កន្លងផុតទៅអស់ជាច្រើនម៉ោង ពន្លឺព្រះអាទិត្យក៏ចាប់រះឡើងដាស់ឱ្យមនុស្សសត្វទាំងពួងក្រោកពីដំណេក ។ ពន្លឺចាំងឆ្លុះចូលមកតាមវាំងននដែលកំពុងតែបក់រវិចៗតាមកម្លាំងខ្យល់ក៏ចាំងចូលមកប៉ះរង្វង់មុខសង្ហាឥតខ្ចោះគ្មានកន្លែងទាស់ខុស រំខានឱ្យត្របកភ្នែកគេត្រូវភ្ញោចបើកទាំងមិនចង់ព្រោះកំពុងតែលក់ស្រួលនោះអី ។
យប់មិញគេរកកន្លែងគេងបានល្អណាស់ កើយពីលើទ្រូង នាយតូច ពេញមួយយប់តែម្តងមិនដឹងថាក្រោកមកត្រូវឈឺដៃយ៉ាងមិចទេ បើមនុស្សមាឌដូចយក្សទៅគេងពីលើមនុស្សមាឌតូចមួយរាងស្វិតតៃវៃៗនេះ ។
« ហ្ហឹម!! » Jungkook ក្រហឹមដើម.កតិចៗ ហើយក៏ក្រោកអង្គុយទាំងឈឺក្បាលង៉ឺង យប់មិញផឹកមិនចេះតិចឥឡូវស្រាធ្វើទុក្ខដល់ព្រឹកយ៉ាប់ពិតមែនហើយ ។
« សឺត!! អរុណសួស្តីប្រពន្ធបង » ទោះជាឈឺក្បាលនាំគេម៉ួម៉ៅកាត់ព្រឹកព្រលឹមយ៉ាងមិច ក៏គេត្រូវតែអារម្មណ៍ល្អវិញដែរ ព្រោះតែគេបានឃើញមនុស្សជាទីស្រឡាញ់នៅក្បែរ យប់មិញគេច្បាស់ជាគេងអោប Tae មិនខានទេ អា៎!! ត្រូវហើយ គេនៅចាំបានគេបានបើកកន្លែងថតសម្លេងទុក ។ ដោយសារតែចង់ដឹងថាពេលគេស្រវឹង Tae និយាយជាមួយគេយ៉ាងមិចខ្លះ ។
Jungkook សកដៃរាវរកទូរស័ព្ទហើយក៏ឃើញថានៅក្នុងហ៊ោបាវខោដដែលទេ គេទាញភួយទៅដណ្តប់ឱ្យប្រពន្ធវិញបន្តិច រួចទើបក្រោកដើរទៅឆ្ងាយបន្តិចដើម្បីស្តាប់សម្លេងកាលពីយប់មិញ ។ ក្រោយពីស្តាប់សម្តីកាលយប់មិញហើយរួចរាល់អស់ Jungkook ក៏ដើរទៅរកប្រពន្ធដាក់ខ្លួនអង្គុយក្បែរគេយកដោះចិញ្ចៀនចេញពីម្រាមដៃខ្លួនទៅពាក់ឱ្យអ្នកកំពុងលង់លក់វិញ ។
« អូនជាប្រពន្ធរបស់បងតែម្នាក់គត់ អ្នកណាមើលមកអូនយ៉ាងមិច គិតថាអូនមិនល្អយ៉ាងមិចក៏បងមិនខ្វល់ដែរ បងស្រឡាញ់អូន បងរីករាយនឹងទទួលយកអ្វីគ្រប់យ៉ាងដែលជារបស់អូនទាំងអស់ បងនឹងកាន់ដៃអូនបែបនេះរហូតដល់ដង្ហើមចុងក្រោយ បងមិនត្រូវការអ្នកណាមកជំនួសកន្លែងអូនទេ Jeon Taehyung »
គេបានដឹងគ្រប់យ៉ាង គេដឹងពីមូលហេតុដែលធ្វើឱ្យប្រពន្ធរបស់គេក្លាយជាបែបនេះ នៅកណ្តាលយប់ដែលមានអ្នកផ្ញើរ Video មកនោះ ក្នុង Video បានបង្ហាញសកម្មភាពគ្រប់យ៉ាងមកទាំងអស់ ។ នៅក្នុងបន្ទប់ដែល Jungkook បានឱ្យ Tae នៅចាំនោះ គឺមានកាមេរ៉ាសុវត្ថិភាព ហើយក៏មានឧបករណ៍ស្រូបយកសម្លេងដូចគ្នា បែបនេះពាក្យសម្តីទាំងប៉ុន្នានគឺចាប់បានទាំងអស់ បែបនេះហើយទើបខ្លួនក៏បានដឹងដូចគ្នាថាហេតុអ្វីបានជាសុខៗប្រពន្ធរបស់គេប្លែកដល់ថ្នាក់នេះ ។
YOU ARE READING
ᗕ till i met you ᗒ (✔️)
Romanceតើមានអ្វីដែលអាចវាសទំហំនៃសេចក្តីស្រឡាញ់របស់ពួកគេបានទេ?? ចម្លើយគឺ ៖ គ្មាននោះទេ ។ Main Characters : Jeon Jungkook x Kim Taehyung Author : AERA ROSAA Date : 23/07/21 - 18/11/23 Cover by : Somavotey ♡︎
