♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 122
نصص الليل ليلو والنجوم زينات سماها ...لي عندو شي أحلام حلمهاا ولي ماعندوش واخا حلم بيها نساهاا .
وفهاد نص الليل رباب فالطواليط شادة على راس #الدكتورة عبير لي كاتصارع الحياة بحيث كرشها تقلبااات عليهاا وقلباتهاا ردااان خاطرهاا مروع عليهاا وراسها دايخ بيهاا ماقادراش تتنفس بقوة الردااان حتى ولات تطلب الله يطلع روحها منهاا .
وفنفس الوقت #القائد عهد كايصارع الموت وهو غاايب على الوعي دموو جاري ودياااان ...يااسر عافط بيه عفطة وحدة مخلي روايض الجيب يتحركو طايرين فالطريق ماتايسمع ماتايقشع وكان يجي قدامو شي واحد يدعسو بلا مايفكررر .
مرة مرة تايخبط الفولون أعصابو بخوفو على خوه مخلياه حابس الدمعة على طراف جفونو كل مرة يتلفت للمقعد الخلفي يشوف فعهد ويستفسر من علي لي جالس حداه حتى هو الخلعة مزعزعة قلبو تايتنفس بالجهد و مشررع عينيه مرعوب و بالتلفة الدنيا تلفات بيه
ياسر: كااايتنفس؟!.
علي: هاا ..ااه ..لا ...شوية .
بزز باش قدرات تحبس التقية ...طاحت للأرض ماقادرااش توقف على رجليهاا وعينيها مقلوبين عليهاا ...سنداتهااا رباب على الحيط بشوية وهي مخلوعة عليها.
ماعرفات فهاد نص الليل باش تبلات ...جرات للكوزينة جابت ليها كاس دالمااا بارد ...عاوناتها حتى شربات وهي مزالا شادة الأرض بالدوخة وعاود عاوناتها تاني حتى وقفات على رجليهااا واخا كاتحس بركابيها خاويين بيها .
رجعاتها للفراااش وغطاتها وجابت ليها كويس دافي فيه السكر باش ماتعاودش تحس بالسخفة وبدات حاضية معاها كل مرة تقيس ليها حرارتهااا فالتالي جرات كرسي لجنبهاااا وربعات يديها قدامها متأملاهااا ... بعد تفكير طوييل استنتجاات ان عبير 100% حاملة وماكاينش التزعزيع والتخرشيش فالموضوع ..هي دكتورة وتعرف فمواضيع العيالات حسن من كلشي ...وهاد الأعراض هوما بالتأكيد اعراض الحمل وبدون شك.
تنهدات بحرقة عليهااا وكلمات نفسها بنبرة شبه خافثة ولكن تسمعات لودان عبير.
"هاد الحالة لي راكي فيها اختي عبير ماكاتشبشرش بالخير"
سمعاتهاا ولكن ماعندهاش الجهد باش ترد عليها ...وفنفس الوقت مابغاتش تفكر بنفس تفكيرها حيت حتى هي دكتورة وأكيد عندهم نفس الأفكار ... وحيت مجرد التفكير فالفكرة كايرعبها...!
مدة قليلة وبدات تحس براسها بيخير ...حلات عينيهااا وحولاتهم عند رباب جنبها لي باقا على نفس وضعيتها فوق الكرسي مربعة يديها ومميلة راسها مستنياها تفيق .
حاولات حتى توكضات فمكانهااا وربعات رجليها قدامهااا تاتشوف فرباب بقلق وحيرة واضحين على ملامح وجهها .
عبير[بتوتر]: ز ززعمااا... يكون داكشي لي كانفكر فيه؟!.
رباب هزات كتافها بالله وأعلم ووقفات خارجة من البيت قاصدة صاكهااا.... فرمشة عين جابت جهاااز كشف الحمل فيديهاا
مداتو ليهاا ونطقات بهدوء .
" خلينا نتأكدو ...ونحيدو مجال الشك"
عبير حولات نضرتهاا لجهاز الكشف فيدهااا ورجعات شافت فيهاا قبل ماتشدو من عندها ووقفات غادا للطواليط بلا ماتقول حتى كلمة .
كل خطوة كاتخطيها كاتتمنى وكان كاع ماخطاتهاا ...قلبها تايزدح بين ضلوعهاا بالخوف .
خايفة ...خايفة يكون شكهم فمحلوو وفنفس الوقت حاسة بفرحة طفيفة كادوز من فوق مشاعرهااا ...الى كانت بصح حاملة هادا غايكون أحسن خبر كايدخل لحياة القائد الغامض ولحياة الدكتورة العنيدة .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Akční▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
