✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:111
على خشونة نبرة صوتو الحرشة كايتراقصوو دقات قلبهااا ..وعلى لمساتو الدااافية وريحتو المميزة كايتمااايلو مشاااعرهااا ...مانواتش تفلت من بين يديه ولكن الصوت لي جااا من خلفهم زعزع التقااارب لي كان بيناتهم .
"تبارك الله على القائد الشيطان ديالناا عايش الرومانسية مع الدكتورة الجريئة "
قفزات من بين يدين عهد كاتقاد فحوايجهاا عليهااا وتلفتاات للخلف رافعة حاجب ومنزلا الثاني فعمر لي تايقرب منهم بخطوات بطيئة وداير يديه فجيااابه متبسم بطرف شفاهه.
عمر: كانتمنى مانكونش قاطعتكم؟!
رمقو عهد بابتساامة جانبية استهزائية وقلب عليه عينه متنقل بخطواته فاتجاه الحوت تايقلب فيه فوق من الناااار بلااا مايرد على كلامو .
تأمل عبير بهدوء وهي طلعاتو ونزلاتو تدريجيااا من رجليه لراسو ونطقات موجها كلامها لعهد .
عبير: غانطلع ..!
عهد رفع راسو بالإيجاااب أما عمر ميل راسو متبعهاا العين غااداا وكاتتمايل يمين شمال وشعرهاا تايشطح على ضهرهاا عض على شنايفو ونطق بلا مايعبر ويوزن حروف كلماتو غير باش يلعب لعهد على نغيزات أعصااابو.
عمر: نتا معامن جاات وعطاتك الوقت... الدكتورة عبير لي لبساتهاا تواتيهااا حتى حوايجك عازلين ليهااا[شاف فيه وغمزو].. شعرهاا سارد ولا مسرح يجيها زوين .... وبلا ماكياااج وجهها صفااا من قلبي ..معدووور على الطيحة لي جبتيهاا اسعادة القائد الشيطان .
وقفات فنص طريقهااا مصدومة من لي سمعاتو ..وسعات عينيهااا بخوف و دارت بزربة كاتشوف فعهد لي رخا داكشي من يديه وتباطئيا رفع راسو فيه ...مدة طويلة وهو كايشوووف فيه مزير على فكو وعلى قبضة يديه لاح بخطوة طويلة لعندو ووقف عليه حاقد وكااااره السخط كايجري فعروقوو .
من كلام عمر طاحت الضبابة على عينيه وصماكو ودنيه ...مابقا يسمع مابقااا يقشع ومنضر عيونو الشاااعلة وبؤبؤهم الشرارة مستوطناااهم كااايخلع .
ماشي منطقي يهضر ليه على مراتو بهاد الأسلوب المستفز ...عبير برد الما فركابيها والخلعة هزاتها من صبع رجليها خصوصا من بعد ماشافت الوحش لي فعهد وللات كاتترعب من بحال هاد المواقف القتالية.
عبير: ع عهد .
ماشافش لجيهتها غرس عينو فعين عمر لي تغيرات ملامحو الإستفزازية لملامح خوفية .
عهد: قتلك من قبل ماتجيبش عينك فمراتي ولا نݣلعهااا للواسعة دمك من بلاصتهااا ...دابا الى خرجت لدين ديماك على حياتك ماتلومنيش .
عمر[ابتاسم ابتسامة مصطنعة]:علاش عندك هاد النفس الحارة اسعادة القائد؟! .
عهد: ماغاتفهمش ...حيت نتا ماعندك نفس .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
