Tudo Passa

Episode 63

63

   ပေကျင်းအနုပညာတက္ကသိုလ်၏ ရှေ့တွင် များ‌မြောင်လှသော ဘွဲ့ယူကျောင်းသားများကို တွေ့နေရပြီး အကုန်လုံးက ဖူးပွင့်လန်းနေသည့် နေကြာပန်းများကဲ့သို့ ဖြစ်နေသည်။ အခုလက်ရှိ အောင်မြင်ကျော်ကြားနေသော သူများပါသကဲ့ သိပ်မကြာခင်၌ အနုအညာလောကထဲတွင် ထွန်းတောက်ပြောင်တော့မည့် တိမ်မြုပ်နေ‌ဆဲဖြစ်သော ငွေကြယ်ပွင့်များသည်လည်း သေချာပေါက်ရှိကြမည်။ အနာဂတ်ဆိုတာ ကြိုတင်မျှော်မှန်းထားသင့်သည့် အရာမှ မဟုတ်ဘဲ။ ရောက်ရာနေရာမှာ ကောင်းမွန်စွာ ရှင်သန်နေထိုင်ရမည် ဖြစ်သည်။

    ထိုစဉ် ပြောင်လက်နေသော အနက်ရောင်‌ကားတစ်စီးသည် အဆိုပါကျောင်းရှေ့တွင် ရပ်၍ အတွင်းမှ အရွယ်မတူသည့် အမျိုးသားနှစ်ဦးထွက်လာခဲ့သည်။ တစ်ယောက်သည် အပြာနုရောင်suit ကို ဝတ်ဆင်ကာ သူ၏ ရှည်လျားသော ခြေတံများနှင့် လိုက်ဖက်နေသည်။ ငွေရောင်အနားကွပ်မျက်မှန်လေးကို နှာတံပေါ်  တပ်ဆင်ထားပြီး ချိုသာသော အပြုံးသည် မျက်နှာပေါ်၌  ချိတ်ဆွဲထားဆဲ ဖြစ်သည်။ သေသပ်စွာ ဖီးသင်ထားသော ဆံပင်များကြောင့် လေးထောင့်ကျကျနဖူးလေးပေါ်နေကာ ထိုသူ၏ တည်ကြည်ခန့်ညားမှုက ထင်ဟပ်နေလေသည်။

    နောက်တစ်ဦးကမူ ငယ်ရွယ်တဲ့ ကောင်လေးတစ်ယောက်ဖြစ်ပေမဲ့ သူ၏ အရပ်နှင့် ခန္ဓာကိုယ်အချိုးအစားကမူ လူများအကြားထင်းနေသည်။ ပေါ့ပေါ့ပါးပါး ဘောင်းဘီရှည်နှင့် ရှပ်အင်္ကျီကိုသာ ဝတ်ဆင်ထားပြီး ငွေရောင်ဆံနွယ်တွေက နဖူးပေါ် ဝဲကျနေပြီး ချောမောလှပသော မျက်နှာနုနုလေးက ငွေကြယ်ပွင့်အလားဖြစ်သည်။ သို့သော်လည်း သူ၏ မျက်နှာသည် သူ့ဘေးက အမျိုးသားဖက်ကို ပြုံးပြနေပြီး ကျန်သောအချိန်၌ ရေခဲဓားသွားအလားပင် ဖြစ်သည်။

   ‌ဘွဲ့ယူကျောင်းသားအများစုသည် အဆိုပါအမျိုးသားနှစ်ဦးကို စူးစိုက်အာရုံပြုနေကြသည်။

"မိုင်ကောကော ကျွန်တော်တို့ ဒီမှာ " လူအုပ်ကြားထဲမှာ ချန်ချန်၏ အသံသည် ပျံ့လွင့်လာကာ ရှာ‌ဖွေနေသော မိုင်ကို ခေါ်လိုက်သည်။ မိုင်သည် သူ့၏ ကလေးများအတွက် ယူလာသော ပန်းစည်းများကို ချွမ်ဟွားကို သယ်လာခိုင်းသည်။ သူသည် ယနေ့အတွက် အလွန်ကို စိတ်လှုပ်ရှားနေပြီး သူ၏ အပြာနုရောင် suitကဲ့သို့ပင် သူသည် ကောင်းကင်ပေါ် လွင့်တက်တော့မည် ဖြစ်သည်။ ဘွဲ့ယူကျောင်းသားအများစုသည် အနုပညာလောကထဲ အနည်းနှင့် အများတော့ ဝင်ဖူးနေပြီ ဖြစ်တာကြောင့် မိုင်ကို မြင်တာနဲ့ သိကြသည်။ အနုပညာလောက၏ ရွှေလက်ဟု နာမည်ကြီးသော မိုင်သည် လမ်းရှိ လူတော်တော်များများကို နှုတ်ဆက်ကာ ချန်ချန်တို့ ရှိရာကို သွားလိုက်သည်။