မိုင်သည် နာကျင်နေသော ဦးခေါင်းကို ကိုင်ထားလျက် မှောက်ရက်လဲနေရာမှ နံရံကို မှီ၍ထထိုင်နေရန် ကြိုးစားသည်။ ချောင်ပေသည် မီးဖွင့်လိုက်သည်။ ယွန်းပန်းအိမ်သည် အခန်းအလယ်ဆိုဖာနားတွင် ထိုင်လျက် တုန်လှုပ်စွာ ရပ်နေသည်။
"မိယွန်း မင်း မင်း ရက်စက်လှချည်လား ။ ငါ မင်းအပေါ် ဘာများ အမှားလုပ်ခဲ့ဖူးလို့လဲ ။ ဘာလို့များ ငါ့အပေါ် ... "
" ယွန်း တောင်းပန်ပါတယ်။ ယွန်းမှာ ရွေးချယ်စရာ မရှိလို့ပါ။ ယွန်းရဲ့ သားလေးကို ထောင်ထဲက ပြန်ထုတ်ချင်လို့ပါ။ အဲတာကြောင့်မို့လို့ ဂင်္ဂါအပေါ် ရက်စက်ရတာပါ။ ယွန်းကို ခွင့်လွှတ်ပါ ။ "
" ငါ့မှာလည်း ဘဝရှိတယ်လေ မိယွန်းရယ် " မိုင်သည် တိုးတိုးလေး ပြောကာ မျက်ရည်ကျမိသည်။ ဘာလို့များ သူ့အပေါ် ထပ်ပြီး ရက်စက်ကြရပြန်တာလဲ။ မိုင်သည် ခေါင်းထိထားတာကြောင့် မူးဝေနေပြီး အသံများကို ဝိုးတဝါးသာ ကြားနေရသည်။
"Benz ကားက ယွမ် 7 သိန်းနီးပါး (ဒေါ်လာ တစ်သိန်းကျော်) တန်ဖိုးရှိတယ်။ ဒီကောင်က အတော်ချမ်းသာတာပဲ။ ဒီလေါက်ဆို အေးဆေးနေလို့ရပြီ ။ မိန်းမ အထုပ်အပိုး ယူပြီး သွားကြစို့"
ချောင်ပေသည် မိုင်၏ ပိုက်ဆံအိတ်ထဲက ငွေနဲ့ ကားသော့ကို ယူလိုက်သည်။
"ယွန်း တောင်းပန်ပါတယ် ဂင်္ဂါ ။ ယွန်းရဲ့ သားအတွက် ရွေးချယ်စရာ မရှိတော့လို့ပါ။ ဒီအတွက် ဂင်္ဂါရဲ့ ကျေးဇူးကို ယွန်း ဒီတစ်သက် မမေ့ပါဘူး "
"ငါ့ရှေ့မှာ နောက်ထပ်မပေါ်လာခဲ့နဲ့ ထွက်သွား ။ ငါ မင်းတို့ကို မုန်းတယ် ။ ထွက်သွား ။ အကုန်လုံး ငါ့ဘဝထဲကနေ ထွက်သွား "
မိုင် အာခေါင်ခြစ်ကာ အသံကုန်အော်ပြောလိုက်သည်။ သူ့ဘဝမှာငြိတွယ်မိမျှ သူတိုင်းသည် သူ့အတွက် ဒုက္ခရောက်စေသူချည်းသာ ဖြစ်သည်။ မိုင် ကြမ်းပြင်ပေါ် လဲချကာ သူ မျက်ရည်ကျနေမိသည်။
"ဖုန်း ယူသွားမလား " ချောင်ပေက မိုင်အင်္ကျီအိတ်ထဲက ဖုန်းကို ယူရင်း ပြောသည်။
YOU ARE READING
Tudo passa
FantasyName - Tudo passa Main Characters -Jack forrest (ချွမ်ဟွား) & မိုင်ဂင်္ဂါသန့် Version - Both Unicode and Zawgyi Version Chapter - 75 episodes + Quotes ကိုယ် ဒီနေ့ ဗုဒ္ဓဘုရားရ...
