كنت ولم اعد

#79

راحت لانا لبيتها اما توم ودان قعدو فالصالون كل واحد فيهم غاطس فال PC تاعو

دان: لقيتو 
توم: وينو
دان: كل سبت ثنين واربعاء يروح ل BILLARD CLUB BAR
توم: ماعلينا غير نلقاو كفاه ندخلو لتما لانو يدخلولو كان كبار الشخصيات
دان: قلت كبار الشخصيات
توم: هيه مراكش تسمع
دان: اعتبرها مريڨلة
توم: كفاه
دان: نعرف بنت وزير المالية المصممة جيسيكا ارنولد
توم: بيييي وليت تلعب مع صحاح
دان: اخطينا بنت صحبت ماما مالجمعية لي عاملينها مع بعض
توم: وانا كفاه
لانا: لقيت شكون يوصلهالي اما واحد فيكم يروح يجيبها
توم: انا نجيبها وهو يحكي مع جيسيكا
لانا: ههههههه اوكي كيما تحبو توم تلقا واحد فالمرفئ الغربي على 4:30
توم: وكفاه نعرفو
لانا: هو لي رح يعرفك
توم: تم
                        ..............................

مع 4:30 كان توم فالميناء حتى جا واحد ليه لابس فيستا كوير و كاسكيطا مغطيا ملامحو

****: توماس
توم: قاتلك اسمي ؟!!
****: هههه متخافش بما انها قالتلي ٱسمك معنتها منشكلش خطر عليكم

عطالو فاليز صغيرة شدها عليه توم

ا***: TTX فالعلبة تقدر تفرغ كل الجرعة فهمت لانا الجرعة رح تسبب الشلل لمدة 67 ساعة منغير اي اضرار انها تمس عضلات الحجاب او القلب
توم: مليح واللون
****: قالت انو الهدف يفضل النبيذ الاحمر فعملنا حسابنا
توم: مرسي منعرفش اذا تحاسبتو من قبل اما ما قاتلي ادي معاك حتى حاجة
****: ههه لا ولو لانا فضلها سابق علينا انا لي رفضت ناخذ مقابل
توم: مرسي

تبسم معاه صافحة ورجع مين جا
                          ...........................

نروحو عند دان لي حاليا فالشركة متاع التصميم يتناقش مع وحدة مالموضفات

       ( الحديث بالفرنسية )

دان: وش هاد الاستهتار لي تتعاملو بيه
جيسيكا: دااااان 😊 عفوا ميراندا تقدري تروحي
ميراندا: اما
جيسيكا: قتلك روحي
دان: جيسي .... وش تعملي هنا
جيسيكا: ههه نفس السؤال
دان: من اسبوع طلبت بدلة اما خربطو فالقياسات
جيسيكا: المرة الجاية ارواح لعندي خليني نصمملك وحدة خاصة بيك
دان: انت مصممة فهاد الشركة
جيسيكا: ههه وي هادي شركتي لخاصة
دان: اه مكنتش نعرف
جيسيكا: معليه تفضل تشرب قهوة معايا
دان: خلي لمرة لجاية ليوم رايح مع صاحبي لBILLARD CLUB BAR 
جيسيكا: اه همال المرة الجاية
دان: تحبي جي معايا
جيسيكا: وصاحبك
دان: عادي
جيسيكا: اوكي همال نجيب صاكي
دان: اوكي نستنى فيك
جيسيكا: والبدلة
دان: خيطيهالي انت 😉
جيسيكا: هههه اوكي

جابت صاكها وركبت معاه فطونوبيلتو

جيسيكا: عندك شحال مجيتش للجمعية
دان: كانو عندي امور وحاليا مستقر فروسيا
جيسي: واو روسيا
دان: هههه وي علاه
جيسي: وش تعمل هوني
دان: نشوف ماما وزيد عندي حفلة ونفضل التصميمات الفرنسية وزيد فرصة باش نلتقي مع صحابي
جيسي: وش داك لروسيا
دان: خدمتي
جيسي: ممممـ وش هاد الخدمة لي خلاتك تبعد عليا ا. قصدي على امك اصحابك
دان: وصلنا
جيسي: اه

حسها مستوهبتش لي قالو قرب نحالها la Cienture وحكا معاها و وجهو قريب لوجهها
دان: وصلنا

نحا السبتة متاعو وراح حللها لباب لقا وجهها صار لونو احمر مالحشمة شد يدها وعاونها تخرج مالطونوبيل وجبدها ليه

دان: مزالك تحماري هههه
توم: بونصوار

خمس مع دان وباس يد جيسيكا

توم: طولت عليكم ؟!
دان: لا فالوقت هادي جيسيكا رفيقتي جيسي توم صاحبي
جيسيكا: enchanté

جاو داخلين مع بعض جا رح يحكي الڨارد اما وقت شاف جيسيكا سمحلهم يدخلو

قاعدين كل واحد شاد كاسو حتى لمح توم فرانك داخل مع لبودي ڨارد تاعو هز براسو لدان ناحيتو وقت شافو عملو اشارة براسو

جيسيكا: خلينا نلعبو بلياردو
دان: اووك امشي
جيسيكا: مش خايف نربحك
دان: هاديك زمان جيسي
جيسيكا: هههه اوكي خلينا نشوفو شطارتك

قعدو يلعبو اما تركيزهم لكل على فرانك ريكارد لي كيف المتوقع طلب نبيذ احمر شافو دان وقت شار للڨرصون يجيبلو واحد ثاني

دان: توم ابدا اللعب لي جينا علا جالو
جيسي: وش قصدك
دان: نورولك لعبنا متاع الصح هادا كان مجرد تحمية
جيسيكا: وريلي تراه
توم: نجيب كاس تكيلا تحبو نجيبلكم
جيسي: كوكتال من فضلك
دان: تعرف ذوقي

راح او وجد القنينة الصغيرة لي كانت في جيبو حلها واستغل وقت كان رح يدور باش يحطهالو اما قطعو لڨارد
لڨارد: عمري شفتك هنا
توم: لكلشي بداية

لمح من بين كتاف الڨارد فرانك وهو متوجه لطابلة لي واقفين فيها دان وجيسي

توم: ( في قلبو ) زح شبيه هادا لاسق في قسامي

لاحظ زوج وحدوخرين يحكو و يشوفو ناحيتو عرف بلي جايين ليه يفتشوه قعد يخزر فعنين الڨارد لي قدامو  غلق القنينة لي في يدو تم تم 

لمح السارفور بطرف عينو جايز من ناحيتو رفد اليد لي حاكم بيها كاسو كاشارة ليه

توم: صوري