《 အပြန်အလှန် သဘောကျခြင်း 》
ရက်သတ္တပတ်အနည်းငယ်အထိ မိုင်သည် အနှောင့်အယှက်ကင်းကင်းဖြင့် ကျောင်းတက်ခြင်း၊ ဘားသို့ သွားခြင်း၊အချိန်ပိုင်း အလုပ်များဖြင့် အေးဆေးတည်ငြိမ်နေသေးသည်။ ယွဲ့ယန်သည် ရက်ခြား၍ ဘားကို လာတတ်ပြီး မိုင်တို့အကြားက ဆက်ဆံရေးက အဆင်ပြေနေသေးသည်။ ခွန်သူရသိန်းမြင့်ကလည်း အရင်ကလောက် သံသယ မဝင်တော့ပေမဲ့ မိုင်ကို မတရားကြံတဲ့သူကို မေးနေဆဲ ဖြစ်သည်။ မိုင်သည် ကျောင်းစာသင်ခန်းထဲတွင် ပျင်းရိစွာ ထိုင်နေခဲ့ပြီး သူသည် သင်ခန်းစာထဲက အကြောင်းအရာတစ်ခုကို နားလည်အောင် လုပ်နေသည်။ထိုစဥ် ကျောင်းကောင်စီခေါင်းဆောင်က သူ့ကို လာရှာလေသည်။
ကျောင်းကောင်စီခေါင်းဆောင်က ကျောင်း၏ ကြားဖြတ်ပွဲတစ်ခုအတွက် အကူအညီပေးရန်နှင့် ငွေကြေးရရန်တို့ကို လာပြောပြခြင်းဖြစ်သည်။ မိုင်သည် အနည်းငယ်တွေးတောပြီး သူအချိန်ရသမျှ ကူညီမည်ဟု ပြောလိုက်သည်။ ကျောင်းကောင်စီခေါင်းဆောင်က သူ့အတွက် ညနေပိုင်းလုပ်အားခတွေကို ရှင်းပေးပြီးနောက် ပြန်သွားသည်။
မိုင်သည် စာသင်ခန်းတွင်ထဲ စာလိုက်မှတ်နေခဲ့ပြီး ညနေပိုင်းတွင် သူသည် ကျောင်းဘောလုံးကွင်းသန့်ရှင်းရေး လုပ်ရန် ထွက်လာခဲ့သည်။ ထင်ထားခဲ့သည့်အတိုင်းပင် လူရန်ဇိုသည် ဘောလုံးကန်ကစားထားပုံရပြီး ချွေးတပြိုက်ပြိုက်ကျနေသည်။ မိုင်သည် အနှီချောမောလှသော သူအား တစ်ချက်ငေးမောကြည့်ပြီးနောက် သူ့အလုပ်ကိုသာ သူ ဆက်လုပ်နေခဲ့သည်။ လူရန်ဇိုကလည်း သူ့သူငယ်ချင်းများနှင့် ဘောလုံးကန်နေခဲ့သည်။သူတို့သည် ဘောလုံးကစားနေခဲ့ပြီး ညနေစောင်းသောအခါတွင် သူတို့သည် အသီးသီး ပြန်သွားခဲ့သည်။ လူရန်ဇိုသည် သူ့သူငယ်ချင်းများရှေ့တွင် မိုင်ကို စကားမပြောခဲ့သလို မိုင်ကလည်း သူတို့ကို ဂရုစိုက်မနေခဲ့ပေ ။ အလုပ်အကုန်ပြီးသွားသည့်အချိန်တွင် မိုင်သည် ရေချိုးရန် ကျောင်းရေချိုးခန်းသို့ လာခဲ့သည်။
ဘောင်းဘီတိုတစ်ထည်ကို ဝတ်ဆင်ထားပြီး ပဝါဖြူတစ်ထည်ကို ပခုံးပေါ် တင်ထားသော လူရန်ဇိုသည် ကျောင်း၏ ယောကျ်ားလေး ရေချိုးခန်းအပြင်ဖက်က ခုံတန်းပေါ်တွင် တစ်ယောက်ထဲ ထိုင်နေခဲ့သည်။ မိုင်သည် သူ့ကို ကျော်သွားကာ ကိုယ်ဘာသာ ရေသွားချိုးလိုက်သည်။ မိုင် ရေချိုးပြီးချိန်တွင် လူန်ဇိုသည် ရေချိုးခန်းလျှောက်လမ်းအဆုံးရှိ တံခါးဘောင်ကို မှီကာ ရပ်နေလေသည်။
YOU ARE READING
Tudo Passa
FantasyChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
