♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:137
توقفو خطواتها فمكانها ...توقف قلبها عن النبض ومسالكها التنفسية عن التنفس وتوقف الزمن عليهم كي تقابلو عينيهم.
فهاد اللحضة تعباو عيونها دموع ووقفو على طرااف جفونها...هزاتها القفقفة وهزها الشوق ليه ماكرهاتش تطير عليه ويحضنها بين يديه.
لمح الدمعة كي نقزات من أم عينيها قلبو تقبض عليه ...عض على اسفل شفاهه وتنهد مخرج اشتيااقو بنفس قوية طالعة من اعماقو.
بلعات ريقها ورمشات لعدة مرات كاتحاول تستوعب الموقف لي هي فيه ...وفنفسها قالت
" ياربي إلى كان حلم ماتخلينيش نفيق منوو".
أما فالواقع قالت
عبير:ءء ...ع عهد ...اشنو جاي دير هنا؟!.
الممرضات مافهمو والو وعهد نطق مجاوبها.
عهد: فنضرك نتي...شنو غانكون جاي ندير عند مراتي فمقر العمل ديالها؟! الى مكنتش جاي نشوفها؟!.
عبير ارتابكات والممرضات عاودو الكلمة لي نطق بيها عهد" مراااتي؟!"
خنزرات فيهم وقلبو خطواتهم غاديين وكايهضرو فيهم وهي شدات بيدها على معصم يديه وجراتو وراها كاتزرب فخطواتهاا بعصبية وغضب ضاهر على ملامحهاا وعلى نبرة صوتهاا وهو متبع ليهاا ومسايرهاا حتى يشوف فين ناوية توصل....غادا وكاتهضر وتنكرر فطريقهااا
طلعو للسطح دالمستشفى ووقفات دايرة عندو .
عبير: واش نتا حماقيتي؟! اشنو جاي دير هنااا وكيفاش مراااتي؟!
نتر يدو من يدهاا وميل راسو مضيق فيها عينيه.
عهد: علاش رجعتي لهنا؟!
عبير[بدون وعي]: جييت حيت مابقا عندي ماندير تمااا...حيت طلعلي داك الجو فراسي وحيت تخننننقت وتوحشت حرريتي ...توحشت خدمتي وحيااتي انااا توحشت راااسي توحشت عبييير فهمتي؟! ماخاصنيش بالزوااج والعلاقات الجدية اناا باقا باغا نعيش حياتي.
كلامها دخل ليه من ودن وخرج من الثانية هو كايقلب على الجواب الصحيح وهضرتها عارفها كدوب فكدوب ماغاديش دوزها عليه.
عهد[بهدوء]: واخا ...و ولدنا؟!
تغير لون وجهها ودازت الضبابة على عينيها...بلعات ريقها بصعوبة وداتها تنملات عليها.
عبير: ءء ...اشمن ولد كاتهضر عليه؟!
سركلات نضراتها على تعابيرو الجامدة ونضراتو الباردة عرفاتو تلميح للهدووء قبل العاصفة ...فاش يسكت عهد ويبدا يسكاني ويقرا بالعقل كايكون ميساج كايعني " تهضر ولا نصعععرر"
عبير: ط طططيحتو ...أنا طيحت الجنين ...مابغيتش الولاد وماقادرااش على مسؤووليتهم ولا مسؤوولية الزواااج...انا بغيت نكون حرة بغيت نرجع ديال راااسي .
تاتكللم بارتجاااف بكمال جسدها ...شنايفها تايترعدو لدرجة سنانها مع بعضهم كايتقرقبو ..تاتعبر ودير حركاات بيديهاا المرعودين كذالك.
وهو قدامها ثااابت وفيها عيونو الحمرة الجمرة مثبت...صهد نضراتو الكااارهة والحاقدة شواهاا....تايسركل شوفاتو عليها مسكانيها وقاري تعابيرها...من الطريقة لي تاتبلع بيها ريقهاا وهي ماقادرااش تهضر حاطة عينيها فعينيه استنتج أنها كاتكدب عليه.
خطاا خطوة سريعة فاتجاهها مقرب منها وهي جمدات فمكانهااا معلية عينيها فيه.
ميل راسو وقرن الحضااش بين عيونو الهااايجة قبل ماينطق صاعقهااا بكلامو.
عهد: ماتحمقيييش الدين دمييي اعبييير....نقسم لك برب الكعبة لي خالق سيفتي وكماااارتك وتكون صحيحة هضرتك....[طرطق فيها عيونوو كثر] عقااابك غايكوون هو اعدااامك ونتي تعرفيني وتعرفي شكانسوااا غانكرررههههك فحياااتك .
واش عارفة شكون هااادا لي جهضتيه ولا ماعارفاااش؟؟؟!!! قبل مايكون ولد السلالة الفيليراااالية وحفيد مرشال الفيليرااال...و وريييث الجيش الفيليرااالي.....هو راااه ولدي أنا ويااااك...ولدناااا اعبييير.
كايهضر بعيونو الحمرة خارجة والعروق فعنقو وفدراعو بارزة...انفاسو العالية لودانها تسمعااات وقلبها متسااارعين ليه الدقااات.
بلعات ريقها وحاولات ترجع بخطوة اللور باش تجاوبو ولكن حكمها قبل ماتخطيهاا وهزهاا بقجة مقابل وجهها بوجهوو.
عهد: ماطيحتيييهش يااااك؟! اااخر مرة غانسولك.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
