« លោកយាយទៅណា?? » ក្រោយពីចំណាយពេលសំងំយំឆ្អែតឆ្អន់ Tae ក៏សម្រេចចិត្តត្រឡប់មកផ្ទះវិញ បាត់មកយូរខ្លាចថាមានអ្នកតាមរក បើជាអ្នកផ្សេងក៏គេមិនសូវខ្វល់ដែរ តែគេបារម្ភលោកយាយច្រើនជាង ។ ប៉ុន្តែពេលគេដើរចូលមកគេក៏ឃើញលោកយាយកំពុងរៀបចំឥវ៉ាន់ដូចជាប្រុងចេញទៅណាអញ្ចឹង ។
« យាយទៅសម្រាកនៅផ្ទះនោះឱ្យបានជាគ្នាជាមួយ Shinya នៅទីនេះគ្មានបន្ទប់ទំនេរ បើឱ្យនាងទៅតែម្នាក់ឯងក៏មិនកើតព្រោះនាងជាមនុស្សស្រី កុំធ្វើមុខបែបនឹងទៅមើល៎ យាយទៅទីនោះតែពេលគេងទេ »
« បាទ!! ចាំខ្ញុំជួយលើក » នាយតូច ប្តូរពីមុខស្អុយមកជាញញឹមពង្រាយពេលដឹងថាលោកយាយនឹងទៅសម្រាកតែពេលយប់ ។ សកដៃទៅជួយលើកខ្នើយនិងភួយដើរទៅជាមួយគាត់ ឃើញថាវាស្រាលក៏ជួយទៅ ប៉ុន្នឹងមិនអីទេតាមមើលនោះ ។
« យាយឮថាពួកគេទៅដើរលេង ចៅមិនទៅទេហ្ហេស?? »
« Hwa បបួលខ្ញុំរួចហើយលោកយាយ បន្តិចទៀតទើបខ្ញុំទៅងូចទឹក »
« ដើរលេងឱ្យសប្បាយហើយប្រយ័ត្នប្រយែងផងណា៎ » លោកយាយ លើកដៃទៅអង្អែលរង្វង់មុខតូចច្រមិចរបស់គេស្រាលៗ សែនស្រឡាញ់អើយ!!! ស្រឡាញ់ ។ ទោះជាចៅប្រសារឬក៏ចៅប្រសារក៏ដោយក៏គាត់នៅតែស្រឡាញ់ដែរ ហើយពេលនេះគេនៅមានកូនក្នុងផ្ទៃទៀតគាត់កាន់តែស្រឡាញ់គ្មានអ្នកណាមកជំនួសដំណែងបានហើយ ។
« បាទ!! លោកយាយ » នាយតូច ងក់ក្បាលញញឹមតបទៅគាត់វិញ រុលខ្លួនចូលទៅអោបគាត់បន្តិចទុកជាការលារួចទើបបង្វែរខ្លួនដើរត្រឡប់ទៅផ្ទះវិញ ជួនជាពេលនោះគេក៏ប្រទះភ្នែកឃើញ Jungkook កំពុងដើរចូលមកដូចគ្នា តែក្នុងដៃគេគឺមានកាន់កន្ត្រកមួយមិនដឹងថាជាអ្វីនោះទេ ។
« Tae?? ទើបតែមកពីណា?? » កម្លោះសង្ហា លើកចញ្ចើមសួរទៅទុកជាការគួរសម ម្យ៉ាងក៏ដោយសារតែបាត់ទៅយូរ មិនឃើញគេត្រឡប់មកផ្ទះវិញ ទើបត្រូវតែសួរដោយអាក់ខានមិនបានមែន ។
« ... » ឆឹស!! ជាមួយអ្នកណាមិនដឹងទេ តែជាមួយ Kim Taehyung មិនត្រឹមតែមិនឆ្លើយឡើយ សូម្បីតែមុខក៏មិនមើលដែរ ។ ខ្លួនមិនខ្វល់ទេថាពេលនេះគេបាត់បង់ការចងចាំតែគេបានអោបស្រីផ្សេង ខ្លួនត្រូវតែខឹងគេ ។
YOU ARE READING
ᗕ till i met you ᗒ (✔️)
Romanceតើមានអ្វីដែលអាចវាសទំហំនៃសេចក្តីស្រឡាញ់របស់ពួកគេបានទេ?? ចម្លើយគឺ ៖ គ្មាននោះទេ ។ Main Characters : Jeon Jungkook x Kim Taehyung Author : AERA ROSAA Date : 23/07/21 - 18/11/23 Cover by : Somavotey ♡︎
