كنت ولم اعد

#75

وصلت لبيتها جبدت ل PC تاعها ورفدت الفلاش ديسك لي كان فوق مكتبها بلاصاتو فال PC وبلاصات les écouteurs تسمع في رئيس القسم متاع alger يحكي مع هيڨل

                 **********************
الرئسي: هيڨل نتمنى متكون حكيت والو بخصوص طبيعة التفجير واهدافو
هيڨل: لا كونك هاني سيدي مقلت حتى حرف
الرئيس: مليح
هيڨل: وقتاش تخرجني منا
الرئيس: حكيت مع فرانك ريكارد وقال انو تفاهم مع انتولي انهم راح ياخذوك مالمطار عاساس انهم راح ياخذوك للمحكمة
هيڨل: ومراحش يحوسو عليا
الرئيس: لالا لانو مالاصل المحكمة معندهاش علم بوجودك وجرايمك خلينا الموضوع يموت فهاد المكتب

                 *********************

لانا: bingo الصوت واضح وهكا مستحيل يقولو انو التسجيل مفبرك باش يضيعيو الدليل اما وش قصدو بطبيعة التفجير واهدافه وش يكون فرانك ريكارد وشكون انتولي بصح عرف يلعبها الرئيس بأنو يخلي شأن هيڨل ميتجاوزش حدود المكتب معناها بالاصل معندوش نشرة حمراء والا كانت القوات الفرنسية و الامريكية تدخلت للدعم

قعدت تسمع وتعاود فالتسجيل لين حفضاتو اما ما عطا حتى نتيجة غير تساؤلات وتساؤلات جديدة فكل مرة تعاود تسمعو فيها

لانا: مي علاه تحرقي فاعصابك بالتساؤلات هاذو ما اصلا الاجوبة راهي لتحت

حبطت بشويا تسمع في صوت اانينو وصوت يزن لي خرج من الهدوء المعتاد ديالو وصار يعيط

يزن: احكي مجهلنيش

محس غير بيد لانا نحطت على كتافو تهدي فيه

دان: ما حكا حتى شي غير انو معندوش علاقة بالارهاب وانو اتاصل بيه واحد مالمافيا لحمراء وطلب منو يتوجه للجزائر ويفجر شركت الطيران لنقل البضائع والسلع المتواجدة فالضفة الشمالية
توم: ولي قدرنا نعرفوه من ابحاثنا انو فالضفة الشمالية كاين غير هاد الشركة و الملحق متاعهم
وفاء: قصدك انو كانو مستهدفينها
يزن: منضنش معندهم مايديرو بالشركة بحد ذاتها اذا استهدفوها يكون قصدهم اصحابها
لانا: بصح وش علاقت نائل وايهم فالموضوع
يزن: منعرفش
هيڨل: وش ديرو بيا هنا شكون انتو او وعلاه جاوبيني
وفاء: مشي نت لي تسقسي هنا
لانا: بدلوا ثيابكم ورتاحو قريب وقت لفطور
توم: ونت؟!
لانا: ناخذ حقي من الاستمتاع ولا حابين تخرجوني صحرا قحلا
دان: هههههه هاو ليك

طلعو للفوق وخلاوها معاه جابت كورسي حطاتو قدامو وقعدت عليه بحيث تقابلوا وفنفس الوقت محاوطة ظهر لكورسي ( كشغل قعدت بلمقلوب فالكرسي )

قعدت تشوف فيه وهاجس الصمت يرقص على انغام السمفونية لي يعملها صوت قطرات الما وهو يطيح بانسيابية عالى القاعة

تيك تاك تيك تاك تيك تاك تيك تاك تيك تاك تيك تاك تيك تاك تيك تاك تيك تاك تيك تاك

قطع هاد اللحضت صوتو وقت معادش فيه يسمع هاد الرنة لي صارت تسببلو ازعاج في راصو

هيڨل: ههههه شايف انو ساكتة خير هربلك لكلام وقت شفتيني

طلقت ضحكة طويلة من بعد رجعت للصمت تاعها شي لي خلاه يدخل في حيط ويفهم انو وش عاشو مع الربعة لي فاتو والو قدام وش رح يعيشوا معاها

لانا: انا نخاف منك انت ههههههه
هيڨل: ( في قلبو ) وكانها شويا روطار مش هكا
لانا: لا ماشي روطار اما كنت نرسم سيناريو لطرق تعذيبك
هيڨل: ( في قلبو ) كفاه سمعتني هادي
لانا: رح نعطيك اسئلة و عندك خيارين يا تجاوب يا تجاوب معناتو بالطريقة السهلة وتحكي وحدك او نخليك تحكي بطريقتي وش رايك..... السكوت علامة الرضا .... وش يكون فرانك ريكارد
هيڨل: ت. ت. ت. ت. ت مالمفروض تكوني تعرفيه

وهب يتغرس السكين في يدو ويعلا صوت صراخو

لانا: مالافضل ليك متخلينيش نعاود سؤالي مرتين

جات راح دخلو واحد ثاني اما قاطعها

هيڨل: (يتنفس بصعوبة وكانو كان يجري فشي مرتون من شدة الالم ) خلاص خلااص نحكي نحكي

لانا: نسمع فيك
هيڨل: ر. رئيس الحكومة الفرنسي ورئيس العلاقات الدبلوماسية للانتربول
لانا: مليح وانتلي
هيڨل: منعرفووش

واب سكين ثاني يدخل ليدو الثانيا وعيطة اخرى زعزعت المكان

هيڨل: خلاص خلاص هو من مافية مونتينيڤرو عمري لا قابلتو اما هو لي طلب مني نفجر الشركة الرئيسية وقالي رح يحكموك الانتربول 15 نيوم بعدها يجيبوك لعندي
لانا: مممم مكانش حاسب حسابنا وهو مفكرك هارب وتعرف وش عقوبة الهروب من ايدي المافيا الموت عزيزي فنضن انو بقاؤك هنا افضل ليك

جات نايضة تخليه يرتاح لانو صوتو بدا يتقطع ويروح من لعياط اما كلامو خلاها ترجع

هيڨل: ارحميني ارحميني خليني نروح نوعدك منقول عليكم حتى حرف

واب تحكم بيديها الزوج لمواس لي غرستهم فيه من قبيل دخلتهم مليح في لحمووجبدت للتحط قعد يعيط مش متحمل لالم لي يحس بيه دموعو يسيلو وصدرو يطلع ويهبط من كمية الارهاق لي يحس بيه بعد كل لعياط لي عيطت

لانا: نرحمك اه نرحمك نت علاه مرحمتش الناس الابرياء اكثر من 150 عامل واكثر من 250 شخص كان فالمبنى علاه مرحمتهمش علاه مرحمتش علاه مرحمتش الموضف لي جات الرصاصة فيه علاه مرحمتهمش ومستنيني نرحمك هما بكل بساطة خمم فلي قلتو راجعتلك