تلفت ليه هزلو براسو وقربلو السنيوة حط كاسو عليها وتعمد يضغط وقت حطو شي لي خلا السارفور يفقد توازنا ويطيح السنيوة لي فيدو وبهاد الشي من جهة يلفت انتباه دان من جيهة ثانيا يتخلص مالقنينة قبل ما يجو لوخرين يفتشوه
السارفور: ٱسف Monsieur زلقتلي
اما عند دان فوقت سمع ضجة تلفت و شاف توم وقت طابس ينفض سروالو ورالو لقينينة وتمتم بين شفافو شي لي خلاه يرفد راسو شويا ويشوف الڨارد لي واقف قدام توم وزوج لي جايين ناحيتو
دان: زح مش وقتو
تبدلو الوان البار وغنية جديدة بدات تلفت لجيسيكا وجبدها بسرعة للوسط باش يشطح معاها على تلفيتو هزلو براسو بمعنى ارميها غير رماها توم دان تكى جيسي على ركبتو وشدها بيدو اليمين لي دناها شويا على راسها باش يحكم القنينة
تنفس وقت طاحت في يدو شي لي خلاه يعاود يطلع جيسي لي كانت تخزر في عنيه طول الوقت لي ميلها فيه كمل يتمايل معاها على انغام الموسيقا اما جيسي بعد ما هدا الريتم تاعهم حطت راسها على صدرو تتنفس فبرفانو
جيسي: تي شبيك بهاد السرعة وبدون سابق انذار
دان: نعشقها هاد الغنية
جيسي: تعشق غير لغنية
دان: وش قلتي
جيسي: والو
سمعها وفهم قصدها وقاري تحركاتها و عارف انو تحبو ومن وقت مكانو صغار اما هو يعتبرها مجرد بنت صحبت امو وبقاو على هاد الاساس اصدقاء من بعيد عمرو لا فكر فهاد الامور وقت تحتاجو تلقاه اما لي تفكر فيه مستحيل
احساسو بالذنب وقت يشوفها تتبسم معاه فرحانة يتفكر انو حاليا راهو يستغلها نوعا ما باش يمشي امورو اما لكان نشوفو بنظرتو النظرة لي تخلينا نشوفو لبعيد تخلينا نشوفو اوسع من واش نشوفو دكا نفهموه و نفهمو انو بطريقة ما هو يحميها ويحمي ولادها مستقبلا يحميهم من خطر وصول مونتينيڨرو لفرانسا واستيلائهم عليها باعمالهم القذرة من خطف اطفال متاجرة بأعضاء ترويج الدعارة وغيرها ولا ببساطة يحميها من نفسو
شافهم وقت داو معاهم توم يفتشوه لزم يكمل مهمتو بسرعة ويخرج
شاف فرانك على طاولة غير رح يبدا لعبو حاط كاسو على طاولة البلياردو عرف انو هادي فرصتو فرصتو الوحيدة والاخيرة
فتح القنينة حط البوشون في جيبو وشد القنينة وضغط بصبعو الابهام على الفتحة ومسكها بين صباعتيه لاربعة وكف يدو بكل خفة وقرب يدو من دهر جيسي وكانو يمشي فيها وصل لطاولة البلياردو وعمل روحو كانو تكا على الطابلة ودفق محلول القنينة فكاس فرانك ريكارد
وتلفت ليه يحكي معاه
دان: شرايك توريلنا مهاراتك
فرانك: ممممـ تفضل
جيسي: دااان
اكتافى بانو يغمض عينه يطمن فيها وكمل
دان: تبدى ولى نبدى
فرانك: خليني نبدى نسهلك اللعب
دان: لعود لي تحڤرو يعميك
فرانك: وشنو
دان: خليني نبدا
فرانك: ( شارلو بيدو تاع تفضل ) بما انك مصر
______________
أنت تقرأ
كنت ولم اعد
Боевикهكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
