《 စွဲမက်ဖွယ်ရာအမျိုးသားတစ်ဦးနှင့် မီးရောင်စုံကြားက ရောပြွမ်းနေသော ခံစားချက်များ 》
လူရန်ဇိုထံမှ ခွင့်ပြုချက်ကို ရပြီးသည်နှင့် မိုင်ဂင်္ဂါသန့်သည် ငရဲတွင်းထဲမှ လွတ်မြောက်သွားသော အကျဥ်းသားတစ်ဦးနှယ် အပြေးအလွှားထွက်လာခဲ့သည်။သူသည် FISHIE အိမ်ရာ၏ အပြင်ဖက်ကို ရောက်ခါမှ သူသည် အသက်ကို ဝအောင် ပြင်းပြင်းရှုထုတ်လိုက်သည်။ အချိန်အားဖြင့် ည ခုနစ်နာရီကျော်ကျော်သာ ရှိသေးသည်။ သူသည် အခုအချိန်တွင် ငှါးထားသော အခန်းကိုလည်း သူမပြန်လိုပေ။ သူ့အနေဖြင့် ခွန်သူရသိန်းမြင့်မေးမြန်းသော စကားများကို မဖြစ်မနေ ဖြေဆိုရန် မလိုစေကာမူ သူ့အား ဂရုတစိုက်ရှိလှသော သူငယ်ချင်းကို လျစ်လျူရှုရန်လည်း သူမတတ်နိုင်ပေ။ တစ်ခါတစ်ရံတွင် သူ့သူငယ်ချင်းသည် သူ့ကို ယုံမှားသံသယရှိအောင်ပင် ဂရုတစိုက်ရှိလွန်းပြီး သူ၏ သံသယများကလည်း ကြောက်လိခမန်းကြီးမားလှသည်။
မိုင်သည် လူသွားလမ်းစင်္ကြန်ပေါ်တွင် ငြိမ်သက်စွာ လျှောက်နေပြီးနောက် သူသည် လီဟောင်ဝမ်၏ တာ့ချန်ရှောင်းအိုက်( 大城小愛) သီချင်းကို နားထောင်လာခဲ့သည်။ညဦးပိုင်း တဖြူးဖြူးတိုက်ခတ်နေပြီး သူ့ခန္ဓာကိုယ်က ချွေးတွေက ခြောက်သွေ့တာကြောင့် သူသည် ပင်ပန်းနွမ်းနယ်နေပြီး အေးစက်နေသည်။ သူသည် ဦးတည်ချက်မရှိ လျှောက်သွားနေပြီး ခေါက်ဆွဲအေးဆိုင်တစ်ခုကို တွေ့တော့ သူဝင်ထိုင်လိုက်သည်။အစားအသောက်အနံ့ရတော့မှ သူသည် နေ့လယ်တုန်းက ဖက်ထုပ်အနည်းငယ်ကိုသာ စားရသေးကြောင်း သတိရလိုက်သည်။ သူသည် ခေါက်ဆွဲအေးတစ်ပန်းကန်ကို ထိုင်စားနေခဲ့သည်။ ထိုစဥ် သူ၏ ရှေ့တည့်တည့်၌ အမျိုးသမီးနှင့် သားငယ်က ပျော်ရွှင်စွာ စားသောက်နေသည်။ သူသည် ချက်ချင်းပင် သူမ(သူ၏ အမေ) အကြောင်းကို တွေးကြည့်လိုက်သည်။
သူမသည် ကလေးများစွာ၏ မိခင်ဖြစ်သည်။ သူသည် သဘာဝနှင့် ရင်းနှီးသော အမျိုးသမီးဖြစ်သည့်အလျောက် သူမ၏ ပြောဆိုဆက်ဆံပုံသည် တစိုးတစိလေးမျှတောင် နူးညံ့သိမ်မွေ့ရှိမနေချေ။ သူမသည် နှုတ်လွတ်သော အမျိုးသမီးဖြစ်ပြီး သူမ၏ သမီးပျိုလေးတွေရှေ့မှာတောင် စည်းမစောင့်တတ်ပေ။ သူမနှင့် ပတ်သက်သမျှအကြောင်းအရာများသည် သူ့ထံတွင် ထူးထူးခြားခြား မှတ်ဉာဏ်ကျန်ရှိမနေချေ။ သူ အလယ်တန်းကျောင်းတက်စတွင် ရန်ကုန်သို့ရောက်လာပြီး သူ့ဦးလေး၏ ဓာတ်ဆီဆိုင်တွင် အကူသဘောဖြင့် လုပ်ပေးနေခဲ့ပြီးနောက် သူသည် နိုင်ငံရပ်ခြား တိုင်းတစ်ပါးသို့ ထွက်လာခဲ့သည်။
သူသည် သူမဆီက ထွက်လာခဲ့ချိန်တွင် သူမတွင် ကိုယ်ဝန်ရှိနေသည်ကိုသာ သူမှတ်မိခဲ့သည်။ ထိုအချိန်က သူလည်း သတိတရလွမ်းဆွတ်နေတာမျိုး မရှိခဲ့လို သူမနှင့် သူ့ဦးလေးကလည်း သင့်တင့်လျောက်ပတ်သော ဆက်ဆံရေး ရှိမနေပါချေ။ ထိုကြောင့် သူ့ထံတွင် အမေနှင့် မိသားစုရှိသည်ကိုသာ သိပြီး သူနှင့် သူ၏ ညီအစ်ကိုမောင်နှမများကြားက ဆက်ဆံရေးကလည်း စာဖွဲ့လောက်စရာ မဟုတ်ပေ။ ထူးထူးခြားခြား သူ၏ ဒုတိယအစ်မကိုတော့ သူသတိရသည်။သူ့အနေနှင့် ရန်ကုန်သို့ မပြောင်းခင်အချိန်တွင် သူ့ထံတွင် အစ်မသုံးယောက်နှင့် အစ်ကို နှစ်ယောက်ရှိသည် ။ အခုဆိုလျှင်တော့ အဲထက်ပိုပြီး များကောင်းများနေလိမ့်မည်။ သူ၏ ဒုတိယအစ်မသည် ခွေလိပ်သော ဆံပင်ရှည်များနှင့် ညိုစင်သော အသားအရေရှိကာ သူနှင့် ကွာခြားသည်။
YOU ARE READING
Tudo Passa
FantasíaChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
