Tudo passa

Episode 15

   [လန်ယွီကျွန်းတွင်ခရီးသွားမြှင့်တင်ရေးပရိုဂရမ်ကိုသွားရောက်ရိုက်ကူးခြင်း]

       ဇာတ်လမ်းတွဲအတွက် ကောင်းကင်ဗိမာန်ဘုရားကျောင်း၌ ကန်တော့ပွဲပြုလုပ်ပြီးနောက်တွင် ပေကျင်းအမျိုးသားအားကစားရုံ၌ ဇာတ်လမ်းကို စရိုက်သည်။ ထိုအတောအတွင်း ချန်ချန် ၊လီကျန့်ဝေ၊ယွီကျိုး ၊ယန်ကီနှင့် Carioတို့ ငါးယောက်ကို ထိုင်ဝမ်ရှိ သစ်ခွကျွန်း (လန်ယွီကျွန်း)ခရီးသွားမြှင့်တင့်ရေးပရိုဂရမ်အတွက် သုံးရက်ခန့်သွားရန် ရှိလာသည်။ ထိုသုံးရက်အတွင်း ကိုင်ရန်ဇိုနဲ့  နီရန့်တို့က ဇာတ်လမ်းကွက်တွေကို ပြီးသမျှရိုက်ထားရမည်။ ထိုမှသာ ဒီကောင်လေးတွေ ပြန်လာလျှင် နျူကျဲ့ရွာကို သွားရမည် ဖြစ်သည်။ မိုင်သည် ထိုကောင်လေး ၅ ယောက်နဲ့အတူ လေယာဥ်ကွင်းကို ရောက်နေကြသည်။ ရိုက်ကွင်းတွေ ဆက်တိုက်ရိုက်ထားရတာကြောင့် အားလုံးက  ပင်ပန်း​နေကြသည်။မိုင်ကိုယ်တိုင်ကလည်း  ပင်ပန်းနေပေမဲ့ သူတို့ကို ဂရုစိုက်ပေးရသေးသည်။

    ဒီလေါက်ထိသိုသိုသိပ်သိပ် ထွက်လာတာ​တောင် Fan တွေက လေယာဥ်ကွင်းမှာ ရှိနေသည်။ မိုင်အနေနဲ့ သူတို့ကို အပြစ်တင်လိုခြင်းတော့ မဟုတ်ပေ။ မည်သူမဆို မိမိနှစ်သက်သဘောကျသော idol ကို တွေ့လိုကြချည်းသာ ဖြစ်သည်။ သို့ပေမဲ့ ပရိသတ်တွေအနေနဲ့ သူတို့၏ idol များကို နေရာတိုင်း လိုက်နှောင့်ယှက်နေဖို့ လိုအပ်ပါသလား။ အခုလည်း ကားထဲမှာ မိုင်နဲ့အတူ ကောင်လေး ၅ ယောက်လုံးက ငုတ်တုတ်ထိုင်နေရသည်။ အပြင်မှာ တိုးဝှေ့နေတဲ့ သူတို့ Fan တွေကြောင့် ဘယ်လိုမှ သွား၍ မရနိုင်ပေ။ လေယာဥ်ကလည်း တား၍ ရသည်မဟုတ်။ နောက်ဆုံးတော့ မိုင်နဲ့ ကောင်လေး ၅ ယောက်လုံးက လုံခြုံရေးများ၏ အကူအညီဖြင့် လေယာဥ်ပေါ် တက်ရန် ပြင်ရသည်။

    တိုးဝှေ့နေသော ပရိသတ်တွေကြောင့် ရံဖန်ရံခါ၌ မိုင်သည်ပင် ထုထောင်းခံရသေးသည်။ လေယာဥ်ကွင်းတစ်ဝက်ကို ရောက်သည်နှင့် မိုင်တို့သည် ပရိသတ်ရဲ့ အလယ်ကနေ ထိုးဖောက်ရန် မဖြစ်နိုင်တော့ချေ။ ပင်ပန်းနေတဲ့ယွီကျိုးခမျာ မိုင်ရဲ့ လက်ကိုသာ တင်းတင်းဆွဲထားတော့သည်။