✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:110
هي كملات كلامهاا وحنات بنضرهاا كاتشوف فصدروو ماقادرااش تشوف ليه فعينيه بقوة الحشمة والخجل لي هازينهااا من جدر زغبة راااسهااا .....بلعات ريقها كي لقاتو ماجاوبهاااش وهو تبث نضرتو عليهااا كايحاول يستوعب الحالة لي هي فيها ،جرأتها وزعامتهااا غريبة ...لأول مرة كاتعتارف بلي باغاااه ومرتاحة بين يديه وماباغاش تبعد عليه من النهار لي قربو فيه من بعضياتهم ....الطريقة باش نطقااتهااا كانت مميزة وبحلاوتهااا ...لا من نبرة صوتها ولا من اسلوبها وحشمتهااا.
رفعها لعندو باليد لي تحت راسهااا وخشاا راسو فعنقهااا حاط يدو لخراا على خصرهااا ....كانت تعنيقة كيوووت وهو تايتمخشش فيهااا ومخششهاا فيه حتى هي .
حسات بيه بدا يوزع قبلاتو فنواحي عنقهااا ويدو بدات تطلع من تحت القبية مسركلة على خصرها وصدرهااا
بين الثانية وأختها لقات راسها عريااانة كلها تحتو وهو باقي عرياان غير من الفوق وشوية شوية حتى وللاااو فمعااشرة جنسية وسالاو المعركة بنهيجهم وهو متكي فجنبها ومعنقهااا خاشيها فيه .
هو تايحك ليها على شعرها بيديه ومرة مرة يطبع قبلة حنينة على جبينهاااا وهي غير كاتشوف وساهية فيه حتى داهااا النعاااس بين يديه.
غطااهااا مزياان وسد الشرجم لايضربها البرد حيت هاد المناطق الجبلية باردة بلا قياااس ...خداا دوش خفيف يصحصح بيه ولبس عليه ...جر بكلاكيطتو النايك للكوزينة يوجد الغداا أما الفطور فطروه فالفراااش ...حل التلاجة وهو داير يدو فجيب سروال الكيطمة النايك واليد الثانية تسند بيها على باب التلاجة كايقلب بعينيه على شنو يطيب فهاد البرد .
خرج جوج حوتات كبار وجامداات نقاهم وشرملهم ...قطع الخضرااا بشتى انواعها وحطها تتسلق وخرج داك الحووت يشويه .
ضرباتها الفيقة على صوت تقطااع الشجر تايضر فالراااس ...تلوات فالملاية وطلات من الشرجم لقاتو عهد لي هاز الفاااس .
معري من الفوق وتايقطع فالعواد و العافية شاعلة حداااه عليهاا الحوت كايتشوااا .
تبسمااات متأملااه كايبان جنتلمااان كي يرفع الفاس الفوق وبدقة وحدة يتشلخ الخشب ...شعرو تايتهز ويتحط معااه والوشااام مزين ضهروو ودرااعو وجناب عنقوو ....فحل ومرجل ومستعقل قاسي وصارم وزيد بدم بارد يقتل.....صفاتو متناقضة ببعضهااا دليل على غموض شخصيتو .
خدات دوش بالخف ولبسااات عليهااا حوايجو هو أكيد ماعندها ماباقي دير بحوايجهااا ونزلات لعندو هو تايقطع فالعواد ويستفهم على بعضهم باش الناس يستافدو منهم وهي واقفة ورااه دايرة يديها فجيابهااا كاتشوف فيه .
دار لعندهاا متبسم بطرف شفاهه وقرب منهاا قايس ليهاا شعرهاا الفازك .
عهد[عقد حجبانو]:علاش مانشفتيش شعرك؟!
جر ليهااا الكول ديال القبية لقاها لابسة تحتها غير السوتيانات
عهد[وسسع عينيه]: وشنو هادلشي لاابسة؟!
عبير[بلطافة]: كنت كانزرب باش نهبط عندك .
عهد:طلعي نشفي شعرك ولبسي حوايجك
غوبشات ودلات القنينفااات طالقة دموع التماسيح عليه بالتغبااان والتنغنيغ باش يخليهااا .
غير خنزر فيها وهي تجمع ملامحها لملامح جدية ...قربات منو وحطات يدياتها برطوبينهم على صدرهااا تاتطلعهم وتنزلهم عليه بشوية وكاتهضر بنبرة خافثة وصوت رقيق محاولة تنويم الشيطان لي فيه .
عبير: عافاك خليني معاك حتى نطلعو بجوج بينااا ونلبس .
عهد تبسم وجرها لعندو من خصرهااا ملسقهاا معاه ...حطات عويناتها فعينيه و ضحكات ليه كي عرفات راسهااا دغيااا على مشاعرو لعبات ليه ودورات ليه رايو .
عهد[بهدوء]: طلعي احشيش قلبي لبسي حوايجك ونشفي شعرك قبل مانجهل على روح ملتك.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksiyon▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
