61
ညစာ စားပွဲပြီးချိန်သည် ညအချိန်အဖြင့် ကိုးနာရီကျော်နေပြီ ဖြစ်သည် မိုင်သည် ယမကာ အနည်းငယ်သောက်ထားကြောင့် သူသည် ကားမမောင်းချင်ပေ။ တခြားလူတွေက အသီးသီးပြန်သွားပေမဲ့ မိုင်သည် ဆိုင်၏ စားသောက်ခန်းအတွင်း ထိုင်ကာ အမူးပြေဟင်းချိုကို မှာယူကာ သောက်နေသည်။ သူသည် အိမ်ပြန်ရန် ကားဆီ သွားပြီခါမှ ခေါင်းထဲ တဆစ်ဆစ်ကိုက်လာတာကြောင့် သူသည် ဆိုင်ထဲ ပြန်ဝင်ထိုင်နေခြင်း ဖြစ်သည်။ သူ၏ ဖုန်းကို စစ်ကြည့်ရာ ချွမ်ဟွားဆီမှာ message တစ်စောင်ကိုသာ တွေ့ရသည်။ လာကြိုရမလား ဟူ၍ မေးထားခြင်းပင် ဖြစ်သည်။ နားပူနားဆာမလုပ်တတ်ပဲ ငြိမ်ငြိမ်လေးနေတတ်တာပဲ မိုင်အတွက် ကြီးမားတဲ့ ဆွဲဆောင်မှု ဖြစ်နေလေသည်။ မိုင်သည် ချွမ်ဟွား၏ ဖုန်း contact ကို နှိပ်လိုက်သည်။ ခေါ်ပြီး ကျခါနီးမှ ဖုန်းကိုင်သည်။
"ဘေဘီလေး ကိုယ့်ကို လာခေါ်ပေးလို့ရမလား "
" fofo က အခု ဘယ်မှာလဲ ? သောက်ထားပြန်ပြီလား?"
"ဒီည အရေးကြီးတဲ့လူတွေနဲ့ တွေ့ရလို့ပါကွာ။ အများကြီးတော့ မဟုတ်ပေမဲ့ ကိုယ်မူးနေလို့လေ "
"ဆိုင်လိပ်စာ? "
မိုင်သည် သူရောက်နေသော ဆိုင်၏ လိပ်စာကို ပြောပြီးနောက် စားပွဲပေါ် ခေါင်းမှောက်ကာ အိပ်နေလိုက်သည်။ သူ၏ အသိစိတ်က အကောင်းပတိရှိနေသေးပေမဲ့ သူသည် အလွန်အမင်း ပင်ပန်းနေသည်။ မိုင်သည် သူ၏ ကျန်းမာရေးက တစ်စုံတစ်ခုဖြစ်နေသည်ကို သတိပြုမိသည်။ ဒီအပတ်အားလပ်ရက်တွင် ဆေးရုံသွားကာ ကျန်းမာရေးစစ်ရမည်။ သူသည် ဖုန်းကို စောင့်ကြည့်နေပြီးနောက် သူသည် ငိုက်မြည်းလာသည်။ မျက်လုံးမှိတ်လိုက်သည်နှင့် တစ်လက်စထဲ အိပ်ပျော်သွားတော့သည်။
ချွမ်ဟွားသည် အနွေးထည်အထူတစ်ထည်ကို ဝတ်ဆင်ပြီးနောက် သူသည် အေးချမ်းလှသော ညအချိန်၌ Taxi ဖြင့် အဆိုပါဆိုင်သို့ လာခဲ့သည်။ ဆိုင်၏ ဝန်ထမ်းများကို မေးပြီးနောက် သူသည် အခန်းထဲ ဝင်လာရာ မိုင်သည် စားပွဲပေါ် မှောက်လျက်အိပ်ပျော်နေလေပြီ။ ဒီလူကြီးကတော့ အမြဲတမ်း သတိလက်လွတ်နေနေတော့ပဲ ။ မျက်တောင်ရှည်များက မှေးစေးနေပြီး မီးဆိုင်း၏ အဝါရောင်အလင်းရောင်ကြောင့် မျက်နှာအရိပ်ကျနေသည်။ ညစာစားပွဲနှင့် လိုက်ဖက်အောင် ဝတ်ဆင်ထားသော ကုတ်အင်္ကျီသည် အနေအထိုင်းကျဉ်းကြပ်နေမည်က မလွဲဖြစ်သည်။ ဖုန်းနှင့် အလုပ်သွားလက်ဆွဲအိတ်ကို ဘေးထိုင်ခုံပေါ် ပစ်တင်ထားသည်က မကောင်းကြံချင်သူဆိုရင်တော့ ဝမ်းမြောက်ရချေရဲ့။
YOU ARE READING
Tudo Passa
FantasyChapter - 75 episodes ကိုယ် ဒီနေ့ ဗုဒ္ဓဘုရားရှင်ဟောခဲ့တဲ့ စာတစ်ကြောင်းဖတ်မိလိုက်တယ်။ " You will lose what you cling to" ငြိတွယ်ရာသည်သာ ဆုံးရှုံးရာတဲ့ ။
