كنت ولم اعد

#77

شداتو من راسو ودوراتو لين ترتقت رقبتو عيطت
لواحد مرجالها يدفنو وينضف البيت طلعت لقاتهم كلهم راحو طلعت عملت دوش غيرت ثيابها ركبت فطونوبيلتها وراحت تمشي بعقلها راسها رزين تعبانة مالتخمام ومن كل الامور لي طاحت ومزال طيح عليها مهربها الوحيد هو حضنو الدافي لي معندها غيرو ڨارات قدام دارو الضواو لكل طافيين دخلت لقات بابو مفتوح دخلت لبيتو بيت يغلب عليها الالوان الغامقة نفس تناسق الالوان لي فبيتو ف alger ريحتو ماليا لبيت ولفراش داخل بعضو لمخدة طايحة فالارض رفدتها حطتها فوق السرير نحات صباطها وخشات راسها في مخدتو تستنا فيه يوصل لين سمعت صوت لفران متاع طونوبيلتو شويا و حل لباب لقاها متكسلة على سريرو

ايهم: عندك بزاف ملي جيتي ؟!
لانا: طولت
ايهم: تعرفي بلي داري بعيدة عالمدينة علاه مقلتيليش من قبل
لانا: انسى المهم انك جيت

راح ليها قعد قدامها يتفحص فيها

ايهم: بيك حاجة
لانا: .......
ايهم: تباني تعبانة
لانا: قتلت واحد يا ايهم قتلتو بعد ما عذبتو وخليت صوتو يبح ملعياط قتلتو قتلتو يا ايهم انا صرت مجرمة اما اما كي نتفكر هو هو يستاهل حط ناس ابرياء في خطر وكان رح يقتل وفاء صاوب قيس بالرصاص و مزيا لحقو عليه بلا لجرائم لوخرا لي دارها من قبل حتى لو خليتو يروح كان رح يخبر علينا يا ربي وش درت انا وش درت قتلت مجرم باش نولي كيفو

قاعدة تخزر في عينيه ولهدرة هادي تحرق قلبها واحلة في حلقها تحب تخرجها وتحكيلو اما تعرف انها لازم متحكي لحد عن حتى شي حتى ولو كانت تاثق فيهم وتعزهم

وكانو فهم نضراتها وكمية الحزن الندم الحب الاشتياق الخوف والحسرة لي تعبر عليهم حط يدو على خدها يمسح عليها بصبعو لكبير

ايهم: شششششت كلشي يفوت

ضمها لصدرو وقاعد يمسح على راسها لين جبدت روحها عليه
لانا: مرسيي
ايهم: مدرت والو

ناض سڨمها فلفراش دخل للدريسينغ روم لبس حاجة خفيفة ودخل معاها فلفراش وضمها ليه

ايهم: ليوم برك
لانا: وشنو
ايهم: ترقدي في جيهتي
لانا: ههههههههه
                      __________________

بعد مرور حوالي شهر كل الامور تمشي علكيف تانيا تقربت اكثر من ماكس لي صار قطعة منها عرفت معاه معنى الاخوة الحقيقية حتى يوليا وأولڨا تتفاهم معاهم مليح اما ڥاديم وانتولي طبعهم خشين شويا ومع كسوحية راسها ولسانها الطويل مقدرتش تتأقلم معاهم الا انو علاقتها مع عايلتها مليحة علعموم خصوصا مع لوكا باباها اما مع فالنتين يماها فبقات علاقتهم بين بعض متوترا شويا

فهاد الشهر قدرت لانا وايهم يتقربو من بعضهم اكثر واكثر خلافاتهم نقسو و توافقهم زاد حتى انو اغلب وقتهم الفارغ يقضوه مع بعض فكل هاد الفترة لانا مراقبة نجم وفكل مرة تخليه يخضع لامتحاناتها بدون ميفيق الشي لي خلاها تتأكد انو ما عندو حتى دخل فاللعب لي راهو يصير اما نجم فاستغل قربها منو باش يتقرب منها اكثر وهادا لي مش عاجب ايهم بتاتا

يزن قرر يتصالح مع يارا وفضل قربها منو باش يحميها احسن من انو يبعدها وعلاهاذا مستني الاجتماع الشهري متاعهم يفض باش يحبط ل alger ويجيبها تعيش معاه ( وش نت واقيل حسابتلك طيش وقتا متحب وجيب وقتا متحب هكا ربيتك )

وفاء مركزة معا خدمتها و حابة تكملها فاقرب وقت باه ترجع للجزائر وتصلح علاقتها مع قيس اما دان وتوم فعايشين حياتهم بالطول والعرض هدفهم الوحيد يكملوا المهمة لي راهم فيها من بعد يروحو لكاش بلاد عارفين انو الانتربول معمر بالاخاديع وهو ما ميقدروش يسكتوا عليها 

اما جنة ونائل عايشين احسن حياة زوجية اما لي ناقصهم هو البعد عن العايلة لي عايشينو  ولا نقولو خلاوهم يعيشوه بعد ما سافروا ايهم ولانا واغلب صحابهم حتى عايلة نائل في وهران وعايلتها هي ففرانسا وكانهم عايشين الغربة في بلادهم

( الكلام بالفرنسية )

جون كلود: ذهابكم لروسيا مجاب حتى نتيجة
لانا: وشكون قالك هاد الشي
وفاء: عرفنا بزاف اشياء ومن بينها كيفية الوصول لاجتماع الرؤساء
جون لوك: اجتماع  الرؤساء ل15 للمافيا منتينيڨرو
لانا: علاه كاين غيرو

قرصها نجم من تحت الطابلة

لانا: احححححـ
وفاء: وشبيك
لانا: قـ
نجم: خبطت رجلها
يزن: المهم وين كنا
جون كلود: كفاه حابين توصلو للاجتماع وهو يضم كان الرؤساء ل 15 وحابين تقنعوني انو فهاد الفترة قدرتو توصلولو
وفاء: الاجتماع عكس وش كنتو دايرين في بالكم الاجتماع اكبر من انو يجتمعوا فيه كان ل15 وانما يجتمعوا فيه الريصان لكبار مع رؤساء العصابات او تجار المخدرات الاعضاء والاسلحة لي حابين يديرو علاقات معاهم
توم: وبالتالي ادا انشأنا عصابة وهمية هكا نكونو قادرين ندخلو لعرينهم ونفجرو ونطيحو القطاع لي رح نتعاملو معاه
دان: وبهادا نكونو خطينا الخطوة ما قبل الاخيرة لتنفيذ الخطة الاساسية
يزن: لي بنيناها على اساس سقوط الفرد يؤدي الى سقوط ل 15
نجم: سيدي بهاد الشي رح نحققو خطوة كبيرة عمرنا لا وصلنالها
جون كلود: وفرضا عطيتلكم تصريح بقيام هاد المنضمة كفاه رح توصلو لاجتماع MNT 
لانا: نت اعطينا التصريح وبقا تراقب من بعيد كفاه راح نوصلولو الساحر لا يفصح عن اسراره
جون لوك: رح ناقش هاد القرار مع المسؤولين ومنبعد نشوف