Tudo Passa

Episode 58

58
သူ အခုတလော အားလပ်မည့် အချိန်ကို ကြည့်လိုက်ပေမဲ့ အခုလတ်တလောတွင် လုံးဝ မအားဘူးသည်သာ ဖြစ်သည်။ ထိုစဉ် ရွယ်ကျန်လင်းက ပေကျင်းရောက်နေစဉ် သူနဲ့အတူ အဖော်ပြု‌လိုက်သောက်ဖို့ ခေါ်လာတာကြောင့် သူ ချိန်းဆိုသည့် ဘားကို အမြန်ပင် ထွက်လာခဲ့တော့သည်။နှစ်အနည်းငယ်အတွင်း ရွယ်ကျန်လင်းသည် ကျိုးမိသားစု၏ နောက်ခံကြောင့် ရာထူးအကြီးပိုင်းကို အလျင်အမြန်တက်ရောက်ခဲ့ပြီးနောက် အသက် 30 မပြည့်ခင်နဲ့ မြို့တော်၏ အာဏာရှိ လူနည်းစုအတွင်းရောက်တော့မည်။ ဒီလောက်ထိ အင်အားတောင့်နေတဲ့ ကောင်လေးက ဖိတ်တော့ သူ ဘယ်နည်းနဲ့မှ လက်လွှတ်မည် မဟုတ်ပေ။

သူ၏ ပုံရိပ်ကို တောက်ပြောင်အောင် ပြုပြင်ပြီးနောက် သူသည် ကုမ္ပဏီဒါရိုက်ဘာကို ကားယူဖို့ ခိုင်းလိုက်သည်။ သူသည် သူ့ဌေးယွဲ့ပေးထားသော ကားကို ချောင်ပေက အလစ်သုတ်သွားတာကြောင့် ငွေလျော်လိုက်ရပေမဲ့ မကြာခင်မှာပင် သူဌေးယွဲ့က သူ့အတွက် Mercedes Benzအသစ်တစ်စီး ပို့ပေးသည်။ သူသည် ပေကျင်းတွေ နေလိုစိတ်ရှိမနေတာကြောင့် လက်မခံပေမဲ့ အခုတော့ သူသွားရန် လိုအပ်လာချေပြီ။ တောက်ပြောင်နေသည့် ကားနှင့် လိုက်ဖက်စွာ သူ၏ ကော်ဖီနက်ရောင် suit က သူ့ကို ထည်ဝါမှုနှင့်အတူ အထက်တန်းစားလူကုံထံတို့၏ ပုံစံကို ရိုက်သွင်းလိုက်ချေသည်။

မိုင်သည် ချိန်းဆိုထားသော Midnight Elite Club ကို ထွက်လာခဲ့သည်။လူကုံလောက၏ အရှက်မဲ့သော အပြုအမူများကို ဒီလိုနေရာမျိုးတွင် အလွယ်တကူ တွေ့ရလေ့ရှိသည်။ ဒီနေရာသည် လူတိုင်းလာရသည်တော့ မဟုတ်ပေ။ ငွေကြေးပိုင်ဆိုင်မှု သန်း၁၀၀ အထက်ရှိသူများနှင့် member cardရှိသူများသာ လာနိုင်သည်။ မိုင်ကတော့ အရင်တုန်းက သူဌေးယွဲ့နဲ့အတူ လိုက်သောက်ပေးရတာကြောင့် သူ့ထံတွင် VIP card ပင် ရှိသည်။ သူဌေးယွဲ့၏ အတွင်းရေးမှူးဖြစ်သူ အစ်ကို သတိုးသီဟကမူ သူ၏ ရာဇဣ‌နြေလေးကို အတော်လေးထိန်းသိမ်းပြီး ညစာ စားပွဲတွေမှာတောင် ခပ်တည်တည်ပဲ ငြင်းပစ်လေသည်။ တော်ဝင်မျိုးနွယ်ဆိုတော့လည်း ဘယ်သူကများ အတင်းလုပ်ရဲမှာမို့ပါလဲ ။

ရွယ်ကျန်လင်းသည် ဘားကောင်‌တာ၏ အခြေမြင့်ခုံပေါ်တွင် ထိုင်နေရင်း သူနဲ့အတူ ကော့တေးပေါင်းစုံကို သောက်ပေးမည့် အ‌ဖော်ကို စောင့်နေပုံရကာ မိုင်ကို မြင်တော့ ပျော်ရွှင်စွာ ဖက်လဲတကင်း နှုတ်ဆက်သည်။ မိုင်သည် ရွယ်ကျန်လင်းနဲ့အတူ ဝိုင်းတစ်ခုယူကာ များမြောင်လှသာ အယ်လ်ကိုဟောပါဝင်မှုနည်းသည့် ကော့တေးပေါင်းစုံကို အတူသောက်ပေးနေလိုက်သည်။