ថ្ងៃចុងសប្តាហ៍ដែលត្រូវជាថ្ងៃឈប់សម្រាក ក្រុមគ្រួសារមួយនេះក៏បានចុះទៅខេត្តដើម្បីទៅលេងលោកយាយដូចសព្វដង ។ ពួកគេតែងតែមក Busan ជាញឹកញាប់ ព្រោះមួយរយៈក្រោយនេះសុខភាពរបស់លោកយាយគឺមិនសូវល្អនោះទេ គាត់ចាស់ណាស់ហើយមានជំងឺជាប់ខ្លួនក៏មិនចម្លែកដែរ ។ ប៉ុន្តែពួកគេប្រកែកចង់មកលេងដើម្បីក៉ំឱ្យស្ងាត់ផ្ទះពេក ។
« បងនៅមើល Harin ផង អូនរកទៅផ្សារបន្តិចសិន របស់នៅក្នុងទូរទឹកកកមានមិនសូវច្រើនទេអូនចង់ទិញមកបន្ថែម »
« កូនទៅលេងជាមួយក្មេងៗក្នុងភូមិបាត់ជាមួយលោកយាយបាត់ហើយ បងទៅជាមួយអូនក៏បាន »
« បងនេះតាមជាងកូនទៀត! ការងារបងមិនទាន់រួចដៃទេ បងធ្វើបង្ហើយទៅទាន់មេឃនៅត្រជាក់ ក៉ំដល់ពេលមេឃក្តៅចែសឡើងទៅធ្វើ ប្រយ័ត្នអូនមូល » ចុះនិយាយមានទៅខុសស្អីបើប្តីគេពិតជាតាមគេស្អិតជាងកូនមែន ។ គេចង់ទៅណាក៏កូនមិនដែលចេះយំរករឿងទាមទារទៅតាមអ្វីទេ ណាស់តែប្តីទេ រាល់ថ្ងៃបើមិនធ្វើការប្រហែលនៅជាប់គេ 24 ម៉ោង ។
« អូយ៎!! បាទ!! »
« បងយកទឹកទុកផឹកផង ក្រែង Harin មិនមកវិញមិនបានយកទៅឱ្យ »
« ប្រយ័ត្នប្រយែងតាមផ្លូវផងណា៎ មានអ្វីទាក់ទងមកបង » Tae ញញឹមតបទុកជាការអរគុណសម្រាប់បណ្តាំ អើតមុខទៅថើបថ្ពាល់ស្វាមីជាទីស្រឡាញ់មួយខ្សឺតយ៉ាងវែង ទើបដើរទៅយកសោរឡានបើកចេញទៅបាត់ ។
« ប៉ា!! » ប្រពន្ធចេញទៅផុតមិនទាន់បានប៉ុន្នានផង កូនស្រីរបស់គេក៏រត់ចូលមកទាំងបែកញើសសស្រេកសស្រាក់មើលក៏ដឹងថាហត់នឿយខ្លាំងណាស់ ប៉ុន្តែមុខនេះមិនមែនហត់ដោយសារការងារទេ ហត់ដោយសារលេងច្រើនជាង ។
« មកវិញលឿនម្ល៉េះកូនលេងឆ្អែតហើយ? » Jungkook ដើរទៅយកកន្សែងមកជូតញើសឱ្យកូន បន្ទន់ជង្គង់លើកនាងយកមកដាក់លើភ្លៅ ព្រោះឃើញកូនដកដង្ហើមមិនចង់ដល់គ្នាពេក ។ ប្រាប់ប៉ុន្នានដងហើយថាលេងហត់គួរតែសម្រាកសិន តែនាងមិនស្តាប់សោះ តាមមើលសប្បាយណាស់ហើយ ។
« អត់ទេ! មកយកទឹក » Harin គ្រវីក្បាលយកដៃទៅឱបកលោកប៉ាដើម្បីឱ្យគាត់ពរទៅរកទូរទឹកកកយកទឹកផឹក អង្រួនអាវគាត់ចុះឡើងៗទារឱ្យប្រញាប់ពរទៅ ព្រោះទូរទឹកកកខ្ពស់នាងបើកយកមិនដល់ នឹងអាងបានត្រឡប់ទៅលេងបន្តវិញ គេលេងចោលនាងឥឡូវហើយ ។
YOU ARE READING
ᗕ till i met you ᗒ (✔️)
Romanceតើមានអ្វីដែលអាចវាសទំហំនៃសេចក្តីស្រឡាញ់របស់ពួកគេបានទេ?? ចម្លើយគឺ ៖ គ្មាននោះទេ ។ Main Characters : Jeon Jungkook x Kim Taehyung Author : AERA ROSAA Date : 23/07/21 - 18/11/23 Cover by : Somavotey ♡︎
