Dear Kids - Alec Fam season 2

29. 📚 Some Lessons

Siapa ya yang abis sok-sokan disuapin ayam pake sambel mangap aja. Udah tau kalo kena cabe bakalan mules kek apaan begaya bener masih mau aja dikasih ayam penyet. Kagak sadar ama diri sendiri kok emang. Lagian dua anak saling bacod ya kagak usah didengerin, mereka tiap hari juga bacod.

Kalo udah mules plus perut berasa kruk kruk yang kena imbas ya emaknya anak-anak. Kudunya malem duduk cantik ngawasin bayik maen sambil maenan hempon, jadinya kudu ngerawat pasien mesum. Nasib Jully emang kok, punya anak kek gitu semua, punya laki ya begini juga.

Dari tadi bapaknya anak-anak udah bolak-balik ke kamar mandi, padahal abis makan tadi juga udah dimuntahin segala. Ni laki kagak keren amat kena sambel doang udah mau koid. Udah dikasih obat segala sama banyak minum biar kagak dehidrasi. Kan cian kalo Daddy dehidrasi, besok ngantornya gimana.

Dan udah kelakuannya ni bapak-bapak kalo lagi kagak enak dikit, manjanya kumat dan ngalahin Gimbulman. Kalo Gimbulman meler aja masih lari ngejar Kipli, kalo Alec yang teler ya nempel keteknya Jully sambil cari ribuan alesan biar nempelnya tambah lamaan.

Kayak sekarang ini, bolak balik sambat mules sambil nempel Jully. Jadinya emaknya anak-anak kagak sempet ngapa-ngapain. Gio aja dari tadi yang momong Aleccia, moga aja jadinya kagak sesat. Tu anak gadis emang rada-rada kelakuannya.

" Jully......" Panggil Alec lirih, ngerasain mules.

" Nah kan, apalagi....?" Tanya Jully yang baru aja mau keluar liatin anak-anak.

" Mules kagak kelar-kelar." Sambat Alec.

" Besok diulangi lagi yak, udah tau punya alergi kayak begini sok aja disuapin mangap." Jawab Jully malah ngeledek.

" Ya kan disuapin Gio Jul." Jawab alec beralasan.

" Jal Jul Jal Jul aja dah dari tadi...." Gerutu Jully.

Alec melungker nempel lagi ke emaknya anak-anak. Emang kok kalo pas lagi begini nempel Jully itu enak, sekalian manja-manja dan elus-elus nganu. Namanya aja laki kan, bukan rahasia kalo laki itu juga kayak bayi, saking aja bayi gede.

" Haduh mules lagi Jully....." Alec sambat lagi.

" Naaaah, kan.....mau ke toilet lagi....?" Tanya Jully rada kuatir.

" Kagak, mules doang..." Jawab alec sambil ndusel.

" Tadi kan udah dikasih obat masa masih mules aja sih. Ke RS aja yok mama telponin RS kak Andre." Ajak Jully rada kuatir.

" Alah males cuma mules ke RS segala. Apalagi RS Andre, ogah dah kagak jadi sembuh malah mulut Daddy pegel bacod." Jawab alec ngomel.

" Lah emang kalian kalo ketemu demen bacod, heran sesama calon besan kok gini amat." Gerutu Jully.

" Andre kan juga mulut lemes amat," kata Alec kagak mau disalahin.

" Nah kagak nyadar sendirinya juga mulut lemes." Bales Jully galak.

" Masa sih Jul....?" Tanya alec heran.

" Yahh kagak nyadar kelakuan, noh nurun ke anak noh, dua bentukan kek gitu semua. Kayak bapaknya noh." Sambung Jully mulai merepet.

" Jully, Daddy sakit malah diomelin. Udah sakit perut jadi tambah sakit hati...." Keluh Alec.

" Hwalahh udah bapak-bapak manja bener. Kalah sama anaknya yang bayik...." Kata Jully ngedumel.

" Kalah gimana....?" Tanya alec kagak terima.

" Gio meler aja masih kuat maen bola, kapan hari kebanyakan es krim diare juga biasa aja kagak rewel....." Kata Jully jelasin.

" Yang kapan hari itu....? Iya Gio diare kagak rewel, tapi bolak balik kecipirit....!" Sahut Alec.

Jully ngakak, jadi inget pas si bayik diare kapan hari. Masih gesit aja dia lari kesana kemari. Sayang bentar-bentar kecium bau kagak enak. Si bayik bolak balik kecipirit. Kalo inget gitu jadinya antara kasian sama pengen ngakak.