كنت ولم اعد

#81

ركب طيارتو يستنا فالاجراءات يخلاصو باش يطيرو لمطار هواري بو مدين بعد 3 ساعات كان فطونوبيلتو يصوڨ ورايح ليها شد فران نحا la Cienture حل لباب وحبط مالطونوبيل ودق في بابها 10 دقايق وهو يستنا فاجابتها باش تحلو الباب اما  والو فقرر يروح لدار جدها يشوفها تما ومع تلفيتتو يشوفها فحضن واحد غيرو ويتسالمو مع بعض شواطنو حضروا وراسو فار وقلبو جمد والدم دار فجسمو دورة وحدة ومفهمش حتا كفاه قطع الطريق ووصل لعندهم جبدو مالكول تاعو وطاح يقرب فيه مش حاسس بلي حولو من شدة الغضب لي هو فيها محاولاتها كل باش تبعدو عليه فشلت ومتقولش غير وقت تحاماو فيه ولاد الحومة يبعدو الثور الهايج على الضحية لي تحتو الضحية لي رجعت مدمدمة كل وجهها ازرق وعينوا مناخة محاودة بالبنفسجي المحمر الدم لي تحجر عليها

يارا: نت هبلت شوف وش درت فيه
يزن: غاضك
يارا: تتمصخر بيا
يزن: لا باش الخطرة لجاية يتعلم يتقرب من حاجة تخصني
يارا: متخلينيش نخسر لكلام ونطيح لقدر لي بينا يزن مانيش لعبة تملكها وقت ما تحب ونهار تنفحلك طيشها طيشها ونهار تنفحلك ترجعها ترجعها

قالت كلامها وجات راجعة لدارها

يزن: يارا ياااارااااا استناي نفهمك يااااراااا

دارت ليه شافت مليح في عنيه وحكات

يارا: تاخرت وتأخرت بزااف انا حاليا مخطوبة يحبني ويستحيل ندير فيه وش درت فيا

دخلت غلقت لباب وتكات عليها دموعها سبالة تحبو اما متقدرش تسامحو مستحيل ترجعلو وتخلي احمد مستحيل

حتى هو مش اقل منها واقف فنص الطريق مجمد مكلامها متوقعش يلقاها تخطبت متوقعش متسامحوش الطونوبيلات يصونيولو باش يبعد اما هو بعيد بعيد عن هاد لعالم يسترجع فذكرياتهم من شي 3 سنين ستوقف عند كلام لانا.
                         ★★★★★★★
يزن: هههه بالضبط كان هدفي نعطيي للفراشة الحرية ونمنع من الضوء انو يحرقها
لانا: حتى ولو لي كان تقول فيه صحيح الفراشة بلا ضوء تتبحر وتاخذ طريق لغالطة
                      ٭٭٭٭٭٭٭٭٭٭٭٭٭٭٭٭٭
لانا: يزن نعرف خدمتنا ماشي ساهلة اما بعملتك مراكش تنفذ فوصايت امها من جهة ومراكش تحمي فيها بلعكس راك تعرضها للخطر مجتمعنا ميرحمش وهي فوصطو وحيدة مكسورة
                         ★★★★★★★

يزن: كان عندها الحق الفراشة المكسورة بلا الضوء طارت لبعيد وخذات طريق اخرى لقات لي يجبرها لقات مصدر نور ٱخر.
فاق من صوت تزمار الطونوبيلات لي ملا الدنيا دنا من الطريق وركب فطونوبيلتو يصوڨ وهو هايم
                       __________________

وفاء: وين غايسة
لانا: والو
الطيار: وصلنا

حبطو كامل مالهلكبتر جاو ماشيين حتى فاجأهم صوت فران قاوي طلعو ريصانهم يشوفو فطونوبيل كلاص Jaguar XF كحلة ( عقلتو تاعمن شفيتولها ) وقت شافتها فهمت وزاد اكدلها المساج لي لحقها

" شبيك واقفة تخزري يالله اطلعي عندنا ما نحكو "

