♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:83
" وإني أرى الهيام هائم بصفاته فأغار منه" .
حروشيتو بالدااات من الأول مطيحاها ...لكن مؤخراا وللات مميزة بنكهة التمللك لي زادت عليها ... تصرفات عهد الأنانية فيهاا وقساوتو وصرامتو معاهاا ماشي غيرة كيفما هي حاسباااهاا .
عهد نفسو حارة ودمو سخوون على حاجتو ...ومادام عبير محسوبة على سميتو وكلشي عارفها مراتو ..ممنوع تتحط عليها يد من غير يديه ولا ترمق فيها عين من غير عينيه ...حيت كاتبقاا حاجة كاتخصوو .
سواءاا كانت علاقتهم حقيقية أو مزيفة ..فهي على الوراق شرعية وقانونية يعني هي مراتو وماكاينش اللعب فالزواج...وبالتالي هي ديالو .
بالنسبة ليه كايحاول يملكهاا وبيه يربطها باقترابو منها كايحاول يخليهاا تنسا ان الزواج مزيف وتحتارمو وتحتارم علاقتهم الزوجية....مابغاهاش تعيش مع فكرة انهم مامزوجينش دالصح وتبدا تختالط بالرجال وتبيدق رجولتو وكبريائو وتحرق نفسو ...ماشي غيرة وإنماا حاجتو مايبغيش يشوفها قريبة من غيرو ..يمكن هادا تبريرو لمشاعرو وربما هي مشاعر اقوى من تبريراتو ..!!
خداا دوش خفيف ضريف وخرج مقابل مع شباك الشرجم بسروال كيطمة فالكحل عليه علامة لاماغك نايك بالبيض...سمطة الكالسو النواغ باينة من تحت سمطة السروال عليها كتبة بالبيض ...عريان من الفوق وفيدو الكارو ديالو .
لمحاتو من باب الكوزينة مستقيم فوقفته مكضر ومكلضم كتافه العراض وازنين فصالته ...تسريحة شعره الزعر مزينة رقبته البيضااا اناقته ونقاوته من بعيد تشع منه ...ململات نضرها على سيكاتريس الضربات لي مزوقة ضهره ولمدة طويلة وهي متأملاه ..وكي وعات بنفسها حنحنات من خلفه وتقدمات ماددا ليه كاس دالقهوة بلا ماتهز فيه عينيهااا ...استدار ببطئ ميل راسه فيها ماد يده قابطو من عندها وبنبرة هادئة كلمها .
عهد: تقدري تمشي تدوشي .
هزات راسها بالإيجاب ورجعات للبيت تهز حوايجها ومن بعد دخلات تاخد دوشها حتى هي .
بقا كارو ورا كارو حتى سالا الباكية ..حط كاس القهوة فوق الطبلة ودخل بدل عليه ببذلته الرسمية وخرج .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
