Dear Kids - Alec Fam season 2

78. 📚 Brat Baby Takes Two

Dua anaknya Alec di kampung Kipli jadi pusat perhatian, bayik Londo ikut lomba malah bikin rusuh. Mana pake acara ribut ngeyel ama Supri segala, si bayik dikasih tau jawab mulu, Supri sampe kesel, mana demen bener bikin aturan sendiri diprotesin balik protes. Mo dibuntel kresek aja nih bayik tapi tadi kan Supri disuruh jagain pake upah dua puluh rebu. Sayang duid mah kan lumayan tuh bisa buat beli sosis goreng ama pop es di warung mbak Parti.

Si anak gadis juga banyak yang liatin, kan di sono emang kagak umum liat anakan bule tapi merakyat. Si anak gadis cantik bener, mana gandengin cowok cakep bener kek artis entah Korea entah Cino. Kulit putih bening mata agak cipit mana pendiem doang yang bacod yang cewek. Kenapa yang cantik dapetnya yang ganteng, kasian kan yang buluk, dapetnya jadi buluk juga, kagak sempet perbaiki keturunan.

Tapi yang jadi perhatian akhirnya bukan anak Londo ama mas Chindo, tapi kang baso. Panitia pusing peserta lomba buyar, panitia nyerah akhirnya ikutan jajan baso. Kang baso demen, dulu ketemu nih bayik juga dia Cakil satu erte, nih lagi lomba, orang sekampung ngumpul eh dia Cakil lagi. Ya ini kagak usah ngider udah bakal abis nih.

Sayang yang mo Cakil malah doweh doang deket gerobak, mo minta baso dianya kagak keliatan kan pendek sendiri. Padahal dia udah ngiler ama aroma kaldu yang udah sampe mana-mana. Yang laen udah dapet baso gimbul masih ngantri tapi kegeser terus kagak keliatan soalnya, Supri liat sampe kasian, yang Cakil malah dilupain emang pada kaga sopan.

"Gio, gua ambilin deh, biar cepet dapet," kata Supri yang langsung nimbrung ambil mangkok dua biji.

"Macihhhh Cupi," jawab Gimbul demen, Cupi emang terbaik.

"Lu mau mie...?" tanya Supri ngambil mie.

"Mauuuu...!" seru gimbul semangat.

"Mau pentol....?" tanya Supri lagi.

"Iyyahhh," Gimbul angguk-angguk.

"Tahu baso doyan juga kagak...?" Supri nanya Mulu.

"Iyyahhh," jawab Gimbul iyain aja.

Supri emang pinter, kalo kagak ikut nimbrung kagak kebagian. Nelusup aja dia ambil sendiri ngeracik sendiri, kang basonya mah santuy kan udah kenal. Supri masih SD tapi cerdas juga mana perhatian ama Gimbul, kan Gimbul jadi makin sayang. Pulang dari Amika masih inget kasih oleh-oleh meski belinya di supermarket depan gang.

"Gio, mau bawang goreng...?"

"Mauuu....!"

"Pake saus....?"

"Paki cauuusss....!"

"Kasih kecap....?"

"Kacih kicap manyaaak, Jio cuka kicaaap ...!"

"Gorengan mau....?"

"Iyyahhh....!"

"Sambel juga....?"

"Iyyahhh....!"

"Siiiip Gio, baso jadi....awas panas....!"

"Hoyeeeeeeee ......!!"

Supri balik bawa dua mangkok baso, gimbul diajakin ngelesot di atas rumput aja bodo amat digigit semut apa kagak. Dua mangkok baso merah merona, mana punya gimbul sampe agak item segala kebanyakan kecap. Gimbul liat udah ngiler kagak karuan. Dia selonjoran sambil bawa sendok trus berdoa. Dil God, amen.

"Wuahhh acooo cidep-cideeep....!" seru Gimbul udah kagak sabar.

"Kuahnya mantuuul," kata Supri yang udah makan basonya.

"Weeeh, mancuuul....Jio macih ciup-ciuup eyaaah, nanas." Gimbul pegang sendok tiupin kuah baso, tiru Supri nyruput kuahnya dulu.

"Pinter ditiupin dulu, panas emang." Supri ngomong sambil ngunyah pentol.