♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:3
اثاروها تصرفاتو الهاذئة ....اسلوبو الراقي ...وسامتو واناقتو كله على بعضه .... وهي سارحة التفكير فكرة تديها وأخرى تجيبها حول الموقف لي هي فيه ....فيقتها جرة المحرك كي فرانات الطوموبيل وعات بنفسها وتم تم طلقات حلقها موجهة كلامها ليه...!!
"واش وصلنا؟!"
جاوبها بصوت خافث شبه مهموس وكأنه يحذر مسامع خفية
"اه وصلنا"
ململات راسها فأرجاء لبلاصة لي هي فيها ماقشعات مابرقات فالضلام
"ولكن واش تكون شي ساعتاين دالطريق؟"
سؤال طرحاتو بينها وبين نفسها وهي نازلة من السيارة متتبعة خطاه.. هو مسرع فمشيتو وكيلا راه يسابق الريح وهي كي تغطس رجلها تغرق فالغيس وعلى روحها خايفة طيح....لقات راسها داخلة فحي صغير ديارو معدودة وزناقيه محدودة ... الضو فيه قليل وعامه السقيل...وتقول ماساكنو ساكن وحد فيه ماكاين.
توقفو خطواته قدام باب من زوج فدقات قزديري الصنع ....شاف يمين شمال وببطئ دفشو بلا مايخليه يصدر صوت القنع.... من حركاتو التسلتية راودها احساس الفزع ...تساءلات ياترى مناش خايف وعلاش كايتعامل بهلع؟....حساتو مرتاكب خطأ مقرف أو واخد حذرو لا يتكشف ... ولأول مرة ترددات وقبل ماتسلت رجلها ورا رجله وقفات...باش تهدن دقات قلبها المتعالية وتقمع أفكارها السلبية... مسولاه بطريقة جريئة ....
"علاش كاتسلت ونتا داخل لدارك وكأنك مرتاكب جريمة أو خطيئة ؟
كي كملاتها قاطعها واضع سبابته على فمه "شششت...ماخاص حتى واحد يشوفنا "
تكاثرات تساؤلاتها وتوالدو افكار جديدة ...حارت وقلالت حليتها وماعندها تاناجية مفيدة ...وملي صرا لي صرا ولقات راسها وصلات لقعر الجرة وكلات امرها لله وكملات فلي بدات.
خطوة ورا ختها ودرجة بدرجة حتى كانو قدام باب ثاني ولكن هاد الخطرة كان خشبي ...وكانت الطريقة لي تفتح بيها مختلفة ...حتى الوضع كان مغاير كليا ...انزاح الضلام من أمام عينيها...بحيث ضرب فيهم ضوء خفيف لهيبو ممزوج بين البني والبرتقالي ...من شموع وردية اللون مستفة وحدا ورا ختها فوق طبيلة صغيرة جات فوسط الغرفة العريضة ولي من المحتمل تكون "صالون" من حيث الشكل وفراشها وحتى زينتها ...كما انزاح الغموض لي كان زارع الشك فمخيلتها ...بحيث لمحاتو على أريكة منبطح على كرشه وعلى مايبدو فهو غائب الوعي واهنا استنتجات أنه هو "المريض اللي فحالة حرجة ومحتاج مساعدة سريعة" ...شهقات بصوت خفيف واضعة يدها على فمها كي لمحو نضراتها كَلتة سائلة حمراء اللون على الأرض ...تتبعات مسارها وهنا شافت مستنقع الدم ولي هو جرح كبييير وواضح لبعيد فضهر المصاب....تضاعف رعبها وعلى بؤبؤها طاح الضباب ...موقف ورا موقف كادو أن يفقدوها الصواب...و بسرعة البرق ازاحت شوفاتها للصبي فجنبهاااا مشرعة عينيها دليل على صدمتهااا قبل ماتنطق بسؤالها لي كان كايتسناها تطرحو خلاص ويدوزو لمرحلة العلاج لأن لا وقت لديهم و أمامهم ولا وقت ل "سؤال، جواب" ...•••
***:واش مضروب بالرصاااااص؟؟؟؟!!!
***:ديري خدمتك أدكتورة......!!
جواب سريع بملامح جامدة وتعابير باردة دليل على انه ماعندوش وقت للشرح والتوضيح ...وتصدير للدكتورة كي تقمع كثرة أفكارها وتشتتهم ...وتبدااا فعلاج جرح الجرريح.
دقة ورا دقة بسرعة جنونية زدح قلبها ...نشف وجف لعابها فحلقها وبصعوبة كي بلعات ريقها محاولة استيعاب الأمر وانهاء ما أتت عليه بسلم وسلام ... وبلا كثرة الكلام ....فأكيد "لكل بداية نهاية"
"ولكن شنو الى كان العكس"لكل نهاية بداية"؟!"
#فنضركم_شنو_كايتسناها.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
