Tudo passa

Episode 69

Nose Bleeding

Erza ၏ နံနက်ခင်းလေ့ကျင့်မှုသည် နံနက်ငါးနာရီခွဲကပင် စတင်၍ သုံးမိုင်ခန့်အပြေးလေ့ကျင့်ရသည်။ ပြီးနောက် အိပ်ထမတင်၊ ဒိုက်ထိုး၊ရေကူးခြင်းအစရှိ‌သော gym activities များကို နံနက် ခုနစ်နာရီမတိုင်ခင်ပြီးဆုံးသည်။ မိုင်သည် ပထမဆုံးရက်၌ သုံးမိုင်ခန့်ပြေးရန် အချိန် နှစ်နာရီကျော် ပြေးလိုက်ရပြီးနောက် သူသည် ပင်ပန်းတာကြောင့် မူးဝေလဲကျမတတ်ပင် ဖြစ်သွားသည်။ သူ၏ ကျစ်လျစ်သော ဝမ်းဗိုက်ကြွက်သားများသည် သူ့ထံမှ အန္တာတိကတိုက်သို့ auroraတွေကို ကြည့်ရန် ခရီးထွက်သွားတာ နှစ်ပေါင်း ငါးနှစ်ကျော်နေပြီ ဖြစ်သည်။ အခုဆိုလျှင် သူ၏ ဝမ်းဗိုက်‌လေးက လှုပ်စိလှုပ်စိတောင် ဖြစ်‌နေချေပြီ ။

သူသည် လေ့ကျင့်ရေးတပ်သား အငယ်များနှင့်သာ အတူပြေးလေ့ရှိပြီး လူကြီးပိုင်းတို့၏ လေ့ကျင်‌ရေးများသည် ခက်ခဲပင်ပန်းလွန်းလှသည်။ ချွမ်ဟွား၏ ကျောင်းဖွင့်ရက်မရောက်ခင်အချိန်ထိ မိုင်သည် ထိုနေရာတွင် နေရန်သာ ရွေးချယ်လိုက်သည်။ ထို့ကြောင့် သူ၏ ပျက်ယွင်းနေသော ခန္ဓာကိုယ်ကို ပြန်လည်လေ့ကျင့်ရမည် ဖြစ်သည်။ မနက်ပိုင်းတွင် လေ့ကျင့်ရေး‌လုပ်ငန်းစဉ်များကို ဆောင်ရွက်ပြီး သူသည် Erza သင်ကြားရေးတန်းခွဲတစ်ခု၌ စီးပွားရေးနှင့်ပတ်သက်သော အသိပညာကို ဝေမျှသည်။ ညနေပိုင်းတွင် ကလေးသေးသေးလေးများနှင့် တွေ့ဆုံသည်။သူသည် အလွန်တရာ ပျော်ရွှင်နေပြီး ဤနေရာမှ ထွက်သွားလိုစိတ်ရှိမနေချေ။

ချွမ်ဟွားသည်လည်း သူကဲ့သို့ပင် လေ့ကျင့်ရေးတွေရှိနေပြီး ပြန်လည်ထူထောင်ရေးအတွက် ဆွေးနွေးတိုင်ပင်မှုများကြောင့် အလုပ်ရှုပ်နေလေသည်။ မနက်စောစောတွင် လေ့ကျင့်ရေးသို့သွားပြီးနောက် ညနက်မှ အိပ်ပြန်လာလေ့ရှိပြီး အိပ်ရာဝင်ချိန်တစ်ခုသာ နှစ်ဦးသား တွေ့ဆုံနိုင်လေ့ရှိသည်။ ထိုကဲ့သို့သော လည်ပတ်မှုသည် ချွမ်ဟွား၏ ကျောင်းရာသီမစခင်အထိ ပုံမှန်သာ ဖြစ်နေသည် ။တစ်ခါတစ်ရံ၌ မိုင်သည် ရုံးချုပ်သို့ သွားကာ ချွမ်ဟွားကို တွေ့လိုငြား ကြိုးစားကြည့်သော်လည်း အလုပ်ရှုပ်နေသော သူအားအမှောင့်အယှက်မပေးလိုတာကြောင့် တိတ်တဆိတ်သာ ပြန်လာခဲ့သည်။