៚ ង៉ឺត ៚
« រួចរាល់ពេលណា call ប្រាប់យើងឮទេ? ហាមជិះ taxi ទៅវិញ » ពេលដែលខ្លួនបានបើកឡានជូនគេរហូតមកដល់របងទ្វារផ្ទះហើយ មុននឹងបើកឡានចេញទៅវិញ Jimin ក៏ឆ្លៀតផ្តែផ្តាំប្រាប់គេម្តងទៀត ទាំងដែលនៅក្នុងឡានគេផ្តែផ្តាំសឹងតែបែកពពុះមាត់ស្គុលទៅហើយ ។
Tae សកដៃទៅយកសោរពីក្នុងហោបាវមកចាក់សោររុញទ្វាររបងបើកបន្តិចរួចក៏ឈានជើងដើររហូតមកដល់មុខទ្វារផ្ទះ ឃើញសភាពផ្ទះពេលនេះក៏យ៉ាប់យ៉ឺនណាស់ដែរ ចុះទម្រាំតែសភាពម្ចាស់ទៀតនោះយ៉ាប់កម្រិតណាទៅ??
« ក្រាក* » នាយតូច បោះជំហានដើរចូលមកខាងក្នុង ហើយក៏ប្រញាប់បិទទ្វារចាក់សោរជាប់វិញ ព្រោះមើលទៅ Jungkook គេតឹងតែងក្នុងការចេញចូលណាស់ គឺចាក់សោរជាប់គ្រប់កន្លែងតែម្តងហើយ តែយ៉ាងណាៗក៏គេមិនបានដូរសោរដែរ គេកំពុងតែបង្ហាញថាមានតែខ្លួនតែប៉ុណ្ណោះដែលអាចចូលបាន ។
« តុកៗ* »
« Jung?? អូន Tae ណា៎.. » Tae អើតមុខចូលមកហៅរកគេតិចៗ ព្រោះតែបន្ទប់គឺងងឹតឈឹងឃើញបានតែស្រមោលព្រាលៗនៅក្បែរគ្រែតែប៉ុណ្ណោះ មើលតេពីក្រោយក៏ដឹងបាត់ហើយថាជាគេ ។
« អូនមករកបងវិញហើយមែនទេ?? » Jungkook ស្ទុះងើបរត់ទៅអោបក្រសោបកាយតូចច្រឡឹងយ៉ាងណែន ។ ខ្សឹបសួរគេទាំងត្រេកអរស្ទើរតែហោះ លើកនេះគេមិនបានស្រមើស្រមៃទៀតទេ ប្រពន្ធរបស់គេគឺពិតជាមកមែន ។
« អឹម!! អូនមកហើយៗ » នាយតូច លើកដៃមកអោបគេវិញ នឹកអើយ!!! សែននឹករង្វង់ដៃដ៏កក់ក្តៅមួយនេះ បែកគេមួយអាទិត្យខ្លួនគេងក៏មិនសូវលក់ ព្រោះតែគ្មានគេអោបរិទ្ធដូចរាល់ដងនឹងឯង ។
« បងនឹកអូន...បងនឹកអូនណាស់.. »
« យំទៀតហើយហ្ហេស?? មើល៎!! ឈប់យំទៅ ហេតុអ្វីក៏បងបិទភ្លើងបន្ទប់?? ងងឹតឈឹងបែបនេះមូសខាំបងគិតយ៉ាងម៉េច? » នាយតូច ទាញគេខិតចេញពីការអោបបន្តិច រួចក៏លើកដៃទៅជូតទឹកភ្នែកនៅលើថ្ពាល់គេចេញថ្នមៗ ។ ចេះមកសំងំនៅក្នុងបន្ទប់ទាំងងងឹតសូន្យឈឹងបែបនេះទៅកើត វាំងននអ្វីក៏មិនបើកនេះទៀត ។
គ្រាន់តែចុចកុងតាក់បើកភ្លើងឡើងមកភ្លាម Tae ក៏ភាំងសឹងតែនិយាយមិនចេញ ព្រោះតែនៅក្នុងបន្ទប់គឺសុទ្ធតែរូបថតរបស់ខ្លួននិងគេនៅពេញជញ្ជាំង បើរូបថតរៀបការវិញគឺគេយកទៅតាំងនៅឯក្បាលដំណេកឯណោះ ប្រុសម្នាក់នេះចំមែនហើយ ។
YOU ARE READING
ᗕ till i met you ᗒ (✔️)
Romanceតើមានអ្វីដែលអាចវាសទំហំនៃសេចក្តីស្រឡាញ់របស់ពួកគេបានទេ?? ចម្លើយគឺ ៖ គ្មាននោះទេ ។ Main Characters : Jeon Jungkook x Kim Taehyung Author : AERA ROSAA Date : 23/07/21 - 18/11/23 Cover by : Somavotey ♡︎
