Tudo passa

Episode 65

65

တီ တီ..   စားပွဲပေါ်၌ တင်ထားသော ဖုန်း၏ တုန်ခါသံတစ်ချို့သည် မနက်စောစောအချိန်၌ ထွက်ပေါ်နေသည်။ တိတ်ဆိတ်နေသော အခန်းအတွင်း၌ ဖုန်း၏ တုန်ခါသံသည် သိသာစွာ ထွက်ပေါ်နေသော်လည်း အဖြူရောင်စောင်ပုံသည် ငြိမ်သက်စွာ ရှိနေဆဲ ဖြစ်သည်။ ဖုန်းသည် ကြာမြင့်စွာ မြည်ပြီးနောက် တစ်ဖန် ငြိမ်သွားသည်။ ပြီးနောက် နောက်တစ်ကြိမ် ထပ်မံ​မြည်လာသောအခါ စောင်ပုံကြားထဲက လူးလွန့်လှုပ်ရှားလာပြီး အဆိုပါဖုန်းကို လှမ်းယူလိုက်သည်။ သို့သော်လည်း အစွန်တွင် တင်ထားတာကြောင့် ယူလိုက်သောအခါ ဖုန်းသည် ကြမ်းပြင်သို့ ပြုတ်ကျသွားသည်။

"ချွမ်ဟွား ငါ့ကို ခဏလွှတ်ဦး ၊ ဖုန်းလာနေလို့ "

     မိုင်သည် သူ၏ ခါးကို ဖက်တွယ်ထားသော ချွမ်ဟွား၏ လက်ကို ရိုက်ရင်း ပြောလိုက်သည်။ ချွမ်ဟွားသည် ဆံပင်စုတ်ဖွားဖြင့် ထထိုင်နေကာ ကြမ်းပြင်ပေါ် ကျနေသော မိုင်၏ ဖုန်းကို ကောက်ယူကာ မိုင်ကို ပေးလိုက်သည်။ "morning " ဟု ဆိုကာ မိုင်၏ နဖူးကို တစ်ချက်နမ်းလိုက်သည်။ ပြီးနောက် ရေချိုးခန်းထဲ ဝင်သွားသည်။ မိုင်သည် အလိုက်သင့်တုန့်ပြန်ပေးပြီးနောက်online ဖုန်းခေါ်ဆိုမှုကို ပြန်‌ဖြေလိုက်သည်။

"‌ ခွန်သူရသိန်းမြင့် ၊စောစောစီးစီး ဘာကိစ္စပြောမလို့လဲ "
မိုင်သည် အခန်းအတွင်း အလင်းအရောင်ရစေရန် ပြတင်းပေါက်၏ လိုက်ကာကို ဆွဲဖွင့်ရင်း မေးလိုက်သည်။

"ငါ လက်ထပ်တော့မယ် "

"ဘာကြီး? " မိုင်သည် ဖုန်းကို သေချာမြင်ရစေရန် အလင်းရောင်နားကို ရွှေ့ရင်း မေးသည်။

"ငါ လက်ထပ်တော့မယ်လို့ "

"April fool လုပ်နေတာလား? မင်း မနက်စောစော သောက်ထားတာလား? "

" မိုင်ဂင်္ဂါသန့် ငါ အတည်ပြောနေတာ ၊ ဒီအပတ်ရဲ့ နောက်ဆုံးရက်က ရက်ကောင်းရက်မြတ်ပဲ၊ ငါ လက်ထပ်ဖို့ ဆုဲးဖြတ်လိုက်ပြီ၊ အဲတာကြောင့် မင်းကို ပြောတာ"

   မိုင်သည် အိပ်ချက်နေဆဲဖြစ်သော သူ၏ ခေါင်းကို ကြည်လင်စေရန် ရေတစ်ခွက်သောက်လိုက်သည်။