كنت ولم اعد

#78

خرج وخلاهم قاعدين على طاولة الاجتماع غير خرج دارو كل ليها

لانا: 😇😇😇
نجم:  وقتاه راح تعقالي وتهدري معاه على اساس رئيس الرئيس تاعك
لانا: جو بطلت الرئيس تاعي ولا نسيت انت مسؤول فقط
نجم: قلتها وندمت ههههههه
وفاء: خايفة كاش نهار يقتلك على طول لسانك
يزن: مفهمتش كفاه متحملك لحد الساعة
لانا: توم دان فريتوها
توم و دان: كلشي تمام التمام
يزن: وش فريتوها
نجم: لواش تخططو
توم و دان: والو
نجم: كفاه والو
لانا: كلشي فوقتو مليح
يزن: دك رح يولدوه هاد لقرار ها يقررو ويسرحونا حسابتلهم فارغين شغل
وفاء: شايفك مقلق على غير العادة
لانا: حكمو الفيس لي حكلمك
يزن: لي يسمعك يقول نت خاطيك
دان و توم و نجم: حلبونا

ندق الباب ودخل جون كلود مع مجموعة من الاشخاص قعدو عالطابلة وحكا واحد فيهم

بيار: صراحتا اقترلحكم عجبنا اما مش مقتنعين بيه
نجم: سيدي رئيس الامانة العامة فالحقيقة

وقفت لانا وقاطعت بهاد الشي هدرة نجم لي تعرف انو مراحش تقنعهم

لانا: عفوا علمقاطعة

هزت براسها لنجم و توجهت لصبورة الحبر لي كانت محطوطة مش بعيدة عليهم رفدت القلم وبدات ترسم وتحكي وتشرح فامنظور تاعها باشكال وعبارات مبسطة تقنعهم بيها

لانا: خلينا نعتابرو هاد المثلث هو عصابة مونتينيڨرو ( قسمت المثلث على نصين مفصولين بحيث شكل الرسم مثلث 🔺 صغير ملفوق وشبه منحرف  تحتو ) الجزء العلوي يمثل الرؤساء ل15 والجزء السفلي يمثل باقي الاعضاء ( رسمت دويرات صغار مالجيهة الثانية ) اما هاد الدوايرات فنعتبروهم العصابات الباقية و تجار المخدرات الاعضاء و الاسلحة بطبيعة الحال رح يكون كاين تواصل دائم بين الرؤساء و الاعضاء ( رسمت سهم بين المثلث الصغير وشبه المنحرف ) هاد العلاقة نمثلوها بهاد السهم بالاضافة للعلاقة لي تكون بين العصابات التجار مع الاعضاء ( رسمت سهم بين الشبه المنحرف و مجموعة الدويرات ) رح تكون عندي علاقة بين هاد العصابات والتجار مع رؤساء مونتينيڨرو مرتين فالسنة ( ورسمت سهم بين مجموعة الدويرات و المثلث الصغير بحيث انو المخطط لي رسماتو شكل شكل بيضوي من السهام كل سهم يجمع بين حاجة و حاجة ) معناتو انهم لكل عندهم ارتباطات ببعضهم البعض ولوكان نجو حنا بعصابتنا الوهمية ( رسمت مربع 🟩 فالوسط ) رح يكون عندنا احتكاك اولا مع باقي العصابات ( ورسمت فنفس الوقت سهم متوجه لمجموعة الدويرات ) لي رح نقدرو نلقو القبض عليها بعد منحكموها بالجرم المشهود ( وخربشت بالسهم على الدويرات بمعنا قضات عليهم ) ومن جيهة ثانية نقضوا عال الرئيس لي رح نتعاملو معاه ( رسمت سهم من المربع للمثلث الصغير ) واذا قضية عليه ( محات جزء من المثلث الصغير ) الرؤساء مراحش يشدو روحهم ورح يسقطو واذا سقطو رح يسقطو معاهم الاعضاء وتسقط مونتينيڨرو ويهتز العالم المضلم وهكذا
يزن: نكونو طيحنا عصافيير بحجر واحد بحركة وحدة وهي
الخماسي: انشاء العصابة الوهمية