بعد مرور 15 يوم
وفاء: لانا زح نوضي عندك قريب يومين ونت على هاد ال PC الماكلة حتى نجيبوهالك ويا ربي اذا كليتيها
دان: زيدي lvolume نبصملك بل10 مراهيش تسمع وزيد حاطة سماعة
وفاء: اكيد تحكي مع توم
دان: يادرا وش دارو فيها
لانا: وي توم وين وصلتو
توم: حكيت مع لجماعة وهادا وين قدرو يخرجو من ايطاليا خرجو على البحر الادرياتيكي منا لعشية يوصلو لبحر ايڨيه
لانا: يدخلو على البحر الاسود
توم: ايه تفاهمنا معاهم انو التسليم يكون فالمينا لي يطل على بحر اوزوف
لانا: وكفاه راح يجوزو عالبوسفور
توم: نضن حطو دراهم مقابل مرورهم
لانا: اوكي خليني على علم بكل المستجدات
توم: تم
لانا: وقتاه جي
توم: نتأكد مالسلعة
لانا: بلاك مالعصابات الثانية واي تدخل خبرنا
توم: اوك
دان: وش قال
لانا: جايبينها من ايطاليا ملازمش يقبضو عليهم على حدودنا باش ميشكوش فينا مونتينيڨرو ويقبلو الطلب
وفاء: بعتيه
لانا: مزال راني نخدم عليه حاطين بزااف بيبان مخبيين الامر ماشي بهاد السهولة
دان: متأكدة من لي تعملي فيه
وفاء: دان متنساش انو هاذا الحل الوحيد باش ندخل للاجتماع
دان: نعرف
لانا: مزال مبانش خبر على يزن
دان: لي متأكدين منو انو مزالو falger اما وين وكفاه معادنا حتى اتصال بيه
لانا: اففففف ماشي وقتو كامل محتاجينو هنايا
نجم: وين وصلتي لانا
لانا: مزالني نحاول نوصل للمتصفح تاع مونتينيڨرو مي لازم يزن يعاوني
نجم: حكيت مع حسام منا لغدوة يكون هنا
وفاء: ايه احسن عالاقل يعاونا
نجم: دالتمن ليوم فالمراقبة
لانا: نضن دالتي
نجم: همال وجدي روحك لوقت وبالاكي يلقطوك
____________ ( flash back ) __________
قبل 13 يوم - روسيا - المقر
قاعدين فوق طابلة لعشا كل واحد فيهم لاتي فماكلتو وافكارو
نجم: وين لحقتو مع امر العصابة الوهمية
دان: ريڨلنا كل شي بقا غير الاعلان
توم: رح نعلنو عليها بعد 3 يام
نجم: مليح وانا تفاهمت معاهم يأمنولنا السلاح لي نبداو نمشيو الخدمة بيه
لانا: حبسو
لكل تلفت ليها وقفت من مكانها وطلعت تجري لبيتها رفدت ل PC متاعها وحبطت دنات طباسا للوسط وحطاتو فوق الطابلة
لانا: حنا نعرفو انو مقر الرئاسي لمونتينيڨرو هو القصر الرئاسي السابق فوقت موت ستالين
نجم: منين عرفتو هاد المعلومات
لانا: ميهمش لي يهمنا انو نعرفو مقرهم هاد الشي يخليلنا نتجسسو عليهم
وفاء: هبلتي اكييد تكون الحراسة مشددة
لانا: الحراسة مشددة حول القصر ماشي فمحيطو
توم: وش قصدك
نجم: قصدها انو الحراسة تكون مشددة فساحة القصر مشي على بعد امتار
لانا: بالضبط
دان: فرضا نقولو عندك الحق اما باش تعرفي وش يدور لداخل لازم تقربي وهاذا رح يخليك مكشوفة للحراس
لانا: الا اذا
نجم: رحنا مالجهة الغربية لي طل على غابة كبيرة
لانا: اذا راقبنا القصر من شجرة عالية من اشجار الغابة اولا رح تكون غطاء لنا ثانيا رح نقدرو نرصدو كل تحركاتهم مثلا عدد الحراص اوقات التبديل وقت النشاط وغيرها
وفاء: وكأنو فراسك خطة
لانا: بالضبط اما لازم نفرزها شويا
نجم: اذا قدرنا نعرفو عضو فعال يروح ويجي دايمن للقصر نقدرو نتبعوه هو وجماعتو وبالتالي نعرفو مقر الفرع التابع ليه نهكرو النظام ونطيحوهم فيدينا بالدليل
لانا: اما ملازمش يطيحو قبل الاجتماع والا رح يشكو حاليا افضل الطرق هي المراقبة تحظير احجار اللعب فالمكان المناسب رسم الخطط وبعدها يكون كلشي واجد للتنفيذ وبعدها نقدرو نقولو
لانا وفاء توم ودان: by by montynigro
__________ ( flash back and ) __________
خرجت من وش كانت دير غلقت ل PC وطلعت لبيتها لبست سروال slim تريكو تع صوف نواغ مع فاست كوير و ڨوداس فالاسود ربطت شعرها على شكل ذيل حصان ودارت كاسكيطتها حطت زوج مواس صغار فصباطها وزوج فحزامها مع مسدس صغير وزوج حمالات ذخيرة معاهم جبدت كرطابها حطت فيه الدوزان لي تحتاجهم لبساتو وحبطت للتحت
نجم: ردي بالك
كتفات بانها تهزلو براسها وخرجت مش مستانسة بقربو ليها واهتمامو الزايد فيها ركبت فالموطو تاعها طول للقصر الرئاسي السابق ڨارات قدام une station وكملت طريقها على رجليها توغلت فالغابة لين وصلت للشجرة لي علمو عليها شجرة المراقبة كيما سماوها هوما جبدت عدة التسلق من كرطابها وطلعت لين استقرت الفوق كامل شادة روحها بالحبل ومتركزة على واحد مالعراف لي شاد روحو جبدت les gumelle وقعدت تشوف فساحة القصر كيما متوقع 45 حارس فالساحة الامامية و 30 فالخلفية و 15 علجانب اما لفت انتباهها الحركة لكبيرة لي صايرة فالقصر والحراس لي رايحين ولي جايين نص ساعة من بعد 3 سيارات وقفو قدام القصر اما لي فاجأها نوع السيارة لي فالوسط Jaguar Xf
لانا: لا لانا مشي غير هو لي عندو سيا
وقف كلامها فالنص وقت شافتو خرج مالطونوبيل صدمتها كانت اكبر من كل الصدمات لي تلقاتها في حياتها
لانا: مستحيل
أنت تقرأ
كنت ولم اعد
حركة (أكشن)هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
