်တို့ ဘွဲ့ယူရမှာ၊ အဲတာ မိုင်ကောကောကို လာဖိတ်တာ " ချန်ချန်သည် သူ၏ ဘွဲ့ယူရန် ဖိတ်ကြားလွှာကို လက်နှစ်ဖက်နဲ့ ပေးကာ ရွှင်မြူးစွာ ပြုံးပြလေသည်။
YOU ARE READING
Tudo Passa
FantasíaChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
