♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:6
****:خليوني نمشي فحالي الله يخليكم ...كانواعدك مانقول حتى حاجة ..بمجرد مانخرج من هاد البلاصة لي ماعارفاها حتى فين جات غاننسا اني كنت فيها ... كانواعدك.ءء شوف انا ماشي فضولية كيفما قال . ماباغاش نعرفكم شكون نتوما وماكاتهمنيش اعمالكم الغير القانونية و جرائمكم ولا حتى نشاطاتكم الفاسدة فالنهاية لا علاقة لي بكم ...انا غير فاعلة خير جيت فداك الليل ننقد حياة شخص وغانمشي فحالي بكل هدوء تيقني الله يخليك.
بصوت مبحوح غالباه البكية سالات كلامها وعينيها احمرت زواياهم وامتلكتهم غرغرة الدموع ...حدر راسو تايململ شوفاتو فجنابو محاول استيعاب كلماتها المتبعثرة ورجع نطق بتساؤل وراسو مرفوع
***:اعمال غير قانونية؟...جرائم ونشاطات فاسدة؟ اشنو كاتقولي نتي؟
كانت القضية فلون الفاخر زادتها اللمعان ...عرفات راسها زادت غرقات حفرتها بيدها ...بلا ماتضرب حساب للحروف لي كاتخرج من حلقها نطقات بلاوعي محاولة ترميم ماكسرت
****[بصوت خافث]:قصدي ...ماعارفاش، وماباغاش نعرف فين انا وشكون تكونو بالضبط، ...فقط بغيت نمشي فحالي بهدوء وبلا حتى شي مشكل الله يخليك.
****:تماما ... غاتخرجي كيفما دخلتي بهدوء وبلا مايشوفك حتى شي حد ..
هي ميلات راسها وطلعات حاجبها ليمن باستغراب ... وهو كمل كلامه بنفس نبرته الكالم وعلى سؤالها اللي مزال ماطرحاتو اجاب
****:وماتخافيش...حنى ماكانردوش الخير بالشر .
****:على الأقل باقي عندكم ضمير وشوية دالرحمة للبشر.
بلا مايحس ابتاسم بقهقهة خفيفة وهو كايحرك راسو بلا حول ولا قوة إلا بالله من خيالها الواسع ...دار يده فجيابه وميل راسه جامع ديك الإبتسامة مُضهر ملامحه الجدية قبل ماينطق مجاوبها
***:حنا فمنطقة أليغرا[منطقة جبلية محصورة] هاد المنطقة محضضورة خارج المدينة ب مسافة طويلة دالطريق ....ناس هاد المنطقة محسوبين بالواحد حتى لي باقين فكرش مهم حافضينهم ....لي كايدخل لهاد المنطقة بدون امر من السلطات العليا يعتبر جاسوس أو راهب مرفوض ويشكل خطر على افرادها...بحيث جات محصورة مابين منطقتين عدوانتين [عداوة الإستيلاء على المناطق]...وهاد المنطقة يتزعمها قائد جنود المعسكر الجيشي ونتي فدارو حاليا ..
دورات عينيها فجنابها على الدار كي سمعات ااخر جملة قال وهو كمل هضرتو
****:البارح كان هجوم حار على المنطقة وتماا انصاب القائد ديالنا بالرصاص ...ماكانش خاص توصل الخبار للسلطات لعليا ...وأنااا،،، أنا كنت محتاج يد المساعدة وكنتي نتي لي مديتي يدك..انا قصدت المشفى لي خارج على المدينة وكنتي نتي آخر وحدة غاتخرج منوو .
وكانعتادر حقا حيت حطيتك فهاد الموقف وحيت ماكاتنتميش لهاد المنطقة و دخلتي بسرية فاليوم لي كان فيه الهجوم ...ماخاص تاواحد يعرف بوجودك وخاصك تخرجي بنفس الطريقة.
صغرات عينيها فيه ورفعات يدها امامه موقفاه بكلامها
****:خليني نصيغ هاادلشي كامل لي قلتي بالطريقة لي فهمتها الله يخليك.
هاد المنطقة فعداوة مع المناطق الجانبية اللي محاصراها ....لهاذا فيها معسكر جيشي لحمايتها ... والقائد ديال هاد المعسكر الجيشي هو الشخص لي انصاب لبارح ولي عالجتو بيديا هادو وفنفس الوقت هو المسؤوول على حماية هاد المنطقة من راسها لرجليها؟؟ وحيت دخلت بلا مايشوفني حتى حد و فالوقت لي كان فيه هجووم على المنطقة ماخاص تاواحد يسيق بخبار تواجدي هنا وخاصة فمنزل القائد لأن هادلشي غايحطو فمشاكل ضخمة الحجم نضرا لأنه هو المسؤوول على حماية المنطقة وانتهك اهم قانون فيها بحيث مدخل شخصية مجهولة لدارو وفاليوم لي كان فيه الهجوم من الفوق ....ماعندها لا اذن من السلطات العليا .ولا بطاقة هوية تثبت انها تنتمي لهاد المنطقة أي انه الى شافوني غاتحقق معايا رئاسة السلطات العليا لأنني اعتبر جاسوسة أو راهبة تشكل خطرا على المنطقة ..........اضافة لأن داك الجندي انصاب بطلق ناري وخلا الأمر خفي والى تكشف غايطيح فمتاعب خيالية..كلامي صحيح ياك؟؟
***:ماشي غير هو لي غايطيحح فالمتاعب...حتى أنا بحيث مساعد فالقضية ووو...أهمهم نتي
***:اناكانشوف أن اكثر واحد مضرور فهادلشي هو داك الشخص ..القائد ديالكم أما أنا فمستاعدة نتعرض للتحقيق ونثبت هويتي ونمشي فحالي .
****[قهقه مستهزأ]: نتي ماشي بذكاء القائد ..هو يقدر يخرج منهااا بطريقتو الخاصة نتي لي غاتغرقي .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
