كنت ولم اعد

#74

   ( الحديث بالروسية )

تانيا: اهلا
لوكا: وين كنتي بنتي
تانيا: كانت عندي خدمة برك
لوكا: وقتاه خرجتي مشتكش
تانيا: على 10
فالنتين: وش من خدمة فليل
لوكا: فالنتين خليها على راحتها
ماكس: تانيا ارواحي تاكلي
تانيا: لا مرسي شبعانة ماكس وقت تكمل اطلع لبيتي محتاجلك
ماكس: اوكاي
                     ...................................
تانيا: ادخل
ماكس: قلتي انك محتاجتني
تانيا: وي جبتلك حاجة
ماكس: حاجة
تانيا: هههه هاك

عطاتلو علبة شدها عليها

تانيا: وشبيك تشوف فيا وفيها حلها
ماكس: هههه اوكي

حطها فوق السرير وحل لعلبة وبمجرد ما شاف داخلها عينيه لمعو وصاروا قلوبا Soulié فنفس الوان فريقو برتقالي واسود

حط غالاق العلبة وسوطا عليها يعنقها
ماكس: يااااااا مرسي تانيا مرسي 🥰
تانيا: ههههه بعد خنقتني
ماكس: بصح كفاه عرفتي مقاسي وكفاءة شفيتي على الوان الفريق ونت شفتيهم يا دوب مرة ڥاديم للٱن مش حافضهم وهو لي بالعادة يوصلني
تانيا: هههههههه اعتبرها قدرات خاصة .... عجباتك
ماكس: تهبل
تانيا: ومنا ورايح اي حاجة تحتاجها تطلب مني اوكااي بلا متقول لحد
ماكس: مرسيي ربي يخليك ليا
تانيا: يالله روح ترقد ماشي عندك تدريبات مع الصبح
ماكس: وي توصلني في طريقك
تانيا: اكييد
                         ............................

قامت الصباح عملت 10 دورات عالدار متاعهم دخلت دوشت سرحت شعرها ولبست حوايجها وحبطت تفطر معاهم

تانيا: صباح الخير
الكل: صباح النور
تانيا: ويني يوليا
ڥاديم: تعبانة وطلبت الاكل لبيتها
تانيا: خليني نشوفها همال
اولڨا: هاداوين كنت عندها راهي راقدة
تانيا: اه اوكي كي نرجع نشوفها ماكس واجد
ماكس: ايه نجيب كرطابي ونجي
لوكا: اقعدي تفطري بنتي
تانيا: لا مرسي papa نفطر فالطريق ماكس تأخر على تدريبو وانا على خدمتي
لوكا: مفهمتش علاه مقبلتيش تخدمي مع خاوتك
تانيا: ماشي امر شخصي اما مرتاحة فخدمتي هادي
لوكا: اوكي لي يريحك
ماكس: هيا تانيا تأخرنا
تانيا: مرسي pa باي ماما

تبسمت ببلاهة مع روحها لوضع غريب شويا
                         __________________

كل واحد وين قاعد يزن يدير فللرياضة توم ودان يلعبو بلاي ستيشن صباح ربي و وفاء تحضر فالقهوة وصلهم ميساج فوقت واحد

لانا: " حين تحن القلوب لكشف الحقيقة يلتقي الاصدقاء في العرين "

فهمو لكل انو صار وقت استجواب هيڨل فالمقر الخاص بالخماسي ركب يزن فموطوه وفاء فسيارتها وتوم ودان مع بعض كل واحد خذا طريق مختلف يحاولو من جهة يوهموهم انهم رايحين لاماكن مختلفة ومن جيهة ثانية باش يعرفو ادا كاين لي يتبعهم وصل يزن للنفق خذا المفترق الثاني لي موجود داخلو ولي قليل لي يعرف بوجودو لانو اصلا مغلوق من زمان ڨارا موطوه ركب السيارة ورجع من وين جا طول للمقر اما وفاء بعد ما وصلت لنفق ثاني بدلت السيارة هي او واحد ثاني بعتاتو لانا باش ميلقطوهاش كمرات المراقبة اما توم ودان بعد ما وصلو لڨراج قديم حطو الطونوبيل لبسو لي كاسك متاعهم وكل واحد فيهم شد مطوه خرجو وكل واحد فيهم شد طريق اما الوجهة وحدة المقر لي كانت لانا عطاتلهم عنوانو وطرق وصول كل واحد فيهم ليه

وصلو بلواحد للمقر اما كالعادة لانا هي اللخرة

توم: لكان راكي في حفلة نقول حابة تلفتي الانتباه
لانا: تعطلت في امر طارئ
دان: المهم وينو
لانا: لتحت اسبقوني نبدل حوايجي ونجي
وفاء: ديجا سطاليتي هنا
لانا: ههههه نفكرك انو قبل ما تجو لروسيا كنت انا هنا
وفاء: تفصيل صغير راح من بالي... اه على ذكر التفاصيل عطيتلها التسجيل
لانا: وش من تسجيل
يزن: محبيتش نبعتهولك راهو في بيتك من بعد اسمعيه
لانا: هههه ديجا درت جولة
يزن: خصارا عليك وخيرت بيتي تان
لانا: معناتو اول لواصلين
توم: كالعادة مقلق
الكل: هههه

طلعت تبدل حوايجها اما هوما حبطو للتحت يسمعوا في صدى قطرات الما وهي اطيح وكانها تعزف شي سمفونية تقتلك وقت تركز معها تيك تاك تيك تاك تيك تيك تيك تاك تيك تاك

كملو طريقهم فالكولوار الطويل يشوفو في 3 بيبان حلو الباب اللولة لقاوه مربوط من رجليه فالبلافون فاقد تماما لوعيو وجهو مدمدم وعليه ٱثار ضرب

وفاء: 😱 ماشي قالت مادرتلو والو
لانا: علاه وش درتلو هادا فعلا والو
توم: طحت فاليدين لغلط لكان خذاوه للمحكمة كان ارحم ليه
لانا: بما انكم هنا اتهلاو فيه انا حكمني فضول نسمع التسجيل اما متستمتعوش وحدكم خلولي شويا
الكل: اوكاي

غير خرجت دارو لبعضهم بعض ومرة على مرة يشوفو فيه

توم: نبداو 😏
وفاء: هههه خلينا نفطنوه قبل

راح توم جاب البيدون تاع الما لي كان محطوط فالكوان ورماه عليه خلاه يفطن مخلوع اما راسو تقيل مالدم لي حبط على راسو من الوضعية لي راهو فيها

دان: بونجور عزيزي sorry فيقناك اما وش رايك بما انك نضت تجاوبلنا على بعض الاسئلة
يزن: مثلا نبداو بشكون بعتك
هيڨل: ......
توم: شبيك ساكت حشمان
وفاء: نضن انو يفضل الطريقة الثانية

ضربو دان لكرشو خلا الدم يسيل من فمو
يزن: بلعقل عليه يموت تقتلك لانا
                      ............................