♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:62
الطريق كلهااا وهو ساكت ..عينيه كايدور فجنااابو للتأكد من ان المنطقة سااالمة وفنفس الوقت مركز مع الطررييق وسيااقتو ...هي حداه كاتفيبري فبلاصتهاااا وحابساااهااا البولة قربات تطلقها فحوايجهااا ....كنزيرة على فمهاااا والدموع تحجرو فعينيهااا ...مكمشة يديها بين رجليهااا باش تحبسهاااا غير تاتوصل وديرها وكلما كاتفكر بلي باقا ليهااا 60 كيلو متر كايبغي يسكت قلبهاا .
كاتشوف فيه وتخطف عينها بزربة كاتقول الى مشات تاقالت ليه يوقفليها شوية يخوي فيهااا داك السلاح ويلوحها من الجبل لي حدااه...شافت فجنابها غير الجبااال والغابات الى قتلها فهاد الخلاا حد مايسيق خباارهااا ..عضات على شنايفهاا كاتتعصر فمكانها وهو بنص عين كايشوف فيهااا ...فراناا بالجهد مزعزعها و شاف فيهاااا بزربة هي تخلعات ولسقات مع باب الطوموبيل كاتترعد والدموع نزلو ليها .
ياسر: ماكانعضش البنات ا انستي الأنيقة تقدري تقولي ليا وقف بغيت نبول .
مررركااات فحوايجهاااا ...حنات براسهااا ماكارهاش الأرض تنشق وتبلعهااا ...فتحات الباب بشوية وخرجات بشوية غير لقات راسها برا الطوموبيل وهي تكرعط وعطات رجليها للريح كاتجري وكاتتعوج باش تحبس البولة ....طلق الضحكة من موراها كايضحك عليهاااا وتسند بضهره على الكرسي قايل فنفسه
"هاد الدكتورات عالمهم بوحدهم"
داتهااا شاعلة فيها العافية والبرد قاتلهااا ..كاتتحسس لحمهاا تاتلقااا راسهااا سخووونة ولكن كاتفيبري بالبرد ...لبسااات عليها مزيااان وهي تصهد وبدات تعرق ولكن باقا بردانة ..رجعات سلتات كاع حوايجها ولبسات كسيوة ديال رغد واسعة شوية قصيرة حد الفخاااض وغير سميطات من فوق الكتاااف .
"شنو الفايدة من اللبس الى كانت صحتي شاعلة فيها العافية وانا فيا البرد" .
مشات لصاكهااا وهزات مقيااس درجة الحرارة قاست حرارتهااا لقاتهاا فآخر درجااتها وسعات فمها بالخلعة وهزات آسبيجيك للحمى خلطاتو وشرباااتو وبقات غادا جااااياااا فالبيت ....عرقاااانة ولكن كاتترعد بالبرد ...تكمشااات فالقنيتة ديال البيت وضمات راسهااا كاتلالي باش تسخن ....سنانها كايتقرقبو مع بعضهم وعينيهااا تهررسووو وتنيموو بالسخااانة ....وجههاا تزنك وحنيكاتهااا حمااارو وراسهااا حاساه غايتفرقع عليها .
سمعات الدقان فالباب ولكن ماقدراتش توقف من بلاصتهااا وتمشي تحل ...مدة طويلة وشي حد كايدق وفالتالي مشااا .
وهو فالباب ضرب فعلي نازل من الدااار عندوو قرن حواجبه بين عينيه وميل راسه قبل مايسولو شكايدير هنااا نطق يسار مجاوبو .
علي: سعادة القائد ..واش الدكتورة عبير ماكايناش فالدار؟! من قبيلة كاندق مارد عليا حد
عهد وقف فديك "الدكتورة عبير ماكايناش فالدار" .
اسرع خطواتو طالع فالدروج بزربة وعلي بقا واقف بلاكة ماستغربش حيت هادي هي طريقة تعامل القائد فالعادة ولكن هاد المرة ماشي كي باقي المرات ... دار يه فجيابه وبلا حول ولا فوة الا بالله حرك راسه وكمل طريقو.
دخل للدار بلهفة فالي الأركان بعينيه ..قصد بيتو بزربة فتح الباب وقشعهااا فالزاوية مكمشة فداتها وضامة راسها بدراااعهااا كاتقفقف كي حسات بدخولو هززات راسها فيه كاتباان حمرررة وحنيكاتهااا حمريين وعينيها مهرسين نااعسيين .
عقد حجبانو وضيق عينيه مسولهاا باهتمام .
عهد: دكتورة مالك؟!
عبير[بصوت عيان]: فيا البرد اسعادة القائد .
زفر ببطئ كان يصحاب واقعة ليها شي حاجة وحرك راسو يمين شماال راسم ابتسامة استهزائية شبه باهثة على طرف شفاهه...تقدم فاتجااهها ونطق مسولها .
عهد: وشنو هاد اللباس؟!
عبير[لا واعية قلباتها السخانة]: وادير شي حركة تسخننااا .
عهد تحنااا لمستواها حاط يديه على ركابيه ونيم عويناتو البحرية فيهااا .
"نسخنك؟!"
دللات قنوفتهااا بطفولية مخنزرة فيه بغضب و.غطات صدرها بيدها مكمشة فداتها كثر .
عبير:المنحرف لاخر ..ماتفكرش تقرب ليا.
عهد[قاس على جبهتها بيديه]:علاش حنا راه مزوجين دابا ؟!
عبير[وسعات فمها شاهقة]: السافل لاخر .
عهد[عرفها نرفوعة بالسخانة وشاد معاها فالخط]: سافل؟! حيت باغي نقيس مراتي؟!
عبير[كاتفكر فهضرتو]: امم علميا عندك الحق ...يالله سخنني.
وقف مقهقه بلطاافة حتى ضهرت سنيناتو البيضة مستفة وغمازة خفيفة على خده الأيمن ...ميل راسه وفتح جاكيطه داير ليها اشارة باش تجي لحضنه .
عهد: اجي لهناااا .
كانت منصهرة فضحيكتو وكي هضر ودار ديك الحركة زادت دابت فيه
فاللول ترددات وهو رجع نطق" يالله" .
وقفات تاتفيبري كلهاااا وقربات منو بخطواات بطيئة ...تخشاات فحضنو كي شي بنية صغيرة وتمخششات فدفئ حضنه معنقااه من ورا ضهره وكامشة بيديها على التريكو ديالو ..دجاكيطوو مكالي البرد عليها من الجنااااب وعهد ضمها بيديه لعندووو مزيرهااا ليه كثر ...وسبحان الله الحوايج مادفاوهااااش وحضنووو دفاااهاااا ...اللحم مايسخنو غير اللحم .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
