《 ခပ်ဆိုးဆိုးကောင်လေးတွေဆီကနေ အကူအညီကို လိုချင်တာလား? 》
ခွန်သူရသိန်းမြင့်နှင့် မိုင်တို့သည် ဘားသို့ရောက်ချိန်၌ ည ကိုးနာရီနီးပါး ရှိနေပြီ ဖြစ်သည်။ သူတို့ နှစ်ယောက်သည် ဘားမလာခင်၌ အိမ်စာလုပ်နေခဲ့ကြတာကြောင့် နှစ်ဦးစလုံး ပျင်းရိပျင်းတွဲ ဖြစ်နေကြသည်။ ဆယ်ကျော်သက်လူငယ်လေးတွေ ဖြစ်တာကြောင့် ရောက်တတ်ရာရာ ပေါ့ပေါ့ပါးပါးတွေကိုသာ လျှောက်ပြောနေကြသည်။ မိုင်သည် ယနေ့တွင်သူသည် ကြောက်စရာ ကိစ္စရပ်ကို ပြုလုပ်ခဲ့ကြောင့် သူ၏ ဖုန်းကို သူသည် တင်းကြပ်စွာ ကိုင်ထားသည်။ ခွန်သူရသိန်းမြင့်က သတိထားမိပေမဲ့ ဘာမှတော့ မေးမလာခဲ့ပေ။
ကိုးနာရီစွန်းစွန်းအချိန်၌ မိုင်တို့ ဘားကို ရောက်လာခဲ့သည်။ ရောင်စုံပြိုင်ကားတွေ စီးပြီး ကျော့မော့စွာဖြင့် အရှေ့ဖက်တံခါးကနေ ဝင်နေကြသော သက်တူရွယ်တူလေးတွေကို တွေ့သောအခါ သူတို့သည် နောက်ဖက်ကိုသာ မြန်မြန်ပြေးသွားတော့သည်။ မန်နေဂျာက သူတို့ နှစ်ယောက်ကို မြန်မြန်လေး ပြင်ဆင်လာခဲ့ဟု ဆိုသည်။ မိုင်သည် ဘားက စားပွဲထိုးကလေးတွေ ဝတ်သည့် အဝတ်ကို ကြည့်ပြီး သူ နှုတ်ခမ်းကို မသိမသာစူထားလိုက်သည်။
"ကြည့်မနေနဲ့ မြန်မြန်လဲ " ခွန်သူရသိန်းမြင့်က သူ့ကိုသတိပေးခါမှ သူ မြန်မြန်လေး လဲဝတ်လိုက်သည်။
မိုင်သည် အလွန်ပိန်ပေမဲ့ အရပ်ရှည်တဲ့အပြင် သူဝတ်ထားတာကလည်း ကိုယ်ကြပ်မဟုတ်တာကြောင့် အတော်လေး ကြည့်ကောင်းသည်။ ပါးလျပ်ကာ အဆီပိုတစ်စက်မှ မရှိသည့် ခါးက သေးသွယ်နေတာကြောင့် အေပရွန်ကို ဝတ်လိုက်ချိန်တွင် သူ၏ တင်ပါးတွေကို လှစ်ထားသလို ဖြစ်နေသည်။ မိုင်သည် မှန်ထဲကြည့်ကာ နှာတစ်ချက်မှုတ်လိုက်သည်။
"ဟုန်းသခင်မလေး ပြီးပါပြီလား " ခွန်သူရသိန်းမြင့်သည် စိတ်မရှည်နိုင်စွာ မေးသည်။
" မင်းက ကောင်တာမှာ ထိုင်ပြီး ဟိုခွက်ဒီခွက်ကိုင်ရုံပဲကို တက်ကြွနေမှပေါ့။ ဟွန့် ငါကျတော့ ဟိုကိုင်ဒီကိုင်ခံရတယ်လေ။ ငါ မင်းလို လုပ်တတ်ရင် ကောင်းမယ် "
YOU ARE READING
Tudo Passa
FantasyChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
