كنت ولم اعد

#84

تمشي فطريق تخمم فايهم ولي دارو تصدقو تعطيه فرصة يشرحلها تعطل خدمتها وتبعدهم عليه ولا تكمل فاللي بداتو ولي راهي تسعى باش توصلو خرجها من دوامة افكارها صورت التيليفون لي مالصبح وهو يصوني فجيبها رفداتو تشوف شكون اما معرفتش الرقم وزيد من الجزائر ابصر

لانا: الو
*****: تانيا ريباكوفا ؟!
لانا: شكون انت
****: كنزة رجاء

مجرد ما سمعت اسمها وكانو واحد عطاها بكف دوخها كنزة رجاء نفس الاسم لي مقيد على اوراق التبني علاه حتى تخرج دكا وش هي المناسبة او وش تحوس عندها

لانا: وش تحوسي عندي
كنزة: عندي ما نحكيلك
لانا: حتى انا كنت حابة نسمع عالاقل نفهم اللعبة لي تحطيت فيها
كنزة: عندي كلام مهم نقولهولك نتمنى جيني فاسرع وقت لاني مسافرة
لانا: الاسبوع الجاي
كنزة: وين
لانا: انا نعرف نوصلك متخمميش
كنزة: اووكي بنتي اتهلاي في روحك
لانا: يتهلا فينا ربي

كبات عليها وبدات تضحك

لانا: هههههه وانا نقول كفاه جازو تقريبا شهرين بلا مشاكل ضهر وقت جاو جاو على جيه تقول عليهم voyages organisés

بعد مرور 5 ايام ( الحديث بالروسية )

ماكس: تانيا زح نوووضي نوضي رح نتأخرو
لانا: ( بالدارجة ) زبل متخلوش لواحد يرقد
ماكس: اه وش قلتي 😦
لانا: هههههه والو
ماكس: سبيتيني ياك
لانا: ههههه لالا قلت بلي متخلوش لواحد يرقد
ماكس: بصح عندي مباراة ومهمة ولازم تحضريلها
لانا: اووكي يا بطل وجد روحك تلقاني لتحت نستناك
ماكس: متفطريش
لانا: معنديش نفس للماكلة
ماكس: علاه غرقولك لبوابر
لانا: لبوابر تاع ناناك لي غرقو
ماكس: هههههه انا نروح Sinn نتأخرو
لانا: هههه اوكاااي

حبط ماكس ياكل اما هي دخلت طول للسالدوبان دارت دوش خفيف سروال نواغ تريكو متاع صوف باسكات بيضة وفاست فنفس اللون طلقت شعرها وحبطت للتحت سلمت على البقية وخرجت ركبت فطونوبيلتها شاردة تماما ماعرفتش فاش تخمم حكاية العصابة ولا ايهم لي ضهر معاهم يزن كنزة رجاء ولا سر العايلة داوها افكارها لبعيد لقبل 3 سنين لكان واجهت هاد المشاكل قبل ما تبني نفسها وشخصيتها اكيد يكون حكمها انهيار عصبي وراهي من مشفى لمشفى

لانا: بلحق ya byl i menya bol'she net'

تنهدت تنهيدة من اعماقها دورت راسها تشوف في خوها جااي ناحيتها حلتلو الباب دخل حط السبتة وديمارات

ماكس: متحمس لهاد المبارات اذا تأهلنا رح ندخلو للدوري
لانا: فكرتني فيا من 3 سنين
ماكس: كنتي تلعبي foot
لانا: هههه لالا boxe
ماكس: وااااااااو تسما عندي ختي boxeuse وانا لا خبر
تانيا: ههههههه

وصلو للملعب حبطو مالطونوبيل ودخلو وصلاتو لغرف التبديل وين كانو بقية اللاعبين مع المدرب جا المدرب ليها باش يسلم عليها اما عملت اشارة لماكس وكملت طريقها للي tribune officielle