《 ငါ အလှလေးကို တွေ့နေရတယ် 》
ကြက်သွေးကဲ့သို့ ရဲစွေးနေသော အနောက်တိုင်းဝတ်စုံအပြည့်စုံကို ဝတ်ဆင်ထားသော ချွမ်ဟွားသည် နှုတ်ခမ်းစွန်းလေးတွေ ကွေးတက်အောင် ပြုံးပြရင်း သူ့အားကြည့်နေသည်။ မိုင်သည် ချွမ်ဟွား၏ ပြီးပြည့်စုံလှသော အပြုံးကြောင့် မှင်သက်ကာ ရပ်ကြည့်နေမိသည်။ နွေဦးရဲ့ ပန်းပွင့်လေးတွေ ရုတ်တရက်ပွင့်လန်းလာသလို ၊ နံနက်ခင်းနေရောင်ခြည်က ခန္ဓာကိုယ်ပေါ်ကနေ ဖြာကျနေသကဲ့ ရက်တရုတ် တေးဂီတသံလေးတွေ ကြားနေရသကဲ့သို့ မိုင် အံ့သြစွာ ရပ်နေမိသည်။ ပတ်ဝန်းကျင်တစ်ခုလုံး တိတ်ဆိတ်နေပြီး မိုင် သူ့ရင်ခုန်သံ တဒိတ်ဒိတ်ကို ကြားနေရပြီး သူ ခြေစုံရပ်ကာ ငေးနေမိသည်။
"ကော ၊ CEO ယွဲ့နဲ့ သွားတွေ့မှာလား "
မိုင် သူ့လက်မောင်းကို ချွမ်ဟွားက ရိုက်လိုက်တော့မှ သတိပြန်ဝင်လာတော့သည်။ မိုင်အနေနဲ့ ဖျော်ဖြေရေး ကဏ္ဍမှာ နှစ်ပေါင်းများစွာ အလုပ်လုပ်ဖူး၍ ချောမောလှပသော သူများကို များစွာတွေ့ဖူးသည်။ သို့ပေမဲ့ ချွမ်ဟွားလောက် ချောမောလှပကာ ပြည့်စုံနေရသူကို မတွေ့ဖူးပေ။ ချွမ်ဟွားက မိုင် အမြဲတွေ့နေကြ ပေါ့ပေါ့ပါးပါး လူငယ်ဆန်ဆန်လေး မဟုတ်ဘဲနဲ့ လူကြီးဆန်ဆန် တည်ငြိမ်နဲ့ပုံကို တွေ့ရတာ မိုင့်ကို တစ်မျိုးတစ်ဖုံ ခံစားရစေသည်။
" ဟုတ်တယ် ၊ ကော အသစ်ရိုက်မယ် ပြောထားတဲ့ ဇာတ်လမ်းက ဇာတ်ကောင်တွေ ရပြီဆိုတော့လေ ၊ ဒါနဲ့ ချွမ်ဟွားကရော ဒီကို အလုပ်ကိစ္စနဲ့လား"
"ဟုတ်တယ်၊ ကော ။ အလုပ်ဆင်းချိန် ရောက်နေပြီဆိုတော့ ကောကို စောင့်နေမယ်လေ "
"ငါက နည်းနည်းကြာဦးမှာ "
"ရပါတယ် ၊ ကျွန်တော် စောင့်နေမယ် "
" ဒါဆို ငါသွားဦးမယ် ၊ "
မိုင် CEO ယွဲ့နှင့် တွေ့ဆုံရန်အတွက် ရုံးခန်းထဲ ဝင်လာခဲ့သည်။ စိတ်ထဲတွင်မူ ကိုင်ရန် လူရန်ဇို မရှိပါစေနှင့်ဟု ဆုတောင်းလာခဲ့သည်။ CEO ယွဲ့၏ ဝင်ခဲ့ ဟူသော ခွင့်ပြုချက်ဖြင့် မိုင် အခန်းထဲ ဝင်လာသည်။ ဒုတိယအရွယ်ရောက်နေပြီ ဖြစ်သော CEO ယွဲ့သည် လေးထောင့်မျက်မှန်လေး တပ်ကာ ဇာတ်ကောင်များကို ကြည့်ရှုနေသည်။
YOU ARE READING
Tudo Passa
FantasyChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