لانا: ايا نتلاقاو من بعد
نجم: وين
لانا: شغل نفريه ونولي
الكل: اوك من بعد

حلت الباب الخلفي حطت صاكها غلقاتو حلت الامامي و ركبت

لانا: bonjour
ستناها حطت السبتة وديمارا
لانا: وشبيك ساكت او وجهك مقلوب
ايهم: ( ساكت )
لانا: ايهم وشبييييك
ايهم: ٱخر مرة نقولهالك حطي حدود بينك وبين نجم خلي مسافة امان بينكم منحبوش يقربلك والا ورحمتك غير لا قتلتو
لانا: خلاص ريلاكس ايهم شبيك ما قربلي ما والو
ايهم: لي عندي قلتو
لانا: اووك اووك خلاص ...... وين رايحين
ايهم: ( ساكت )

حطت يدها على خدو والثانية على اليد لي حاكم بيها la boîte de vitesse

لانا: خلاص ايهم اصلا مراحش نخليه يقربلي
ايهم: نعرف

قرب ليها باسها على خدها

ايهم: منحبش نشوفو مقربلك مرة ثانية
لانا: وكانك غرت
ايهم: ( ساكت )
لانا: يقولو انو السكوت علامة الرضا ويليقلي ندير عرس على هاذ السكوت
                         ______________

كنزة: على حساب مفهمت باباك لوكا ريباكوفا كام في علاقة مع وحدة من الخدمات حبها وتزوجها اما وقت سمعت مرتو مرضاتش بهاد الشي وحاولت تبعدو عليها وهدداتو بانها تحرمو من امتلاك
لانا: كملي
كنزة: سمعت من الخدامات انو لوكا كانت تهمو بزاف المظاهر وسمعتو بين الطبقة البورجوازية لي ينتمي ليها على هذا خبا عليهم زواجو من جهة ومن جهة ثانيا كانت تهمو المادة لي كانت مصدر قوة بالنسبة ليه اما مرتو استغلتها على اساس نقطة ضعف وهدداتو بيها الشي لي خلاه يرضخلها ويرجع ليها اما بشرط وشرطو كان انو تعتبر الطفل لي في كرش الخادمة مرتو الثانية ابنها وتربيه
فالاول رفضت لانو هيا تانيت كانت عندها مكانة فالمجتمع على هاذا لوكا رجع بديعمل علاقات معاها يوميا لين رجعت اونسانت وبداو يحضروا في مرتو الثانية باش تولد بعد لوقت فنفس ليوم لي رح تولد فيه مرتو هاد الشي كان يشكل خطر على الام لانو الجنين فالشهر رح يكمل يكبر في كرشها ورح يزيد من التقلصات وفرولو الاكسجين وحاولو بكل الطرق ياخرو الولادة
لانا: ايهييه
كنزة: نهار العملية كلشي جاز بخير والبنات لزوج كانو ملاح اما وقت سجلوهم قلبو بيناتهم وقت حطولهم براسليات الولادة اما معارناش للحكاية اهتمام لاننا بالاصل كنا عارفين انهم راح يتسجلو على اساس توأم
لانا: معنتها انتي الممرضة لي ساعدة فالتعليم
كنزة: بالضبط بعد مرور 3 ايام عيطتلي فالنتين وقت رحت عندها طلبت مني ناخذ الطفلة لي عندها براسلي فيولي للميتم وهددتني بانها تعملي مشاكل فلخدمة وحتى انها ممكن توصل وتقتل عايلتي نعرفها بادرة ديرها فقبلت ومع اني حاولت نشرحلها انو انت هي بنتها وانو اختك لي براسليها غوز هي بنت المرا ثانية الا انها مسمعتنيش ( وقت وحدة تولد يحطولها براسلي هي ولبيبي نفس اللون او الرقم على حسب الحالة ) فطبقت وش قالتلي اما معطانيش خاطري نحطك فالميتم لانو اذا حطيتك فالميتم طريقك كان باين يا خادمة يا وحدة من بنات الليل فدور الدعارة فخليتك عندي مبيد ما نكمل عامي تاع الميدسين ونرجع للدزاير