រំលងផុតទៅកន្លះម៉ោងក្រោយ អ្នកដែលឈរយាមនៅមុខបន្ទប់ក៏សម្រេចចិត្តយកសោរមកចាក់បើកចូលទៅខាងក្នុង វារំលងផុតទៅប្រហែលមួយសន្ទុះហើយគេគិតថាប្រពន្ធប្រហែលជាស្ងប់អារម្មណ៍បន្តិចបន្តួចដែរ ល្មមអាចនិយាយគ្នាបាន គេគួរតែឆ្លៀតឱកាសមកនិយាយជាមួយឱ្យដឹង.សដឹងខ្មៅ គេមិនចង់ឱ្យប្រពន្ធមកយល់ច្រឡំជាមួយគេដោយសារតែរឿងប៉ុន្នឹងទេ ។
« ហ៉ឹក » សម្លេងដង្ហក់យំសសឹកៗនៅតែបន្លឺឡើងមិនស្ងាត់ នាយតូច ដែលគេស្ងាត់មិនឮសម្លេងយំមិនមែនគេឈប់យំទេ គឺគេមកសំងំយំនៅលើគ្រែទឹកភ្នែកជោគជាំពេញខ្នើយកើយតែម្តង ។
« ប្រពន្ធបង អូននៅមិនទាន់ឈប់យំទៀតឬ?? » Jungkook សន្សឹមៗដាក់ខ្លួនទៅគេងពីក្រោយគេ សកដៃអោបចង្កេះតូចមួយក្តាប់ទាញឱ្យខិតមករកខ្លួន ហើយក៏អោនមុខទៅថើបកញ្ចឹង.កគេពីក្រោយមួយខ្សឺត ។
« ... » ស្ងាត់គ្មានការឆ្លើយតប ។
« បែរមកនិយាយជាមួយបងបន្តិចបានទេ?? » CEO រូបសង្ហារ ខ្សឹបប្រហើរៗនៅក្បែរទងត្រចៀករបស់ភរិយា សុំឱ្យគេបែរមកដោយខ្លួនឯង ព្រោះបើគេពិតជាព្រមក៏មានន័យថាគេមិនបានខឹងខ្លួនដូចមុនឡើយ
« បែរមកណា៎!! » Tae បម្រះខ្លួនបន្តិចបង្វែរបែរមកគេងទល់មុខគេ តែមិនហ៊ានងើយមុខទៅមើលគេឡើយ ទាល់តែគេសកដៃមកផ្ងើយឡើងទើបអាចមើលឃើញថារង្វង់ភ្នែកប្រពន្ធហើមខ្លាំងណាស់ ។
« អូនយំខ្លាំងម្ល៉េះហ្ហឹម?? ភ្នែកអូនហើមអស់ហើយ » Jungkook ផ្អឹបម្រាមដៃទៅប៉ះពាល់ត្រង់ត្របកភ្នែករបស់ប្រពន្ធកម្រើកម្រាមដៃអង្អែលថ្នមៗ ។
« សុ..សុំទោស » នាយតូច បន្លឺឡើងតិចៗ ងាកមុខចេញមិនហ៊ានប្រឈមជាមួយគេផ្ទាល់ៗទេ ព្រោះតែអៀនខ្មាសនឹងអ្វីដែលខ្លួនធ្វើមុននេះ មិនដឹងថាមួយដៃនោះឈឺយ៉ាងមិចទេ ។
« ហេតុអីក៏សុំទោសបង?? អូនមានបានធ្វើអ្វីខុសឯណា? ឈឹងទៅក្មេងល្អរបស់បង » គេលើកចញ្ចើមឡើងញញឹមចេញមក ច្បិចថ្ពាល់ក្រពុំស្រស់ស្អាតលេងបន្តិចរួចទើបទះគូទគេថ្នមៗលួងឱ្យបាត់យំ ។
« អូនទះបង »
« បងមិនឈឺទេ ឈប់យំទៅ »
« ហ៉ឹក...ប្តី » Tae ពេបមាត់យំចេញមកម្តងទៀតអង្គុញខ្លួនរុលចូលទៅអោបគេយ៉ាងណែន ទាមទារភាពកក់ក្តៅចេញពីរង្វង់ដៃរបស់គេទាំងយំសសឹកៗដូចជាកូនក្មេងទារទឹកដោះគោអញ្ចឹង ។
YOU ARE READING
ᗕ till i met you ᗒ (✔️)
Romanceតើមានអ្វីដែលអាចវាសទំហំនៃសេចក្តីស្រឡាញ់របស់ពួកគេបានទេ?? ចម្លើយគឺ ៖ គ្មាននោះទេ ។ Main Characters : Jeon Jungkook x Kim Taehyung Author : AERA ROSAA Date : 23/07/21 - 18/11/23 Cover by : Somavotey ♡︎
