《 ကောက ငါ့နောက်ကျောကို အလွန် စိတ်ဝင်စားနေတယ် 》
ချွမ်ဟွား ရေချိုးခန်းကနေ ထွက်လာတော့ ကုတင်ကိုမှီပြီး ကြမ်းပြင်ပေါ် ထိုင်နေတဲ့ မိုင့်ကို တွေ့လိုက်ရသည်။
" ကော မအိပ်သေးဘူးလား ။ ဒါမှ မဟုတ် ရင်ပူလို့လား "
" သူ ပြန်လာပြီ "
"ဘယ်သူပြန်လာတာလဲ ကောရဲ့ ။ ဒီအိမ်မှာ ကောနဲ့ ကျွန်တော်ပဲ ရှိတာလေ "
" ငါ အရမ်းကြောက်တဲ့လူ သူပြန်လာခဲ့ပြီ "
" ဘယ်သူလဲ ကျွန်တော်ကို ပြောပြလေ ။ ကောကို ကျွန်တော် ကာကွယ်ပေးမယ် "
ချွမ်ဟွားက မိုင်ရဲ့ ဘေးမှာ ဝင်ထိုင်ရင်း ပြောလိုက်သည်။ မိုင်က ချွမ်ဟွားကို ကြောင်တောင်တောင်လေး ကြည့်နေသည်။ အမူးလွန်တာကြောင့် အသိစိတ်လွတ်နေတာဟု ချွမ်ဟွား ခန့်မှန်းရသည်။ မိုင်က တည်တည်ငြိမ်ငြိမ်ပဲ ထိုင်နေပြီး ရေရွတ်သလို တစ်ယောက်ထဲ စကားပြောနေသည်။ ပြီးနောက် ပြတင်းပေါက် အပြင်ဖက်ကို ငေးကြည့်နေပြန်သည်။ ချွမ်ဟွား အရက်မူးနေသော သူတွေကို အများကြီးတွေ့ဖူးပေမဲ့ မိုင် ကဲ့သို့သော သူကိုတော့ သူမတွေ့ဖူးပေ။
" ကော ရင်ဖွင့်ချင်လား ။ ကျွန်တော် နားထောင်ပေးမယ်လေ "
" ငါ မပြောချင်ဘူး။ ငါ့ဆီမှာ ယုံကြည့်ရလောက်မယ့် သူ မရှိဘူး "
"ဒါလည်း ဖြစ်နိုင်ပါတယ်။ ကောနဲ့ ကျွန်တော်က မရင်းနှီးသေးဘူးလေ ။ နောက်ကျရင်တော့ သေချာပေါက် ရင်းနှီးသွားမှာပါ "
မိုင်က နားမလည်သလို ချွမ်ဟွားကို ငေးကြည့်နေသည်။ ချွမ်ဟွားက မိုင်၏ ကျစ်လျစ်သန်မာလှသော ဝမ်းဗိုက်ကြွက်သားတွေကို ပွတ်သပ်ရင်း ပြောလိုက်သည်။
" ကျွန်တော် ကောကို မြင်မြင်ချင်း သဘောကျသွားပြီလေ ။ ကောလည်း နောက်ကျရင် သေချာပေါက် ကျွန်တော်ကို သဘောကျလာမှာ။ ကျွန်တော် ပြောတာကို ကော သဘောပေါက်ရဲ့လား "
မိုင်က ချွမ်ဟွားပြောနေတာကို ခေါင်းခါပြသည်။
"ငါ မသိဘူး "
YOU ARE READING
Tudo passa
FantasíaName - Tudo passa Main Characters -Jack forrest (ချွမ်ဟွား) & မိုင်ဂင်္ဂါသန့် Version - Both Unicode and Zawgyi Version Chapter - 75 episodes + Quotes ကိုယ် ဒီနေ့ ဗုဒ္ဓဘုရားရ...
