《 အလှလေးနဲ့အတူ ညဈေးဝယ် 》
မိုင် အိမ်သို့အပြန် မြေအောက်ရထားကနေ ဆင်းတော့ Naomi ကုန်တိုက်ရှေ့ရပ်မိသည်။ ခါတိုင်းလည်း ရပ်နေကြဆိုပေမဲ့ ဒီနေ့ကျတော့ သူ ပျော်ရွှင်နေတာကြောင့် ချွမ်ဟွားအတွက် အဝတ်အထည်ကောင်းကောင်းလေး ဝယ်ပေးမည်ဟု တွေးထားသည်။ Naomi ခေတ်မှီအဝတ်အထည်ကုန်တိုက်ဖြစ်တာကြောင့် အတော်လေးကို ကောင်းမွန်သည်။ Naomi သည် အဓိကဆွယ်တာတွေသာထုတ်လေ့ရှိပေမဲ့ တခြားသော အဝတ်တွေကိုလည်းထုတ်တတ်သေးသည်။ မိုင် ချွမ်ဟွားအတွက် အဝတ်ရွေးနေစဥ် အပေါ်ထပ်ဓာတ်လှေကားကနေ ထွက်လာတဲ့ Jalin Naomi ကို တွေ့လိုက်သည်။ မိုင်က Naomi က SHINNIA ရိုက်ကူးထားသော WSBL (White swan & Black lake ) ဇာတ်လမ်းတွဲ၌ တွေ့ဆုံစကားပြောဖူးသည်။
ထိုဇာတ်ကားမှာNaomiရဲ့ ဒီဇိုင်းတွေကို အသုံးပြုဖို့ မိုင်ကပဲ အကြံပေးခဲ့ကာ တွေ့ဆုံညှိနှိုင်းမှုတွေ လုပ်ခဲ့ရသဖြင့် အတော်လေးကို ရင်းနှီးပေသည်။ Naomiသည် များသောအားဖြင့် ဆွစ်ဇာလန်မှာသာ နေပြီး NYC ကိုလည်း မကြာခဏသွားနေတတ်သည်။ ပေကျင်းရောက်နေသည်က အလုပ်ကိစ္စကြောင့် ဖြစ်မည်ဟု မိုင် ထင်မိသည်။ Naomi က မိုင်ကို မြင်တော့ လာနှုတ်ဆက်သည်။Naomi သည် ထိုင်း-ဆွစ် ကပြားဆိုပေမဲ့ ထိုင်းရုပ်ထွက်ပြီး ချောမောတဲ့ အမျိုးသားတစ်ဦးဖြစ်သည်။
"Mr.မိုင်ပါလား။ ထူးထူးခြားခြားတွေ့ဆုံရတာပဲ။ Mr.မိုင်အတွက် အထူးအဝတ်လေးတွေ ပြပေးပါဦး "
" မဟုတ်တာ ။ ကျွန်တောက ပေါ့ပေါ့ပါးပါး အဝတ်တွေပဲ လာဝယ်တာပါဗျာ ။Mr.Naomi ကိုတောင် မတွေ့ရတာ ကြာပြီ။ "
"ဟုတ်တယ်။ ကျွန်တော်လည်း ပြပွဲအတွက် အလုပ်ရှုပ်နေတာလေ။ အခုက NYC ကပြီးလို့ ပေကျင်းမှာ ထပ်လုပ်မလို့ရောက်နေတာ။ အဲအခါကျရင် လက်မှတ်ပို့ပေးပါဦးမယ်။ အခုလည်း 30% discount ချပေးပါ့မယ်။ Mr.မိုင် သဘောကျတာ ရွေးနော်။ ကျွန်တော် သွားစရာလေး ရှိသေးလို့ ခွင့်ပြုပါဦး "
" ကျေးဇူးတင်ပါတယ်။ ပွဲကျရင်လည်း ဆက်ဆက်လာခဲ့ပါ့မယ်"
ထွက်သွားသော Naomi ရဲ့ နောက်ကျောကို ကြည့်၍ မိုင် ပျော်ရွှင်စွာခုန်ပေါက်ချင်စိတ်ကို အတော်လေး ထိန်းထားရသည်။Naomi သည် စတင်တည်ထောင်သည့်အချိန်ကစ၍ မည်သည့်ကိုမှ promotion မဆင်းခဲ့သလို Discount ဆိုတာလည်း မရှိခဲ့ပေ။ သူက ပထမဆုံးရသောသူဖြစ်သည်။ မိုင် ဣနြေဆည်ကာ သင့်တော်သည့် အဝတ်အစားတွေကို ဝယ်ယူလိုက်သည်။ချွမ်ဟွားနဲ့ သူ့အတွက် လိုအပ်သည့်အဝတ်အစားအတော်အများများဝယ်ယူပြီး တစ်ဆက်ထဲ ဘန်နဲ့ လျိုယောင်ဝမ်အတွက်ပါ ဝယ်လာခဲ့သည်။ $700 ကျော်ကျသင့်မည့် ငွေပမာဏကိုသူက $500 ဖြင့် ရလာခဲ့သဖြင့် မိုင် အတော်လေးကို ဝမ်းမြောက်နေသည်။
YOU ARE READING
Tudo passa
FantasiaName - Tudo passa Main Characters -Jack forrest (ချွမ်ဟွား) & မိုင်ဂင်္ဂါသန့် Version - Both Unicode and Zawgyi Version Chapter - 75 episodes + Quotes ကိုယ် ဒီနေ့ ဗုဒ္ဓဘုရားရ...
