မိုင်သည် ယွီကျိုးရှိရာ ကွန်ဒိုကို သွားနေစဥ် စိတ်ပျံ့လွင့်နေ၍ မီးနီကိုတောင် ၂ ခါကျော်မိသည်။ ယာဥ်ထိန်းရဲဆီက မေးမြန်းစစ်ဆေးမှု အနည်းငယ်လုပ်ပြီးနောက်တွင် မိုင် ယွီကျိုးဆီကို ရောက်လာသည်။
အခန်းရှေ့ရောက်တော့ ယွီကျိုးက မိုင်ကို လာခေါ်သည်။ အခန်းထဲ၌ လက်ဆောင်ပစ္စည်းများ၊အထုပ်အပိုးများဖြင့် ပြည့်နှက်နေသည်။ ယွီကျိုးသည် မိုင်ကို အထဲခေါ်သွင်းကာ ရင်ခွင်ထဲ ထည့်ဖက်ထားသည်။
"ကောကောကို လွမ်းနေတာ "
"ကလေးလေး အလုပ်ပင်ပန်းလို့လား "
" မဟုတ်ရပါဘူး။ ကောရဲ့ သတင်းတွေ ကြားရတယ်။ ကော အဆင်ပြေရဲ့လားဟင်။ ကောရဲ့ Channel လေး ပြန်တည်ထောင်ချင်လား။ ယွီလေး ကောကို ပြန်ကူညီမယ်လေ "
ယွီကျိုးသည် မိုင်ရဲ့ နှုတ်ခမ်းကို နမ်းရင်း ဆိုသည်။
"ကော အလုပ်ထွက်မလို့ တွေးနေတာ "
" ကောကမှ မမှားတာ။ အဲယန်ကီဆိုတဲ့ကောင်က ကျွေးတဲ့ လက်ကို ပြန်ကိုက်တာလေ။ အဲကိစ္စကို ယွီလေး ပြန်လုပ်ရမှ ကျေနပ်မယ်။ အနုပညာလောကထဲ အပုပ်အပွနဲ့ ကျော်ကြားချင်နေတဲ့ ကောင်ကို နင်းခြေပစ်ဦးမယ်"
"ကောကြောင့်နဲ့ ယွီလေးရဲ့လက်ကို အညစ်ပတ်မခံနဲ့။ ကော တစ်လျှောက်လုံး ပြုစုလာခဲ့တာ အဲလိုတွေအတွက်မဟုတ်ဘူး။ ကောကို ချစ်တယ်ဆိုရင် အဲလိုတွေ လိုက်မလုပ်နဲ့"
"ကောကလည်း"
"ယွီလေး! "
"ဟုတ်ကဲ့။ ဟုတ်ကဲ့ " ယွီကျိုးက မိုင်ပေါ်က ချွဲချွဲနွဲ့နွဲ့ မှီရင်း ဖြေသည်။
ဒီကလေးက ပြောစကား နားထောင်၍ တော်သေးသည်။ မိုင်ရဲ့ ဘဝမှာ အခုအချိန်မှာ ကျန်ရှိနေတဲ့ တစ်ခုထဲသော မျှော်လင့်ချက်လေးက ယွီကျိုး ဖြစ်သည်။
ဟုတ်သည်။
သူ့ဆီမှာ ယွီလေး ရှိသေးသည်။ ဘဝထဲကို ခဏအလည်လာတဲ့သူက ပြန်သွားချိန်မှာ နလုံးသားကိုပါ အပိုင်ယူသွားခဲ့ပေမဲ့ ရှင်သန်နေရတဲ့ မျှော်လင့်ချက်ကလေးက ရှိနေသေးသည်။ သူ ဘာလို့များ ဆောင်းရာသီတစ်ခုလုံးကို အလဟာသ ဖြန်းပစ်ခဲ့ပါလိမ့်။ မိုင်ရဲ့စိတ်ဝိဉာဥ်က လွတ်လပ်သွားသလို ခံစားနေရသည်။ မိုင်သည် ယွီကျိုး၏ ခေါင်းကို ဖွဖွလေး ပုတ်ပေးနေလိုက်သည်။
YOU ARE READING
Tudo passa
FantasíaName - Tudo passa Main Characters -Jack forrest (ချွမ်ဟွား) & မိုင်ဂင်္ဂါသန့် Version - Both Unicode and Zawgyi Version Chapter - 75 episodes + Quotes ကိုယ် ဒီနေ့ ဗုဒ္ဓဘုရားရ...
