✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:95
حاولات حتى تحركاات وجلسات قدام المراااية ببطئ ...كانت كاتسناا تلقى بشرتهاا شاحبة واللون مخطوف من وجهها ولكن تفاجئات ملي لقات السر طايح عليهااا ووجها منور بحنيكات مزنكين وشفايفها الورديين منفوخيين ...غير شعرهاا لي شوية مخربق وخاصو يتسرح ولكن ماعندهاش خاطر ليه ..وقفات وخرجات من البيت .
لقاتو مقتعد الأريكة مقابل مع الشرجم حاط رجل على رجل والكارو فيدو شاعل ...نتر منو وهو كايشوف فيهاا جاية فاتجاااهو وعينهاا على البخاخ الطالع من بين شفايفو ... فالطفاية لي قدامو طفاه ونطق بكلمات من الأحاسيس جامدة و بملامح باردة.
عهد: ااجي .
ميلات راسها مستائلة شنو بغاهااا وهو جر كرسي من جنبو لقداامو قلبوو عاطيه بالضهر ودار ليها اشارة بحاجبو بمعنى" جلسي عليه"
حساتو امر صارم لذا طاعت وجلسات قدامو عاطياه بالضهر وبشوية عليهاا وهو جر الكرسي بيهاا وبدااا يجمع ليها فشعرهااا .
وسعات عينيهاا مصدومة من جديد هاداا ماشي القائد الشيطااان راه وللااا ملاااك وحركاااتو بزاااف عليها وعلى قلبهااا لي قرب يطيح ليها بين يديهااا .
عبير: ءء ..ع عهد ..شنو كادير؟!
عرف معنى سؤالهااا ولكن جاوبها بطنز مغير الموضوع .
عهد: كانتعلم الضفيرة .باغي نبدل المهنة.. ماكاينينش بنات فالمعسكر .... هادشي علاش كانفكر ندير كوافور .
عبير دارت عندو عاقدة حجبانها ...رفدات يدها قايسة ليه جبهتو وحركات راسها يمين شمال قايلة .
عبير: كنت حاسة بيك ماشي طبيعي ...نتا ماشي عهد لي كانعرف ...واش فيك السخانة؟! ضاررك راسك عاوتاني؟!
عهد[بنفس البرودة]: ماكايضرنيش راسي .
عبير: ياك نتا لي قلتي ماكانش يضرك راسك قبل مانتزوجوو .
عهد: لا هادي ماشي ديالي غير كريتها ..كنت شفتها فواحد الفيديو مشهور فمواقع التواصل .
عبير: آ آ ...تانتومااا عندكم مع السوشيل ميديااا؟!
عهد[علا حاجبو]: دكتورة أكما كايصحابليك حنا الجنود عايشين تحت الستيرشولين؟! راحنا فنفس الكوكب .
عبير[قرنات حواجبها باستفهام]: الستيرشش ..الستيرشولين ؟! شناهياا هادي ؟! ماعندناش هاد الكلمة فالكوكب ديالنااا.
عهد[ململ عينيه تايفكر ]: صافي عندك الحق ..حنا عندنا كوكب خاص بينااا .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
